Gujarat News: : ઈરાન યુદ્ધના કારણે દેશમાં ગેસ બાદ હવે પેટ્રોલની તંગી ઉભી થઇ હોવાના અહેવાલો છે ત્યારે ગુજરાતમા મોટાભાગના શહેરોમાં સાદા પેટ્રોલનો જથ્થો ખૂટી પડતા અનેક પેટ્રોલ પંપો બંધ હાલતમાં જોવા મળ્યા છે. જે પંપો ચાલુ છે ત્યાં પ્રીમિયમ અથવા પાવર પેટ્રોલ જ મળતું હોવાથી મોંઘા ભાવનું પાવર પેટ્રોલ પુરાવવા માટે પણ લોકોની લાંબી કતારો લાગી છે, ઘણાતો રસ્તામાં પેટ્રોલ ખૂટી જવાથી અને નજીકના પંપો બંધ હોવાથી અનેક વાહનચાલકો ધક્કા મારીને અન્ય પેટ્રોલ પંપ સુધી ભર તડકામાં જતા નજરે પડ્યા હતા.
રાજ્યમાં અમદાવાદ, રાજકોટ અને વડોદરા જેવા મહાનગરોમાં કેટલાક પેટ્રોલ પંપો પર ‘સ્ટોક નથી’ ના બોર્ડ લાગી ગયા છે. સપ્લાય ખોરવાવાને કારણે અનેક પંપો બંધ રહેતા તેની સીધી અસર ચાલુ પંપો પર જોવા મળી રહી છે જ્યારે અમુક પેટ્રોલ પંપો ખુલ્લા છે, ત્યાં વાહનચાલકોની લાંબી લાઈનો જોવા મળી રહી છે.
જોકે,રાજ્યના નાયબ મુખ્યમંત્રી હર્ષ સંઘવી આ વાતને અફવા ગણાવી રહયા છે અને તેઓએ જણાવ્યું છે કે રાજ્યમાં ઈંધણનો પૂરતો જથ્થો ઉપલબ્ધ છે અને નાગરિકોએ ગભરાવાની જરૂર નથી. મુખ્યમંત્રી ભૂપેન્દ્ર પટેલ આ બાબતે દર બે દિવસે આ બાબતનો ખાસ રિવ્યૂ લઈ રહ્યા હોવાનું સરકાર જણાવી રહી છે તો બીજી તરફ પેટ્રોલ પંપ બંધ થયાની વાસ્તવિક સ્થિતિ છે અને લોકોમાં પેટ્રોલ લેવા પડાપડી શરૂ થઈ છે.
જે રીતે સરકાર કહે છે કે ગેસનો પુરવઠો ઉપલબ્ધ છે અને ચિંતાની વાત નથી અને ગેસની શોર્ટજ વચ્ચે લોકો લાઈનો લગાવી રહયા છે.
આમ સરકાર કહે છે કે કોઈ મુશ્કેલી નથી પણ જમીની હકીકત વિપરીત છે તેવું લાઈનમાં ઉભેલા લોકોનું કહેવું છે.
અત્રે ઉલ્લેખનીય છે કે લોક સભામાં પણ આજે PM નરેન્દ્ર મોદીએ પોતાના નિવેદનમાં એવી અપીલ કરી છે કે જેમ આપણે સૌએ કોરનાનો સામનો કર્યો તેમ વર્તમાન પરિસ્થિતિનો પણ સાથે મળીને સામનો કરવો પડશે. આ નિવેદનની દેશવાસીઓમાં ઘેરી અસર પડી છે અને કોરોના જેવી લોકડાઉનની પરિસ્થિતિ પેદા થવાનો ડર જોવા મળ્યો છે અને લોકો ઘરમાં ઘર વપરાશની ચીજ વસ્તુઓ સહિત પેટ્રોલ-ડિઝલનો સ્ટોક કરવા નીકળી પડતા અફરા તફરી સર્જાઈ હોવાના અહેવાલ છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
