Gujarat: રાજ્યમાં ચાલુ રહેલા વરસાદી માહોલ વચ્ચે હજી પણ આગામી 4 દિવસ ભારેથી અતિભારે વરસાદ પડવા સાથે 55થી 65 કિમી પ્રતિકલાકની ઝડપે પવન પણ ફૂંકાવાની હવામાન વિભાગે આગાહી કરી છે અને માછીમારોને આગામી પાંચ દિવસ દરિયો ન ખેડવા સૂચના આપવામાં આવી છે. અરબી સમુદ્રમાં સર્જાયેલું ડિપ્રેશન ગુજરાત તરફ આવવાને કારણે ભારે પવન સાથે તોફાની વરસાદ પડશે.
અપર ઍર સાયક્લોનિક સર્ક્યુલેશનના કારણે એક ટ્રફ રચાયો છે જે અરબી સમુદ્રથી લઈને પૂર્વ મધ્ય પ્રદેશ સુધી ફેલાયેલો છે જેમાં ગુજરાત પણ આવી જાય છે જેથી ગુજરાતમાં વરસાદી માહોલ જોવા મળી રહ્યો છે.
હવામાન વિભાગ દ્વારા રાજ્યમાં હજી 4 દિવસ ભારેથી અતિભારે વરસાદ પડવાની આગાહી કરવામાં આવી છે. દક્ષિણ સૌરાષ્ટ્ર અને દક્ષિણ ગુજરાતના ઘણા સ્થળોએ છેલ્લા 2 દિવસમાં સરેરાશ 4થી 12 ઈંચ જેટલો વરસાદ પડી ચૂક્યો છે. આવતીકાલ સુધીમાં ગુજરાત પર ડીપ ડિપ્રેશન ત્રાટકવાની સ્થિતિ ઉભી થતા ભારે પવનો સાથે તોફાની વરસાદની શકયતા સર્જાઈ છે.
હવામાન વિભાગની આગાહી પ્રમાણે, ગીર સોમનાથમાં અતિભારે વરસાદ પડવાનું એલર્ટ અપાયું છે. જ્યારે પોરબંદર, જૂનાગઢ, રાજકોટ, અમરેલી, ભાવનગર, બોટાદ, સુરત, ભરૂચ, અમદાવાદ, ગાંધીનગર, સુરેન્દ્રનગર, આણંદ, ખેડા અને વડોદરામાં ભારેથી અતિભારે વરસાદ પડશે આજ વિસ્તારમાં આજે 30 ઓક્ટોબર અને આવતીકાલે 31 ઓક્ટોબરના રોજ 48 કલાકમાં વધારાનો 8 ઈંચ કે તેથી વધુ વરસાદ પડવાની આગાહી થઈ છે જ્યારે કચ્છમાં પણ હળવાથી મધ્યમ વરસાદની આગાહી કરવામાં આવી છે.
હવામાન ખાતાની આગાહી પ્રમાણે, રાજ્યમાં હજુ આગામી 4 દિવસ સુધી વરસાદી માહોલ યથાવત રહે તેવી સંભાવના છે. વરસાદની સાથે સાથે બર્ફીલા પવનો ફૂંકાતા ઠંડીનું જોર પણ વધવાની શક્યતા છે,ખેડૂતોમાં હાલ ચિંતાનો માહોલ જોવા મળી રહ્યો છે.
આ પણ વાંચો:
Gujarat: વરસાદી માહોલ વચ્ચે ડિપ્રેશન ગુજરાત તરફ ફંટાતા ફરી ભારે વરસાદની આગાહી
Col Rohit Chaudhary: સરકારનો દેશના યુવાનો સાથે વિશ્વાસઘાત!, સરકારી નોકરીના વચનથી ફરી ગઈ!
UP: યોગીરાજમાં રક્ષક જ ભક્ષક બન્યા, પોલીસકર્મી પર મહિલાની છેડતીનો આરોપ
