Gujarat Weather Forecast: આ દિવસોમાં ગુજરાતમાં હળવો વરસાદ પડી રહ્યો છે. જેના કારણે લોકોને ગરમીથી રાહત મળી રહી છે. હવામાન વિભાગના જણાવ્યા અનુસાર, વરસાદ હજુ થોડા દિવસો સુધી ચાલુ રહેશે. આના કારણે રાહતની સાથે સામાન્ય લોકોને કેટલીક સમસ્યાઓનો સામનો કરવો પડી શકે છે. ત્યારે ફરી એક વાર હવામાન વિભાગ દ્વારા વરસાદની આગાહી કરવામા આવી છે. આજે હવામાન વિભાગે રાજ્યમાં ગાજવીજ સાથે સાર્વત્રિક વરસાદની આગાહી કરી છે. મહત્વનું છે કે, રાજસ્થાન પર મોન્સૂન ટ્રફ સક્રિય થતા વરસાદની આગાહી કરવામાં આવી છે.
આજે દક્ષિણ ગુજરાત અને સૌરાષ્ટ્રમાં ભારે વરસાદની આગાહી
હવામાન વિભાગે આજથી 26 જુલાઇ સુધી કેટલાક જિલ્લાઓમાં ભારે વરસાદની આગાહી કરી છે.આજે રાજ્યમાં ગાજવીજ સાથે સાર્વત્રિક વરસાદની આગાહી છે. હવામાન વિભાગના જણાવ્યા મુજબ આજે અમદાવાદમાં ગાજવીજ સાથે હળવાથી મધ્યમ વરસાદની શક્યતા છે. જ્યારે આજે દક્ષિણ ગુજરાત અને સૌરાષ્ટ્રમાં ભારે વરસાદ થઈ શકે છે આ સાથે હવામાન વિભાગે દરિયાઈ કાંઠે 30 થી 40 કિમીની ઝડપે પવન ફૂંકાવાની આગાહી કરી છે. આ આગાહીને પગલે હવામાન વિભાગે 4 દિવસ માછીમારોને દરિયો ન ખેડવાની સૂચના આપી છે.
23 થી 27 જુલાઈ સુધી આ વિસ્તારોમાં વરસાદની આગાહી
હવામાન વિભાગે જણાવ્યું હતું કે, 23 થી 27 જુલાઈ સુધી અમદાવાદ, પંચમહાલ , બનાસકાંઠા , પાટણ , મહેસાણા , સાબરકાંઠા , ગાંધીનગર , અરવલ્લી, ખેડા, દાહોદ અને મહિસાગર સહિતના ઘણા જિલ્લાઓમાં હળવાથી ભારે વરસાદની સંભાવના છે . આ સાથે તાપી, નવસારી , વલસાડ , સુરેન્દ્રનગર , વડોદરા , છોટા ઉદેપુર , નર્મદા, ભરૂચ , સુરત, ડાંગ , રાજકોટ , અમરેલી , ભાવનગર , જામનગર , પોરબંદર , જૂનાગઢ , મોરબી , જિલ્લા અને જિલ્લામાં હળવા વરસાદની ચેતવણી આપવામાં આવી છે .
કયા જિલ્લામાં રેડ અને ઓરેન્જ એલર્ટ જારી કરવામાં આવ્યું?
હવામાન વિભાગે બનાસકાંઠા, જામનગર, દ્વારકા, કચ્છ સહિતના જિલ્લાઓમાં રેડ એલર્ટ જારી કર્યું છે. આ ઉપરાંત જૂનાગઢ, બોટાદ, સુરેન્દ્રનગર, આણંદ, રાજકોટ અને પોરબંદર જિલ્લામાં ઓરેન્જ એલર્ટ જારી કરવામાં આવ્યું છે. આ વખતે ચોમાસુ વચ્ચે-વચ્ચે દસ્તક આપી રહ્યું છે અને વિવિધ જિલ્લાઓમાં પણ સક્રિયતા જોવા મળી રહી છે.
આ પણ વાંચોઃ
Sabarkantha: તલોદમાં સર્વિસ રોડ ઉપર મસમોટા ભૂવા પડ્યા, લોકોમાં અકસ્માતનો ભય
Bhavnagar: રેલવે વિભાગમાં ભ્રષ્ટાચાર, રેલવેનો એન્જિનિયર લાખોની લાંચ લેતા ઝડપાયો
