• વિશ્વના 10 સૌથી શક્તિશાળી દેશોમાં ભારતને ન મળ્યું સ્થાન

ફોર્બ્સે 2025માં વિશ્વના 10 સૌથી શક્તિશાળી દેશોની રેન્કિંગ જાહેર કરી છે, જેમાં ભારતને ટોચના 10 દેશોમાંથી બહાર કરી દેવામાં આવ્યું છે. આ યાદી ઘણા મહત્ત્વપૂર્ણ પરિમાણો પર આધારિત છે પરંતુ ભારત જેવા દેશને બાકાત રાખવાથી અનેક પ્રશ્ન ઉભા થઈ રહ્યાં છે. કેમ ભારત એક વિશાલ વસ્તી ધરાવતો દેશ છે, ચોથા ક્રમનું સૌથી મોટું સૈન્ય છે અને પાંચમું સૌથી મોટું અર્થતંત્ર પણ છે, તેથી ભારતને ટોપ-10 શક્તિશાળી દેશોના લિસ્ટમાંથી બહાર કાઢવાને લઈને વિવાદ ઉભો થયો છે.

આ યાદીમાં અમેરિકા પ્રથમ સ્થાને યથાવત છે. ખાસ વાત એ છે કે હવે UAEએ પણ શક્તિશાળી દેશોમાં એન્ટ્રી કરી છે. ચીન બીજા ક્રમે, રશિયા ત્રીજા, જર્મની ચોથા અને યુકે પાંચમા ક્રમે છે. દર વર્ષે શક્તિશાળી દેશોનું યુએસ પાવર રેન્કિંગ બહાર પાડવામાં આવે છે. આશ્ચર્યજનક વાત એ છે કે UAE પ્રથમ વખત ટોપ-10માં પ્રવેશ્યું છે.

કયા આધારે યાદી તૈયાર કરાઈ

ફોર્બ્સના અહેવાલ અનુસાર આ યાદી યુએસ ન્યૂઝ દ્વારા તૈયાર કરવામાં આવી છે અને રેન્કિંગ માટે પાંચ મુખ્ય પરિમાણોનો ઉપયોગ કરવામાં આવ્યો છે. આ યાદી કોઈપણ દેશના નેતા, આર્થિક પ્રભાવ, રાજકીય પ્રભાવ, મજબૂત આંતરરાષ્ટ્રીય જોડાણો અને મજબૂત સૈન્યના આધારે તૈયાર કરવામાં આવે છે.

આ પણ વાંચો- નીતિન પટેલના નિવેદનથી રાજકારણમાં ઘમાસાણ, કહ્યું ભાજપના નામે અધિકારીઓ જોડે સંબંધ બનાવે છે!

ભારતને કેમ બહાર રાખવામા આવ્યો?

ભારતની વિશાળ વસ્તી, સૈન્ય તાકાત અને આર્થિક પ્રગતિને ધ્યાનમાં રાખીને તેને આ યાદીમાંથી બહાર રાખવું આશ્ચર્યજનક છે. ચોથી સૌથી મોટી સેના અને પાંચમી સૌથી મોટી અર્થવ્યવસ્થા હોવા છતાં ભારતને આ રેન્કિંગમાં સ્થાન આપવામાં આવ્યું નથી. તેનાથી ઘણા નિષ્ણાતો અને જનતામાં પ્રશ્નો ઉભા થયા છે કે ફોર્બ્સની રેન્કિંગ પદ્ધતિ ભારતના પ્રભાવનું ચોક્કસ મૂલ્યાંકન કરવામાં નિષ્ફળ ગઈ છે.

રિસર્ચ ટીમમાં કોણ કોણ સામેલ?

આ રેન્કિંગ મોડેલ BAV ગ્રુપ દ્વારા તૈયાર કરવામાં આવ્યું છે, જે WPP નું એકમ છે. આ રિસર્ચ ટીમનું નેતૃત્વ પેન્સિલવેનિયા યુનિવર્સિટીના વ્હાર્ટન સ્કૂલના પ્રોફેસર ડેવિડ રીબસ્ટીન દ્વારા કરવામાં આવ્યું હતું. અમેરિકા, ચીન અને રશિયા જેવા દેશોએ પોતાની મજબૂત સ્થિતિ જાળવી રાખી છે, જ્યારે ફોર્બ્સ ભારત જેવી ઉભરતી શક્તિઓને બાકાત રાખવા બદલ ટીકાનો સામનો કરી રહ્યું છે.

આ પણ વાંચો- પતિને 10 લાખમાં કિડની વેચાવીને પત્ની પ્રેમી સાથે થઈ ફરાર