Donald Trump: અમેરિકા-ઈઝરાયેલ દ્વારા ઈરાન ઉપર હુમલાનો આજે પાંચમો દિવસ છે ત્યારે ઈઝરાયેલ અને અમેરિકા ઈરાન ઉપર હુમલા જારી છે સામે ઈરાને પણ ઈઝરાયેલ પર વળતા હુમલા કર્યા છે,તેણે ગલ્ફ દેશોમાં અમેરિકી સૈન્ય ઠેકાણાઓને નષ્ટ કરવા સહિત હુમલાના માત્ર બે જ દિવસમાં 650 જેટલા અમેરિકન સૈનિકોને મોતને ઘાટ ઉતર્યા હોવાનો દાવો કર્યો છે.
આ યુદ્ધમાં ઈરાનના સુપ્રીમ લીડર અયાતુલ્લાહ ખામેનેઈનું મોત થઈ ગયા બાદ ઈરાન વધુ આક્રમક બન્યું છે અને ધડાધડ વળતા હુમલા ચાલુ રાખ્યા છે,બીજી તરફ અમેરિકા-ઈઝરાયલ દ્વારા શરૂઆતના ત્રણ દિવસમાં 2000થી વધુ બોમ્બ ફેંકી હાહાકાર મચાવ્યો જેમાં ઈરાનમાં 787 લોકોના મોત થયા છે, જેમાં 176 બાળકોનો સમાવેશ થાય છે.
■ ઈરાને 2 દિવસમાં 650 અમેરિકી સૈનિકોને માર્યા હોવાનો દાવો કર્યો છે.
ઈઝરાયેલ અને અમેરિકાએ ઈરાન ઉપર કરેલા હુમલામાં દરેક દેશ પોત પોતાની રીતે દાવો ઈરાનની ઈસ્લામિક રિવોલ્યુશનરી ગાર્ડ કોર્પ્સ (IRGC) એ દાવો કર્યો છે કે તેના વળતા હુમલામાં પહેલા બે દિવસમાં લગભગ 650 અમેરિકી સૈનિકો માર્યા ગયા અથવા ઘાયલ થયા છે. આ માહિતી ચીની ન્યૂઝ એજન્સી શિન્હુઆએ આપી છે.
IRGCના પ્રવક્તા અનુસાર, ઈરાને બહેરીનમાં હાજર અમેરિકી નૌકાદળના પાંચમા કાફલાના હેડક્વાર્ટર અને સૈન્ય ઠેકાણાઓ પર મિસાઈલ અને ડ્રોન વડે અનેક હુમલા કર્યા. ઈરાને એવો પણ દાવો કર્યો કે તેના મિસાઈલ હુમલાઓથી એક અમેરિકી સૈન્ય જહાજને ભારે નુકસાન થયું,ઇઝરાયલે દાવો કર્યો છે કે યુદ્ધ શરૂ થયા પછી અત્યાર સુધીમાં તેમણે ઇરાનના લગભગ 300 મિસાઇલ લોન્ચર નષ્ટ કર્યા છે. આ ઠેકાણાઓમાં બેલેસ્ટિક મિસાઇલ સિસ્ટમ અને એર ડિફેન્સ સિસ્ટમ પણ શામેલ છે,ઇઝરાયલી વાયુસેનાનું કહેવું છે કે હુમલાઓનું ધ્યાન ઇરાનની મિસાઇલ ક્ષમતા અને એર ડિફેન્સ સિસ્ટમને નબળી પાડવા પર છે. આ દરમિયાન સાઉદી અરેબિયાએ પણ દાવો કર્યો છે કે તેણે તેની એર સ્પેસ તરફ આગળ વધી રહેલા ઇરાનના 9 ડ્રોન તોડી પાડ્યા છે.
તે જ સમયે, અમેરિકાએ પણ કહ્યું છે કે તેણે ઈરાનમાં અત્યાર સુધીમાં લગભગ 2,000 સ્થળો પર હુમલા કર્યા છે. યુએસ આર્મી સેન્ટ્રલ કમાન્ડના વડા બ્રેડ કૂપરના જણાવ્યા અનુસાર, આ ઓપરેશનમાં 50 હજારથી વધુ સૈનિકો અને લગભગ 200 ફાઈટર જેટ સામેલ છે.
આમ,સામ સામે દાવા થઈ રહયા છે જેમાં મોટી ખુવારી થઈ રહી છે,ઈરાને નક્કી કર્યું છે કે પોતે દુબશે પણ અમેરિકાને પણ મોટો આર્થિક ફટકો આપશે કારણ કે અમેરિકાને રોજ મોટો કરોડોનો ખર્ચ આવી રહ્યો છે,સેન્ટર ફોર ન્યૂ અમેરિકન સિક્યુરિટી’ના આંકડા મુજબ, કેરિયર સ્ટ્રાઈક ગ્રુપ (જેમ કે USS જેરાલ્ડ આર ફોર્ડ, જે દુનિયાનું સૌથી મોટું વિમાનવાહક જહાજ ગણાય છે) ના સંચાલન પર જ રોજના લગભગ 65 લાખ ડોલરનો ખર્ચ થઈ રહ્યો છે.
