IRGC: પાકિસ્તાનની સેરેના હોટેલમાં ઈરાન-અમેરિકા-ઈઝરાયેલ વચ્ચેના યુદ્ધ અટકાવવા મામલે વાટાઘાટો શરૂ થાય તે પહેલાં જ ઈરાન બે ભાગમાં વહેંચાઈ ગયું છે. અહેવાલો સૂચવે છે કે ઈરાની વિદેશ પ્રધાન અબ્બાસ અરાઘચી અને શક્તિશાળી રિવોલ્યુશનરી ગાર્ડ્સ (IRGC) ના કમાન્ડરો વચ્ચે “વાટાઘાટ ટીમ” સાથે ઉગ્ર વિવાદ શરૂ થયો છે, વિદેશી ધરતી પર યુદ્ધ અટકાવવાની વાત કરતા ઈરાની નેતાઓ સાથે IRGC કમાન્ડર-ઈન-ચીફ અહમદ વાહિદી કેટલીક શરતો સાથે સંમત નથી પરિણામે આ વાટાઘાટો વાળો મામલો અર્થહીન રહે તેવી શક્યતાઓ વધી ગઈ છે યુએસ મીડિયા અને ઇઝરાયલી વડા પ્રધાન નેતન્યાહૂએ પણ દાવો કર્યો છે કે ઈરાનમાં સત્તા સંઘર્ષ ચાલી રહ્યો છે.
■ વાટાઘાટોને લઈને ઈરાનની નેતાગીરી બે જૂથમાં વહેંચાઈ ગઈ!
ઈરાન ઈન્ટરનેશનલના એક અહેવાલ મુજબ, IRGC કમાન્ડર-ઈન-ચીફ અહમદ વાહિદી હવે રાજદ્વારીમાં સીધી દખલ કરી રહ્યા છે તેઓ વિદેશ મંત્રી અબ્બાસ અરાઘચી અને સંસદના અધ્યક્ષ મોહમ્મદ બાઘર ગાલિબાફની શક્તિને નબળી પાડવાનો પ્રયાસ કરી રહ્યા છે.
વાહિદી આગ્રહ રાખે છે કે મોહમ્મદ બાઘર ઝોલ્ગદરને વાટાઘાટ ટીમમાં સામેલ કરવામાં આવે. ઝોલ્ગદરને પહેલાથી જ IRGCના દબાણ હેઠળ રાષ્ટ્રીય સુરક્ષા પરિષદના સચિવ તરીકે નિયુક્ત કરવામાં આવ્યા છે. જો કે, ઈરાનની વર્તમાન વાટાઘાટ ટીમ આનો વિરોધ કરી રહી છે. તેઓ માને છે કે ઝોલ્ગદર જેવા લોકો રાજદ્વારી વ્યૂહરચનાને સમજતા નથી અને આવી ઉચ્ચ-સ્તરીય વ્યૂહાત્મક વાટાઘાટો માટે ખૂબ જ બિનઅનુભવી છે મિસાઇલ કાર્યક્રમ પર નો-એન્ટ્રી અને લશ્કરી ચેતવણી
ઈરાનની અંદર ચાલી રહેલા તણાવમાં મિસાઇલ કાર્યક્રમ સૌથી મહત્વપૂર્ણ મુદ્દો છે. IRGC કમાન્ડર-ઇન-ચીફ અને એરોસ્પેસ કમાન્ડરે સ્પષ્ટ હુકમનામું બહાર પાડ્યું છે કે ઈરાની પ્રતિનિધિમંડળ કોઈપણ કિંમતે મિસાઇલ કાર્યક્રમ પર સમાધાન કરશે નહીં આ યુનાઇટેડ સ્ટેટ્સ માટે એક મોટો ફટકો હોઈ શકે છે, કારણ કે ટ્રમ્પ વહીવટીતંત્રનો પ્રાથમિક એજન્ડા ઈરાનના મિસાઇલ નેટવર્કને નિયંત્રિત કરવાનો છે. સૈન્યના આ હઠીલા વલણને કારણે વિદેશ મંત્રાલયના હાથ બાંધી દેવામાં આવ્યા છે, જેના કારણે ઇસ્લામાબાદમાં વાતચીત નિરર્થક થવાનું જોખમ વધી ગયું છે.
■ યુદ્ધવિરામ અંગે સસ્પેન્સ વધતા ટ્રમ્પનો ગુસ્સો આસમાને પહોંચ્યો
વાર્તા શરૂ થાય તે પહેલાં જ, “નિયમો” અંગે વ્યાપક મૂંઝવણ છે. ઈરાની સ્પીકર ગાલિબાફે વારંવાર દાવો કર્યો છે કે વાટાઘાટો માટે સંમત થયેલા યુદ્ધવિરામમાં લેબનોનનો પણ સમાવેશ થાય છે. જો કે, ઇઝરાયલ અને યુનાઇટેડ સ્ટેટ્સે આ વાતને સ્પષ્ટપણે નકારી કાઢી છે ઈરાનમાં ચાલી રહેલા આ આંતરિક સંઘર્ષ સૂચવે છે કે સૈન્ય અને સરકાર એક જ પાના પર નથી. જ્યારે અરાઘચી જેવા નેતાઓ રાજદ્વારી દ્વારા પ્રતિબંધોમાં રાહત મેળવવા માંગે છે, ત્યારે IRGC કોઈપણ કિંમતે તેની લશ્કરી શક્તિ સાથે સમાધાન કરવા તૈયાર નથી. જો ઈરાન તેની ટીમ અને તેની માંગણીઓ પર સર્વસંમતિ સુધી પહોંચવામાં નિષ્ફળ જાય, તો ઇસ્લામાબાદની “શાંતિ વાટાઘાટો” શરૂ થાય તે પહેલાં જ ઇતિહાસના કચરાપેટીમાં ફેંકાઈ શકે છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
