Kheda: ખેડા જીલ્લાના મહેમદાવાદ તાલુકાના અકલાચા ગામ નજીક આવેલી એક કંપનીમાં યુવાનનું કરુણ મોત થઈ ગયું છે. બોઈલર મશીનમાં ખેંચાઈ જતાં શરીરના ફૂરચેફૂરચા થઈ ગયા છે. આ ઘટના ગઈકાલે બપોરે બની હતી. જાણવા મળ્યું છે ઘટના સમયે અંગે 50 ફૂટ દૂર સુધી ઉછળ્યા હતા. યુવકનું મોત થઈ જતાં પરિવાર દુઃખનું આભ ફાટ્યું છે. બીજી તરફ આ મામલે પોલીસે કાર્યવાહી હાથ ધરી છે.
મળતી જાણકારી અનુસાર મહેમદાવાદ તાલુકાના અકલાચા ગામ નજીક એક શિકાગો બ્લોવર નામની કંપની આવેલી છે. આ કંપનીમાં મહુધાના ધંધોડી ગામનો યુવાન નરેન્દ્ર(ઉ.વ 30) નોકરી કરતો હતો. ગઈકાલે(10 નવેમ્બર, 2025) બપોરે કામ ચાલુ હતુ તે વખતે બોઇલર મશીનમાં ખેંચાઈ જવાના કારણે કરુણ મોત થયું. સહકર્મીઓએ કહ્યું કે યુવાન બોઇલર મશીનની અંદર ખેંચાઈ જતાં શરીરના ટુકડે-ટુકડા થઈ ગયા હતા.
આ ઘટના એટલી ખરાબ હદે બની હતી કે મૃતકના શરીરના અલગ-અલગ ભાગો બોઇલરથી લગભગ 50 ફૂટના અંતર સુધી ઉડ્યા હતા. જેથી સાથે રહેલા મજૂરોમાં પણ ફફડાટ ફેલાઈ ગયો હતો. ઘટનાની જાણ થતાં પોલીસ પણ દોડી આવી હતી. સાથે સાથે FSLની ટીમ પણ ઘટના સ્થળે પહોંચી હતી, જેણે મૃતકના વિખેરાયેલા અંગોને ભેગા કરી તપાસ હાથ ધરી છે.
‘મારા છોકરાના શરીરના અંગ છૂટા પડી ગયા’
બીજી તરફ એકાએક દિકરાના મોતથી પરિવાર પર આભ ફાટ્યું છે. પરિવારમાં માતા-પિતા અને પત્ની છે. સમગ્ર બનાવ બાદ મહેમદાવાદ પંથકમાં ગમગીની છવાઈ ગઈ છે. મૃતકના પિતા ખોડાભાઈએ જણાવ્યું હતું કે, મને ફોન આવ્યો ત્યારે કોઈએ પણ આ ઘટનાની જાણ કરી ન હતી. મશીનમાં કામ કરતી વખતે તે મશીનમાં આવી ગયો હતો પણ તેની માહિતી કોઈએ આપી ન હતી. મારા છોકરાના શરીરના અંગ છૂટા પડી ગયા હતા. હવે મારે જીવનમાં શું કરવું?.
મૃતકના સહકર્મીઓએ કહ્યું બોઇલરમાં અસામાન્ય રીતે હવાના પ્રેશરમાં વધારો થયો હતો, જેના કારણે યુવાન અચાનક ખેંચાઈ ગયો હોવાનું માનવામાં આવે છે. આ દુર્ઘટના કંપનીની સુરક્ષા વ્યવસ્થાઓ પર ગંભીર સવાલો ઉભા કરી રહી છે. પોલીસ આ દિશામાં પણ તપાસ કરી રહી છે કે શું સુરક્ષાના નિયમોનું પાલન ન થવાથી આ દુર્ઘટના થઈ છે.
આ પણ વાંચો:
Kheda: કઠલાલના પૂર્વ ધારાસભ્ય કનુભાઈ ડાભીએ ભાજપ સામે બળાપો ઠાલવ્યો, જાણો શું આક્ષેપ કર્યા?
Gujarat Local Election: મહેમદાવાદમાં પ્રિસાઈડિંગ ઓફિસર દારુ ઢીચીને આવ્યો, ચૂંટણી કામગીરીથી દૂર કરાયો
