Ahmedabad:શહેરની જાણીતી કલબમાં પોલીસના દરોડા, દારૂની મહેફિલ માણતા 9 લોકોની અટકાયત

Ahmedabad: ગુજરાતમાં ફરી એક વાદ દારુબંધીના ધજાગરા ઉડ્યા છે. અમદાવાદના ફેમસ ક્લબમાં દારૂની મહેફિલ ઝડપાઈ છે. અમદાવાદના પોશ વિસ્તાર શેલામાં આવેલા ક્લબ O7ના બેઝમેન્ટના પાર્કિંગમાંથી દારૂ પીતા નબીરાઓને ઝડપી પાડવામાં આવ્યા છે. જેમાં એક યુવતી સહિત 9 લોકોની ધરપકડ કરવામાં આવી છે.

અમદાવાદના બોપલમાં દારૂની મહેફિલ પર પકડાઈ

મળતી માહિતી મુજબ એક ખાનગી કલબના પાર્કિગમાં અમુક લોકો દારૂની મહેફિલ માણી રહ્યાં હોવાની પોલીસને બાતમી મળતા બોપલ પોલીસે ક્લબ O7માં રેડ પાડી હતી. જેમાં દારૂની મહેફિલ માણતા નબીરાઓને રંગેહાથ દારુની મહેફિલ માણતા ઝડપી લીધા હતા. પોલીસે અહીંથી 9 લોકોની ધરપકડ કરી છે જેમાંથી 6 લોકો દારુ પીધેલી હાલતમાં હતા અને ત્રણ લોકો પાસેથી દારૂની બોટલ પણ મળી હતી. તેમજ પોલીસે આ આરોપીઓ પાસેથી મોંઘી કાર સહિત દારૂનો મુદ્દામાલ કબજે કર્યો હતો. ઝડપાયેલી 27 વર્ષીય રિતિકા શર્મા PGમાં રહે છે અને અન્ય 8 પુરુષો અમદાવાદના રહેવાસી છે.

ઝડપાયેલ આરોપીઓના નામ

પૃથ્વીરાજ ડોડલા
શનિ પંડ્યા
ચિરાગ ધાનક
રાહુલ નંચહલ
આશુતોષ શાહ
ભાવેશ પવાર
રિતિકા શર્મા
હેમલ દવે
રાહુલ ગોસ્વામી

ઝડપાયેલ મુદ્દામાલની વિગતો

પાંચ મોબાઇલ, 2 બીએમડબલ્યુ કાર, એક honda city કાર અને દારૂની બોટલો સહિતનો મુદ્દામાલ જપ્ત કર્યો છે.

પાર્ટીમાં 200થી વધુ લોકો હતા હાજર

પ્રાથમિક માહિતી મુજબ Club O7માં ATC કંપની દ્વારા ટેકનો પાર્ટીનું આયોજન કર્યું હતું. આયોજક હેમલ દવે પણ દારૂના નશામાં પકડાયો જેથી પોલીસે તેની સામે પણ કેસ નોંઘ્યોછે. મ્યુઝિકલ પાર્ટીમાં 200થી વધુ લોકો હાજર હતા.