પાકિસ્તાનની જેલમાંથી 200થી વધુ કેદીઓ ફરાર, કુદરતે આપ્યો મોકો! | Pakistan - thegujaratreport.com પાકિસ્તાનની જેલમાંથી 200થી વધુ કેદીઓ ફરાર, કુદરતે આપ્યો મોકો!

પાકિસ્તાન(Pakistan) માં કેદીઓ પોલીસને સામે પડ્યા છે. સોમવારે મોડી રાત્રે કરાચીની માલીર જેલની દિવાલ તોડીને મોટી સંખ્યામાં કેદીઓ ભાગી ગયા. ભાગી ગયેલા કેદીઓની સંખ્યા 200 થી વધુ હોવાનું કહેવાય છે. આ ઘટના બાદ સમગ્ર કરાચીમાં પરિસ્થિતિ વધુ વણસી ગઈ છે. માલીર જેલ નજીક સેનાને પણ ગોળીબાર કરવો પડ્યો હતો. ગોળીબારથી નજીકના લોકોમાં ગભરાટ ફેલાયો હતો.

ભાગી ગયેલા કેદીઓની શોધખોળ તીવ્ર

જેલ નજીકના હાઇવે બંધ કરી દેવામાં આવ્યો છે. પોલીસ અને પાકિસ્તાન રેન્જર્સે ભાગી ગયેલા કેદીઓની શોધખોળ તેજ કરી દીધી છે. પોલીસે વિવિધ વિસ્તારોમાં બેરિકેડ લગાવી દીધા છે. ભાગી ગયેલા કેદીઓને પકડવા માટે તપાસ શરૂ કરવામાં આવી છે.

ભૂકંપને કારણે દિવાલ ધરાશાયી થઈ

એવું કહેવામાં આવી રહ્યું છે કે હળવા ભૂકંપને કારણે જેલની એક દિવાલ ધરાશાયી થઈ ગઈ હતી. આ પછી કેદીઓએ આ દિવાલને સંપૂર્ણપણે તોડી નાખી. લગભગ 200 કેદીઓ જેલમાંથી ભાગવામાં સફળ રહ્યા.

કેદીઓએ પોલીસકર્મીઓ પાસેથી હથિયારો છીનવી લીધા

સ્થાનિક મીડિયા રિપોર્ટ્સ અનુસાર, કેદીઓએ પોલીસકર્મીઓ પાસેથી હથિયારો છીનવી લીધા અને ગોળીબાર શરૂ કરી દીધો. ગોળીબાર દરમિયાન એક કેદીનું મોત થયું અને પાંચ ઘાયલ થયા. ગોળીબારમાં ત્રણ FC જવાન પણ ઘાયલ થયા. વિવિધ વિસ્તારોમાંથી લગભગ 73 કેદીઓને ધરપકડ કરવામાં આવી હતી. પોલીસે 9 શંકાસ્પદોની પણ અટકાયત કરી છે.

જેલ મંત્રીએ શું કહ્યું જાણો છો?

સિંધના જેલ મંત્રી અલી હસને માલીર જેલમાંથી કેદીઓના ભાગી જવાની ઘટનાની નોંધ લીધી છે. આઈજી જેલ અને ડીઆઈજી જેલ પાસેથી રિપોર્ટ માંગવામાં આવ્યો છે. તેમણે આ વિસ્તારને ઘેરી લેવાનો નિર્દેશ આપ્યો છે. જેલ મંત્રીએ કહ્યું કે ભાગી ગયેલા કેદીને કોઈપણ કિંમતે પકડી લેવામાં આવશે અને ઘટનામાં બેદરકારી દાખવનારા અધિકારીઓની ઓળખ કરવામાં આવશે.

Tension gripped parts of Karachi on Monday post-midnight after a violent attack broke out inside the Malir Jail, where prisoners reportedly clashed with police officers and reportedly more than 200 prisoners escape. pic.twitter.com/smCTKkLHA8

— Koustuv 🇮🇳 🧭 (@srdmk01) June 2, 2025