JEE Advanced 2025 Result:ઇન્ડિયન ઇન્સ્ટિટ્યૂટ ઓફ ટેકનોલોજી (IIT) કાનપુર દ્વારા સોમવાર, 2 જૂન, 2025 ના રોજ JEE એડવાન્સ્ડ 2025 નું પરિણામ જાહેર કરવામાં આવ્યું છે. આ વખતે દેભરમાં IIT દિલ્હી ઝોનના રજિત ગુપ્તાએ પ્રથમ ક્રમાંક મેળવ્યો છે. તેણે 360 માંથી 332 ગુણ મેળવ્યા છે. પરીક્ષામાં બેઠેલા બધા ઉમેદવારો પરિણામો જોવા માટે સત્તાવાર વેબસાઇટ jeeadv.ac.in ની મુલાકાત લઈ શકે છે. ત્યાં લોગીન કરવા માટે, અરજી નંબર અને જન્મ તારીખની જરૂર પડશે.

પરિણામની સાથે વેબસાઇટ પર અંતિમ આન્સર કી પણ બહાર પાડવામાં આવી છે, જેને વિદ્યાર્થીઓ ડાઉનલોડ કરી શકે છે. JEE એડવાન્સ્ડ 2025 ની પરીક્ષા 18 મેના રોજ બે તબ્બકામાં લેવામાં આવી હતી. જેમાં પેપર-1 અને પેપર-2નો સમાવેશ થતો હતો. વિદ્યાર્થીઓની પ્રતિભાવ પત્રક 22 મેના રોજ બહાર પાડવામાં આવી હતી અને પ્રોવિઝનલ આન્સર કી 25 મેના રોજ ઉપલબ્ધ કરાવવામાં આવી હતી. આ વખતે પરીક્ષાનું સ્તર ખૂબ પડકારજનક હતું.

  ગણિતનું પેપર સૌથી મુશ્કેલ હતુ

નિષ્ણાતો અને વિદ્યાર્થીઓના મતે, ગણિતનું પેપર સૌથી અઘરું હતું, જ્યારે ભૌતિકશાસ્ત્ર અને રસાયણશાસ્ત્રનું પેપર પણ સમાન સ્તરે મુશ્કેલીનું હતું. JEE એડવાન્સ્ડના કુલ ગુણ ગણિત, ભૌતિકશાસ્ત્ર અને રસાયણશાસ્ત્રમાં મેળવેલા ગુણના સરવાળાના આધારે નક્કી કરવામાં આવે છે. રેન્ક યાદીમાં સમાવેશ થવા માટે, ઉમેદવારોએ દરેક વિષયમાં ઓછામાં ઓછા લાયકાત ગુણ અને ઓછામાં ઓછા કુલ ગુણ મેળવવા જરૂરી છે. સફળ વિદ્યાર્થીઓ હવે JoSAA કાઉન્સેલિંગ દ્વારા તેમની પસંદગીની IIT સંસ્થામાં પ્રવેશ પ્રક્રિયા શરૂ કરી શકે છે.

ગુજરાત

અમદાવાદનો મોહિત ઓલ ઇન્ડિયા રેન્કમાં 12મા ક્રમ સાથે ગુજરાત ટોપર બન્યો છે. તો સુરતનો અગમ શાહ ઓલ ઇન્ડિયા રેન્કમાં 17મા ક્રમ સાથે બીજા ક્રમે છે. દેશભરમાંથી 1.82 લાખ વિદ્યાર્થીએ JEE એડવાન્સની પરીક્ષા આપી હતી.

JEE એડવાન્સ પરીક્ષા શું છે?