ગયા વર્ષે 5 ડિસેમ્બર 2024 ના રોજ રિલીઝ થયેલી સાઉથ સિનેમાની સૌથી મોટી ફિલ્મ પુષ્પા 2(Pushpa 2)એ તેના જબરદસ્ત પ્રદર્શનથી દર્શકોને આશ્ચર્યચકિત કરી દીધા છે. કદાચ કોઈએ વિચાર્યું પણ નહીં હોય કે આ ફિલ્મ રિલીઝ થયાના 7 અઠવાડિયા પછી પણ બોક્સ ઓફિસ પર રાજ કરશે!. આ એક્શન-થ્રિલર ફિલ્મમાં, અલ્લુ અર્જુન અને રશ્મિકા મંદન્નાની જોડીએ દર્શકોના દિલ જીતી લીધા છે. આ ફિલ્મ જોવા હજુ પણ થિયેટરોમાં દર્શકો મોટી સંખ્યામાં જઈ રહ્યા છે.
સામાન્ય રીતે જોવામાં આવે છે તેમ, કોઈપણ ફિલ્મનું કલેક્શન રિલીઝ થયાના થોડા અઠવાડિયામાં ઘટે છે. પુષ્પા 2માં પણ આવું જ જોવા મળી રહ્યું છે. શરૂઆતના અઠવાડિયામાં કરોડોની કમાણી કરનારી આ ફિલ્મનું કલેક્શન ધીમે ધીમે ઘટી રહ્યું છે. Sakanilk.com ના તાજેતરના અહેવાલ મુજબ, ફિલ્મે 48મા દિવસે લગભગ 50 લાખ રૂપિયાની કમાણી કરી હતી. આ સોમવારની કમાણી કરતા થોડી ઓછી છે, કારણ કે ફિલ્મ રિલીઝ થયાને દોઢ મહિનાથી વધુનો સમય થઈ ગયો છે. તેમ છતાં લોકોના દિલો પર રાજ કરી રહી છે.
કંગનાની ફિલ્મને આપી રહી છે ટક્કર
48મા દિવસે પુષ્પા 2: ધ રૂલનું કુલ નેટ બોક્સ ઓફિસ કલેક્શન હવે લગભગ 1231 કરોડ રૂપિયા સુધી પહોંચી ગયું છે. આ આંકડો ભારતીય સિનેમા માટે એક ઐતિહાસિક સિદ્ધિ છે. આ ફિલ્મે 1000 કરોડ રૂપિયાનો આંકડો પાર કરનારી થોડી ફિલ્મોમાં પોતાનું સ્થાન બનાવ્યું છે.
તમને જણાવી દઈએ કે રિલીઝના 7 અઠવાડિયા પછી પણ, પુષ્પા 2 કંગના રનૌતની ફિલ્મ ઇમરજન્સીને ટક્કર આપી રહી છે, ઇમરજન્સી ફિલ્મ તાજેતરમાં 17 જાન્યુઆરીએ રિલીઝ થઈ હતી. તેમ છતાં આ ફિલ્મે પાંચમા દિવસે માત્ર 81 લાખ રૂપિયાની કમાણી કરી છે.
આ પણ વાંચોઃ ખેડા જિલ્લામાં અમદાવાદી 1 કરોડની લૂંટોનો ભોગ બન્યો, 4 શખ્સો ફરાર, પોલીસે તપાસ હાથ ધરી
