Rajastha: રાજસ્થાનમાં મોટો અકસ્માત સર્જાયોછે. જેમાં મંગળવારે રાત્રે રાજસ્થાનના જયપુર-અજમેર હાઇવે પર ડુડુ નજીક બીજા ટ્રક સાથે અથડાયા બાદ LPG સિલિન્ડર ભરેલા એક ટ્રકમાં આગ લાગી ગઈ. ટક્કર બાદ ગેસ સિલિન્ડર એક પછી એક ફૂટવા લાગ્યા અને અનેક વિસ્ફોટ થયા. અકસ્માતમાં 2-3 લોકોને નાની-મોટી ઇજાઓ થઈ હતી અને તેમને હોસ્પિટલમાં દાખલ કરવામાં આવ્યા છે. કેટલાક વાહનો પણ આગની ઝપેટમાં આવ્યા હતા. આગની જ્વાળાઓ ઘણા કિલોમીટર દૂરથી દેખાઈ રહી હતી, જ્યારે વિસ્ફોટનો અવાજ પણ ઘણા દૂરથી સંભળાયો હતો. માહિતી મળતાં, પોલીસ, વહીવટીતંત્ર અને ફાયર બ્રિગેડ ઘટનાસ્થળે પહોંચી ગયા અને આગ પર કાબુ મેળવ્યો.
પ્રત્યક્ષદર્શીઓએ ભયાનક દ્રશ્યનું કર્યું વર્ણન
આ ઘટના જયપુર-અજમેર હાઇવે પર મૌજમાબાદ વિસ્તારમાં સવારદા કલ્વર્ટ પાસે બની હતી. પ્રત્યક્ષદર્શીઓએ જણાવ્યું હતું કે LPG સિલિન્ડરો ભરેલો ટ્રક રસ્તાની બાજુમાં આવેલા ઢાબાની બહાર પાર્ક કરવામાં આવ્યો હતો જ્યારે ડ્રાઇવર ત્યાં જમવા માટે રોકાયો હતો. ઢાબા પાસે હાજર વિનોદે જણાવ્યું હતું કે, “બીજા ટ્રકે LPG સિલિન્ડરોથી ભરેલા ટ્રકને પાછળથી ટક્કર મારી હતી. ટક્કર પછી, ગેસ સિલિન્ડરો એક પછી એક ફૂટવા લાગ્યા અને ઘણા વિસ્ફોટ થયા. આગની જ્વાળાઓ ઘણા કિલોમીટર દૂરથી દેખાઈ રહી હતી જ્યારે વિસ્ફોટનો અવાજ પણ ઘણા દૂરથી સંભળાયો હતો. તે ટ્રકના ડ્રાઇવરને ઘાયલ હાલતમાં નજીકની હોસ્પિટલમાં લઈ જવામાં આવ્યો હતો.”
નોંધનીય છે કે ગયા વર્ષે ડિસેમ્બરમાં જયપુરના ભાંકરોટા નજીક આ જ હાઇવે પર એક રસોઈ ગેસ ટેન્કર ટ્રક સાથે અથડાયું હતું. આ ઘટનામાં ઓગણીસ લોકો માર્યા ગયા હતા.
પરિસ્થિતિનો તાગ મેળવવા માટે નાયબ મુખ્યમંત્રી ઘટનાસ્થળે પહોંચ્યા
આ ઘટના જયપુર-અજમેર હાઇવે પર મૌજમાબાદ વિસ્તારમાં સવારદા કલ્વર્ટ પાસે બની હતી. મુખ્યમંત્રી ભજનલાલ શર્માની સૂચના પર, નાયબ મુખ્યમંત્રી પ્રેમચંદ બૈરવા પરિસ્થિતિનું મૂલ્યાંકન કરવા માટે ઘટનાસ્થળે પહોંચ્યા હતા. બૈરવાએ જણાવ્યું હતું કે અકસ્માતમાં સંડોવાયેલા વાહનના ડ્રાઇવર અને હેલ્પરની ઓળખ કરવામાં આવી રહી છે. વરિષ્ઠ પોલીસ અને જિલ્લા વહીવટી અધિકારીઓ પણ ઘટનાસ્થળે હાજર છે. SMS હોસ્પિટલ વહીવટીતંત્રને સતર્ક કરવામાં આવ્યું છે, અને કોઈપણ અનિચ્છનીય ઘટનાને પહોંચી વળવા માટે વ્યવસ્થા કરવામાં આવી છે.
સીએમ ભજનલાલે શોક વ્યક્ત કર્યો
સીએમ ભજન લાલ શર્માએ X પર લખ્યું, “જયપુર ગ્રામ્યના મોઝામાબાદ પોલીસ સ્ટેશન વિસ્તારમાં જયપુર-અજમેર રાષ્ટ્રીય ધોરીમાર્ગ પર ગેસ સિલિન્ડર વહન કરતા ટ્રકમાં આગ લાગવાની ઘટના અત્યંત દુ:ખદ છે. ફાયર અને ડિઝાસ્ટર મેનેજમેન્ટ ટીમો ઘટનાસ્થળે રાહત અને બચાવ કામગીરીમાં રોકાયેલી છે. જિલ્લા વહીવટીતંત્રને ઘાયલોને યોગ્ય સારવાર અને અસરગ્રસ્તોને શક્ય તમામ સહાય પૂરી પાડવા સૂચના આપવામાં આવી છે.” તેમણે લખ્યું, “હું આ હૃદયદ્રાવક ઘટનાથી પ્રભાવિત તમામ લોકોની સલામતી માટે ભગવાનને પ્રાર્થના કરું છું.”
આ પણ વાંચો:
“ભાજપમાં આવી જાઓ, તમને મંત્રી બનાવી દઈશું” Chaitar vasava એ જાહેર સભામાં ભાજપની પોલ ખોલી
Shilpa Shetty: બોલિવૂડ અભિનેત્રી શિલ્પા શેટ્ટીને મુંબઈ પોલીસનું તેડું!કલાકો સુધી થઈ પૂછતાછ
