Sting Operation: પશ્ચિમ બંગાળ વિધાનસભા ચૂંટણી પહેલા હુમાયુ કબીરના એક કથિત સ્ટિંગ વીડિયોએ રાજ્યમાં રાજકીય ઉથલપાથલ મચાવી દીધી છે.
■₹1,000 કરોડના સોદાનો દાવો શુ છે ? જાણો
તૃણમૂલ કોંગ્રેસ (TMC) એ આમ જનતા ઉન્નયન પાર્ટી (AJUP) ના વડા હુમાયુ કબીર અને ભાજપના નેતાઓ વચ્ચે ₹1,000 કરોડના સોદાનો દાવો કરતો એક વીડિયો બહાર પાડ્યો છે. TMCનો આરોપ છે કે કબીરે ભાજપનો સંપર્ક કર્યો હતો અને ચૂંટણીમાં મમતા બેનર્જીને હરાવવા માટે મોટી રકમની માંગણી કરી હતી.
■ મુસ્લિમ મતોનું વિભાજન કરવાનું કાવતરું
કથિત વીડિયોમાં, કબીરને કહેતા સાંભળી શકાય છે કે, “મુસ્લિમો ખૂબ જ નિર્દોષ છે, તેમને મૂર્ખ બનાવવા સરળ છે.” TMCનો આરોપ છે કે ભાજપ કબીરનો ઉપયોગ લઘુમતી મતોનું વિભાજન કરવા માટે કરીને ચૂંટણી જીતવા માંગે છે.
■બાબરી મસ્જિદ મુદ્દો
વીડિયોમાં બાબરી મસ્જિદના નિર્માણ માટે ભાજપ પાસેથી ભંડોળ માંગવાની અને મતદારોને પ્રભાવિત કરવા માટે આ ભાવનાત્મક મુદ્દાનો ઉપયોગ કરવાની પણ ચર્ચા છે.
■ AIMIM ગઠબંધન તૂટી ગયું
આ વિડીયો સામે આવ્યા પછી, અસદુદ્દીન ઓવૈસીની પાર્ટી, AIMIM એ તરત જ હુમાયુ કબીરની પાર્ટી (AJUP) સાથેનું ચૂંટણી ગઠબંધન તોડી નાખ્યું જોકે, કબીરે આ આરોપોને સ્પષ્ટપણે નકારી કાઢ્યા છે, અને આ વિડીયોને “AI-જનરેટેડ” અને નકલી ગણાવ્યો છે. તેમણે મમતા બેનર્જી અને TMC નેતાઓ સામે ₹500 કરોડનો માનહાનિનો દાવો દાખલ કરવાની ધમકી આપી છે.
TMC માંગ: તૃણમૂલ કોંગ્રેસે સમગ્ર મામલાની એન્ફોર્સમેન્ટ ડિરેક્ટોરેટ (ED) દ્વારા તપાસની માંગ કરી છે.
આ મુદ્દા ઉપર સિનિયર પત્રકાર મયુર જાનીએ વિસ્તુત છણાવટ કરી છે જે જોવાનું ચૂકશો નહિ,પ્રસ્તુત છે વિડીયો.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
