Iran War: અમેરિકન રાષ્ટ્રપતિ ડોનાલ્ડ ટ્રમ્પ અને ઈઝરાયેલના વડાપ્રધાન બેન્જામિન નેતન્યાહુની જીદના કારણે ઈરાન યુદ્ધ હવે લાંબુ ચાલવાનું છે પરિણામે હવે વિશ્વમાં ગેસ અને તેલની ખૂબજ તીવ્ર તંગી ઉભી થતાં આર્થિક કટોકટી સર્જાઈ છે ત્યારે ભારતમાં પણ ગેસની અછત સર્જાઈ છે જેને પહોંચી વળવા માટે હવે સરકારી ઓઈલ અને ગેસ કંપનીઓ હવે નવા વિકલ્પ શોધી રહી છે.
દેશની ઇન્ડિયન ઓઇલ, ભારત પેટ્રોલિયમ, હિન્દુસ્તાન પેટ્રોલિયમ અને ગેલ જેવી કંપનીઓએ હવે આફ્રિકન દેશ અંગોલા તરફ નજર દોડાવી છે અને સરકારી કંપની સોનાનગોલ પાસેથી LPG ખરીદવા માટે હાલમાં વાટાઘાટો શરૂ થઈ છે. આ કંપનીઓ હવે સોનાનગોલ સાથે લાંબા ગાળાનો કરાર કરવા પર વિચાર કરી રહી છે.
મહત્વનું છે કે ભારતનો 92% LPG ખાડી દેશોમાંથી આવે છે પરંતુ ઈરાન યુદ્ધના કારણે હોર્મુઝ સ્ટ્રેટ બંધ થતાં જહાજો અટવાઈ ગયા છે જો યુદ્ધ લાંબુ ચાલ્યું અથવા ભવિષ્યમાં પણ આવુ થાયતો ભારતને તેની મોટી અસર થઈ શકે તે સાબિત થઈ ચૂક્યું છે જેથી ભારત સરકાર આ નિર્ભરતા ઘટાડવા માંગે છે. આવા સંજોગોમાં જો અંગોલા સાથે કરાર થાયતો જહાજો એટલાન્ટિક અને અરબી સમુદ્રમાંથી પસાર થઈને સીધા ભારત પહોંચશે,જેથી હોર્મુઝ સ્ટ્રેટમાંથી પસાર થવાનું રહેશે નહીં.આમ,હોર્મુઝ સ્ટ્રેટનો રસ્તોજ અવર જવર માંથી નીકળી જાય તો ભારતને ગેસ-તેલની હેરાફેરીમાં કોઈ ફરક પડે નહીં
બીજું કે ભારત અને અંગોલા વચ્ચે પહેલાથી જ ઓઈલ અને ગેસનો વેપાર થતો રહ્યો છે, તેથી બંને દેશો વચ્ચે વિશ્વાસ અને સપ્લાય સિસ્ટમ પહેલેથી જ સ્થાપિત છે. આ જ કારણોસર, નવી ડીલ કરવી સરળ બની જાય છે.અંગોલામાં ગેસનું ઉત્પાદન થાય છે અને ત્યાં LPG માટે જરૂરી પ્રોપેન અને બ્યુટેન પણ મળે છે, જેનાથી ભારતને સીધો ગેસ મળી શકે છે.
સપ્લાયની દ્રષ્ટિએ પણ અંગોલા સારો વિકલ્પ છે, કારણ કે દરિયાઈ માર્ગે ગેસ 12 થી 18 દિવસમાં ભારત પહોંચી શકે છે અને ત્યાં નિકાસની સારી સુવિધા પણ ઉપલબ્ધ છે. અંગોલામાં ઊર્જા ક્ષેત્ર સરકારના નિયંત્રણમાં છે, જેનાથી સરકારી સ્તરે સમજૂતી કરવી સરળ બને છે.જો ડીલ થશે તો ભારતમાં પહેલીવાર અંગોલાથી LPG આવશે
નિષ્ણાતોનું કહેવું છે કે આફ્રિકાથી ગેસ સપ્લાય10 થી 15 દિવસ વહેલો ભારત પહોંચી શકે છે. આવા સંજોગોમાં અંગોલા ભારત માટે એક સારો વિકલ્પ બની શકે છે. જો આ કરાર થાય છે, તો અંગોલા પહેલીવાર ભારતને રસોઈ ગેસ સપ્લાય કરશે.
ભારતીય કંપનીઓ LPG માટે લગભગ એક વર્ષ અને LNG માટે ઓછામાં ઓછા 10 વર્ષનો કરાર કરવા પર વિચાર કરી રહી છે.અંગોલા પાસે લગભગ 4.6 ટ્રિલિયન ક્યુબિક ફીટ નેચરલ ગેસનો ભંડાર છે અને તે પહેલાથી જ ભારતને ક્રૂડ ઓઇલ અને LNG સપ્લાય કરતો રહ્યો છે.જેથી આ ડીલમાં ફાયદો થશે અને ભારતમાં ગેસ અને તેલની સમસ્યા નહિ રહે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
