Surendranagar: વૃદ્ધે સમસ્યા સાંભળાવી, ધારાસભ્ય જગદીશ મકવાણાએ ઠઠ્ઠા મશ્કરી કરી ચાલતી પકડી

Surendranagar: ભાજપના નેતાઓ હાલ કોઈને કોઈ વિવાદમાં આવી રહ્યા છે. તેનું કારણ તે છે કે, ભાજપના નેતાઓ ઘમંડી, બેકાબુ, લાગણીહીન, ભ્રષ્ટ થઈ ગયા છે અને તેનું તાજુ ઉદાહરણ સુરેન્દ્રનગરમાં જોવા મળ્યું છે. જાણકારી મુજબ સુરેન્દ્રનગરને મહાનગરપાલિકા બનાવ્યા બાદ થોડા વરસાદથી શહેર નર્ક બની ગયુ હોવાથી 82 વર્ષના વરિષ્ઠ નાગરિક રાજદેવ ફરિયાદ કરવા વઢવાણનાં ધારાસભ્ય અને ગુજરાત વિધાનસભા ભાજપના ઉપ દંડક જગદીશ મકવાણા પાસે મહાનગરપાલિકાની કચેરી બહાર પહોંચ્યા હતાં. પરંતુ ભાજપના આ ઘમંડી નેતાએ નાગરિક જયદેવની સમસ્યા દૂર કરવાના બદલે મજાક ઉડાવી હતી.

ભાજપના નેતાએ વયોવૃદ્ધ નાગરિકની સમસ્યા સાંભળવાને બદલે મજાક ઉડાવી

સુરેન્દ્રનગર વઢવાણનાં ધારાસભ્ય જગદીશ મકવાણા આમ તો કોઈ સામાન્ય નાગરિકોને મળતા નથી. પરંતુ રાજદેવભાઈ સુરેન્દ્રનગર મહાનગરપાલિકાની કચેરીમાં કામ માટે ગયા ત્યાં ધારાસભ્ય મળી ગયા તો ઉભા ઉભા સમસ્યા કહી દીધી. જો કે આ ધારાસભ્યએ તો સમસ્યા સાંભળવાને બદલે વયોવૃદ્ધ નાગરિકની મજાક ઉડાવી હતી. તેમણે ઘમંડી શબ્દોમાં કહ્યું કે, અમે બધું કરીશું પણ વરસાદને તમે રોકજો. અંબાલાલ ને કહેજો. આવી મજાક કરી, ઠઠ્ઠા મશ્કરી કરી અને હસીને ચાલતી પકડી હતી.

ભાજપ નેતા પર ફિટકારની લાગણી

મહત્વનું છે કે, સુરેન્દ્રનગરમાં સામાન્ય વરસાદે શહેરની સમસ્યાઓમાં અનેક ઘણો વધારો કરી દીધો ત્યારે કોઈ અધિકારી કે નેતા ફરિયાદ સાંભળવા તૈયાર નથી. લોકોને પ્રાથમિક સુવિધાઓ મળતી નથી. ખરાબ રસ્તા, પીવાના પાણીની સમસ્યા છે. ત્યારે આ સમસ્યાઓથી ત્રસ્ત વયોવૃદ્દે નેતાને મહાનગરપાલિકાના કમિશનરની કચેરી બહાર પકડી પાડી અને સમસ્યા સંભળાવી દીધી. પરંતુ એમને ક્યાં ખબર હતી કે ભાજપની ભૂંડી સરકારના ધારાસભ્ય તેમની સાચી વાતની મજાક કરશે. ત્યારે ગુજરાતના નાગરિકો આ નેતાના વર્તનથી તેમના ઉપર ફિટકાર વરસાવી રહ્યા છે. 82 વર્ષના વરિષ્ઠ નાગરિક સાથે ધારાસભ્ય જગદીશ મકવાણાએ કેવું વર્તન કર્યું જુઓ વીડિયો…