TASMAC liquor Scam, Supreme Court: સુપ્રીમ કોર્ટે ગુરુવારે તમિલનાડુ સ્ટેટ માર્કેટિંગ કોર્પોરેશન (TASMAC) સામે રૂ. 1,000 કરોડના દારૂ કૌભાંડમાં મની લોન્ડરિંગ તપાસ પર સ્ટે મૂકી દીધો છે. કોર્ટે એન્ફોર્સમેન્ટ ડિરેક્ટોરેટ (ED) ને સખત શબ્દોમાં ખખડાવી છે. અને કહ્યું “ED બંધારણનું ઉલ્લંઘન કરી રહ્યું છે અને બધી મર્યાદાઓ પાર કરી રહ્યું છે.”
ED બધી મર્યાદાઓ પાર કરી રહી છે
કોર્ટે ED ને ઝાંટકી કાઢતાં કહ્યું કે, “તમે વ્યક્તિઓ વિરુદ્ધ કેસ દાખલ કરી શકો છો પણ કંપનીઓ વિરુદ્ધ કેસ દાખલ કરી શકતા નથી? તમે દેશના સંઘીય માળખાનું સંપૂર્ણપણે ઉલ્લંઘન કરી રહ્યા છો.” ચીફ જસ્ટિસ બીઆર ગવઈ અને જસ્ટિસ એજી મસીહની ડિવિઝન બેન્ચ તમિલનાડુ સરકાર દ્વારા દાખલ કરવામાં આવેલી અરજી પર સુનાવણી કરી રહી હતી. આ અરજી મધ્યપ્રદેશ હાઈકોર્ટ દ્વારા તમિલનાડુ સરકારની અરજીને ફગાવી દેવાને પડકારતી હતી, જેમાં રાજ્ય સરકારની સંમતિ વિના ED ને તમિલનાડુમાં શોધખોળ કરવાથી રોકવાના નિર્દેશોની માંગ કરવામાં આવી હતી.
ED મુશ્કેલીમાં છે, કપિલ સિબ્બલે કોર્ટમાં હકીકતો જણાવી
વરિષ્ઠ વકીલ કપિલ સિબ્બલે કોર્ટને જણાવ્યું હતું કે રાજ્ય સરકારે 2014 થી 2021 દરમિયાન ભ્રષ્ટાચારના આરોપસર દારૂની દુકાનના સંચાલકો સામે 41 FIR દાખલ કરી હતી. “જોકે, ED એ 2025 માં આ મામલામાં હસ્તક્ષેપ કર્યો અને મુખ્યાલય પર દરોડા પાડ્યા, અધિકારીઓના ફોન અને સાધનો પણ જપ્ત કર્યા”
મધ્યપ્રદેશ હાઈકોર્ટમાં દાખલ કરાયેલી અરજીમાં TASMAC એ કોર્ટને વિનંતી કરી હતી કે ED ને તેના અધિકારીઓને હેરાન ન કરવાનો નિર્દેશ આપવામાં આવે. જોકે કોર્ટે બધી વિનંતીઓ ફગાવી અને ED ને તેની તપાસ ચાલુ રાખવાની મંજૂરી આપી હતી. જો કે સુપ્રિમ કોર્ટે હવે EDને ખખડાવી છે.
સંઘીય માળખાના ઉલ્લંઘન અંગે વિવાદ
આ અરજીઓમાં એવી દલીલ કરવામાં આવી હતી કે રાજ્યની સીમાઓમાં ઉદ્ભવતા મૂળ ગુનાના સંબંધમાં શોધ અને તપાસ કરવાની ED ની સત્તા સંબંધિત રાજ્યની સંમતિ વિના સંઘીય માળખાના મૂળભૂત સિદ્ધાંતોનું ઉલ્લંઘન કરે છે.
આના જવાબમાં હાઇકોર્ટે જવાબ આપ્યો હતો કે “તલાશી લેતા પહેલા રાજ્ય સરકારની સંમતિ લેવી જરૂરી છે તે દલીલ સંપૂર્ણપણે અતાર્કિક અને ગેરવાજબી છે. જો અગાઉથી પરવાનગી લેવી પડે તો રાજ્ય સરકારની માલિકીની કંપનીમાં અચાનક શોધ કે દરોડા કેવી રીતે પાડી શકાય?”
કોર્ટે સર્ચ દરમિયાન ED દ્વારા TASMAC અધિકારીઓના મોબાઇલ ફોન જપ્ત કરવાના નિર્ણયને પણ સમર્થન આપ્યું હતું અને કહ્યું હતું કે, “મોબાઇલ ફોન જપ્ત કરવાનો સીધો અને મૂળભૂત રીતે PMLA હેઠળ મની લોન્ડરિંગના ગુનાનો પર્દાફાશ કરવા અને ગુનેગારોને સજા કરવા માટે પુરાવા એકત્રિત કરવા માટે તપાસ અને શોધ સાથે જોડાયેલો છે.”
EDના દરોડા
તાજેતરમાં માર્ચ મહિનામાં ED એ તમિલનાડુમાં દારૂના વેચાણ પર દેખરેખ રાખતી સંસ્થા TASMAC ની ઓફિસોમાં દરોડા પાડ્યા હતા. કથિત ભ્રષ્ટાચાર અને નાણાકીય અનિયમિતતાઓની વ્યાપક તપાસના ભાગ રૂપે આ કાર્યવાહી કરાઈ હતી. ED અધિકારીઓએ 6 માર્ચથી 8 માર્ચ દરમિયાન કંપનીના ચેન્નાઈ સ્થિત મુખ્યાલય સહિત 20 સ્થળોએ દરોડા પાડ્યા હતા. આ તપાસ તમિલનાડુ વિજિલન્સ વિભાગ દ્વારા નોંધાયેલી 40 થી વધુ FIR પર આધારિત છે.
આ પણ વાંચો:
Ahmedabad: કેબલ ચોરી થતાં વસ્ત્રાલથી થલતેજ તરફની મેટ્રો ટ્રેન બંધ
IAS વિક્રાંત પાંડેની ગુજરાતમાં વાપસી કેમ? | Vikrant Pandey
Ahmedabad: ગુરુકુળ વિસ્તાર પાસેની ઈમારતમાં આગ લાગતાં દોડધામ!
Indigo Flight: દિલ્હીથી શ્રીનગર જતું વિમાન તૂટ્યું!, જાણો શું થયું!
Sabarkantha: પ્રાંતિજમાં ડમ્પરે બાઈકને ટક્કર મારી, બે યુવાન કાળનો કોળિયો બન્યા, પિતાને ઈજાઓ
Sabarkantha Accident: પ્રાંતિજ નજીક કારની ટક્કરે રિક્ષાએ મારી પલટી, રિક્ષાચાલક ગંભીર!
ગુજરાતના 18 રેલવે સ્ટેશનનું આજે લોકાર્પણ, ડાકોર, કરમસદ સહિત આ સ્ટેશનનો સમાવેશ? | Railway station
જાપાનના કૃષિ મંત્રીએ ચોખા પર શું બોલ્યા કે રાજીનામું આપી દેવું પડ્યું? જાણો કારણ! | Taku Eto
Vadodara: સરકારી દવાખાનામાં આશાવર્કર પર બળાત્કારનો પ્રયાસ, કપડાં ફાડ્યા, સુરક્ષા પર સવાલો?
Bijnor: રુચિકા પ્રેમી શિવમને મળવા ગઈ પણ તે ક્યારેય ઘરે પાછી ન આવી!, પરિવારે શું કર્યો ખુલાસો!
