ઓસ્ટ્રેલિયા (Australia) સામે ચાલી રહેલી ટેસ્ટ મેચમાં ટીમ ઇન્ડિયા (Team India)નો કંગાળ દેખાવ ચિંતાનો વિષય બન્યો છે. પ્રથમ દિવસે જ ટીમ ઇન્ડિયા પેવેલિયન ભેગી થઈ ગઈ છે. તો મેચના અંતિમ સેશનમાં ઓસ્ટ્રેલિયન ખેલાડીઓ બેટિંગ કરવા પણ ઉતરી ગયા છે. ઓસ્ટ્રેલિયન બોલરો સામે ટીમ ઇન્ડિયાના બેટ્સમેનો એક દિવસ પણ ટકી શક્યા નહીં અને 185 રનમાં તંબૂ ભેગા થઈ ગયા છે.
બોર્ડર-ગાવસ્કર ટ્રોફીની પાંચમી ટેસ્ટની પહેલી ઇનિંગમાં ટીમ ઇન્ડિયા પ્રથમ દિવસે જ 185 રનમાં ઓલઆઉટ થઈ ગઈ છે. અંતિમ સેશનમાં ઓસ્ટ્રેલિયા તરફથી પહેલી ઇનિંગ માટે સેમ કોન્સ્ટાસ અને ઉસ્માન ખ્વાજા ક્રિઝ પર છે.
પૂછડિયા ખેલાડીઓએ સ્કોર પહોંચ્યાડ્યો 185
ટીમ ઈન્ડિયા તરફથી રિષભ પંતે સૌથી વધુ 40 રન બનાવ્યા હતા. રવીન્દ્ર જાડેજા 26 રન બનાવીને આઉટ થયો હતો. જસપ્રીત બુમરાહે 22 રન બનાવ્યા હતા. શુભમન ગિલે 20 રન અને વિરાટ કોહલીએ 17 રનનું યોગદાન આપ્યું હતું. ઓસ્ટ્રેલિયા તરફથી સ્કોટ બોલેન્ડે 4 વિકેટ લીધી હતી. મિચેલ સ્ટાર્કને 3 વિકેટ મળી હતી. પેટ કમિન્સને 2 વિકેટ મળી હતી. એક વિકેટ નાથન લાયનના ખાતામાં આવી હતી.
આજે મેચનો પ્રથમ દિવસ છે. ભારતે ટૉસ જીતીને બેટિંગ કરવાનો નિર્ણય લીધો હતો. સિડની ક્રિકેટ ગ્રાઉન્ડમાં રોહિત શર્માની જગ્યાએ જસપ્રીત બુમરાહ ટીમ ઈન્ડિયાની કેપ્ટનશિપ કરી રહ્યો છે. રોહિત શર્માને આરામ આપવામાં આવ્યો છે. જ્યારે આકાશ દીપ ઈજાના કારણે આ મેચ રમી રહ્યો નથી. શુભમન ગિલ પરત ફર્યો છે, જ્યારે પ્રસિદ્ધ ક્રિષ્નાને તક મળી છે.
મેલબોર્ન ટેસ્ટ માટે બન્ને ટીમ
ભારત (IND): જસપ્રીત બુમરાહ (કેપ્ટન), યશસ્વી જયસ્વાલ, કેએલ રાહુલ, શુભમન ગિલ, વિરાટ કોહલી, રિષભ પંત (વિકેટકીપર), રવીન્દ્ર જાડેજા, નીતિશ રેડ્ડી, વોશિંગ્ટન સુંદર, મોહમ્મદ સિરાજ અને પ્રસિદ્ધ ક્રિષ્ના.
ઓસ્ટ્રેલિયા (AUS): પેટ કમિન્સ (કેપ્ટન), ઉસ્માન ખ્વાજા, સેમ કોન્સ્ટન્સ, માર્નસ લાબુશેન, સ્ટીવ સ્મિથ, ટ્રેવિસ હેડ, બ્યુ વેબસ્ટર, એલેક્સ કેરી (વિકેટકીપર), મિચેલ સ્ટાર્ક, નાથન લાયન અને સ્કોટ બોલેન્ડ.
