The employee drank poison due to the SIR’s workload: મેરઠમાં,SIRની કામગીરી દરમિયાન બીએલઓ કર્મચારીએ કામના દબાણ અને ઉપરીના પ્રેશરથી તંગ આવી ઝેર પી લેતા ભારે ચકચાર મચી જવા પામી છે.
વિગતો મુજબ સિંચાઈ વિભાગમાં વરિષ્ઠ સહાયક અને BLO તરીકે ફરજ બજાવતા મોહિત ચૌધરીએ SIR ફોર્મના ભારે દબાણ અને તેમના સુપરવાઇઝરની ધમકીઓથી કંટાળીને કથિત રીતે તેમના ઘરના ટેરેસ પર ઝેર પી લીધું હતું.
ભારે તણાવમાં આવી ગયેલા મોહિત ચૌધરીએ ઘરની છત પર જઈ ઝેરી પદાર્થ ખાઈને આત્મહત્યા કરવાનો પ્રયાસ કર્યો હતો ત્યારબાદ જ્યારે તેમની તબિયત વધુ ખરાબ થઈ ગઈ, ત્યારે તેમના પરિવારે તેમને લોકપ્રિય હોસ્પિટલમાં દાખલ કર્યા હતા જ્યાં સારવાર ચાલુ છે અને સ્થિતિ ગંભીર છે.
આ ઘટના અંગેની જાણ થતાંજ યુનિયનના અધિકારીઓ અને વિભાગીય કર્મચારીઓ હોસ્પિટલમાં પહોંચી ગયા અને વહીવટીતંત્ર વિરુદ્ધ સૂત્રોચ્ચાર કર્યા હતા.કર્મચારીઓએ જણાવ્યું હતું કે કામનું દબાણ અસહ્ય બની ગયું છે અને બીએલઓ સાથે મશીન કે બળદ જેવો વ્યવહાર કરવામાં આવી રહ્યો છે.
ગઢ રોડ સ્થિત મુરલીપુરના રહેવાસી મોહિત ચૌધરી બેવડી જવાબદારીઓને કારણે ઘણા દિવસોથી તણાવમાં હતા: સિંચાઈ વિભાગનું કામ અને બ્લોક ડેવલપમેન્ટ ઓફિસર (BLO) તરીકે બેવડી જવાબદારી ને કારણે તેઓ ડિપ્રેશનમાં હતા પરિવારના સભ્યોના જણાવ્યા મુજબ, મોહિત પર સતત સુપરવાઇઝર આશિષ શર્મા દ્વારા SIR ફોર્મ અપડેટ કરવા અને સબમિટ કરવાનું ભારે દબાણ રહેતું હતું.
તેમની પત્ની જ્યોતિએ જણાવ્યું હતું કે તેમના પતિ સવારે વહેલા ઘરેથી નીકળી જતા અને રાત્રે મોડા પાછા ફરતા. કામનો બોજ એટલો વધી ગયો હતો કે તેઓ યોગ્ય રીતે ખાતા પણ ન હતા, અને તેઓ ઘણા દિવસોથી માનસિક રીતે ભાંગી પડ્યા હતા અને સ્થિતિ અસહ્ય બનતા તેઓએ ઝેર પી લીધું હતું.
મોહિતની હાલત હાલમાં ગંભીર હોવાનું જાણવા મળે છે.પરિવારજનો અને સમગ્ર સ્ટાફના કર્મચારીઓ પણ હોસ્પિટલમાં સતત હાજર છે તેઓમાં સિસ્ટમ સામે આક્રોશ જોવા મળ્યો છે.
#मेरठ सिंचाई विभाग में बाबू BLO मोहित ने जहर खा लिया है. मोहित पर बिना ट्रेनिंग काम का प्रेशर था. घरों के चक्कर काटने के बावजूद वोटर फॉर्म देने के लिए तैयार नहीं है. सुपरवाइजर उन्हें बार-बार निलंबित करने की धमकी दे रहा था. मोहित की हालत गंभीर है. पत्नी ने पूरी व्यथा बताई pic.twitter.com/diL1DSuty7
— Narendra Pratap (@hindipatrakar) December 3, 2025
આ પણ વાંચો:
Commonwealthgames2030:ગુજરાતમાં ‘ખેલકુદ’શિખવતા શિક્ષકો નથી અને ઓલેમ્પિકની વાતો થાય છે!
