UP Crime: પ્રેમ, વિશ્વાસઘાત અને બ્લેકમેલ… લખનૌની આ કહાની કોઈ ફિલ્મની પટકથાથી કમ નથી. લગભગ સાત વર્ષ પહેલાં એક સગીર છોકરા અને 55 વર્ષની મહિલા વચ્ચે શારીરિક સંબંધ બંધાયા હતા. એવો આરોપ છે કે દાદીની ઉંમરની મહિલાએ યુવાનને પ્રેમની જાળમાં ફસાવ્યો અને પછી તેની લાચારીનો લાભ લઈને તેની સાથે લગ્ન કર્યા. હવે, તે યુવાન મહિલાથી બચાવવા આજીજી કરી રહ્યો છે. યુવાનનો દાવો છે કે વૃદ્ધ મહિલા અને તેનો પરિવાર તેને હેરાન કરી રહ્યો છે.

કઈ રીતે ફસાયો યુવાન?

લખનૌમાં 17 વર્ષિય સગીરને 55 વર્ષિય મહિલાએ પ્રેમજાળમાં ફસાવ્યો હતો, મહિલાએ તેને બ્લેકમેલ કરીને તેની સાથે લગ્ન કરી લીધા હતા. હવે તે જ મહિલા અને તેનો પરિવાર યુવાનને સતત હેરાન કરી રહ્યા છે. સઆદતગંજ પોલીસ સ્ટેશન વિસ્તારના મહેબૂબગંજના રહેવાસી ઝીશાન અંસારીએ જણાવ્યું કે તેના પિતાના મૃત્યુ પછી, પરિવારની જવાબદારી તેના ખભા પર આવી ગઈ. તેણે નાની ઉંમરે જ કેટરિંગ સંસ્થામાં વેઈટર અને અન્ય નોકરીઓ કરવાનું શરૂ કર્યું. આ સમય દરમિયાન તે બેબી નામની 55 વર્ષીય મહિલાને મળ્યો, જે તે જ કેટરિંગ સાઇટ પર કામ કરતી હતી.

“હું સગીર હતો, મહિલાએ મારી સાથે ઘણીવાર શારીરિક સંબંધ બાંધ્યા”

ઝીશાનના કહેવા મુજબ, “બેબી મારી સાથે વાત કરવા લાગી. પછી ધીમે ધીમે અમે નજીક આવતા ગયા. તે મને ઘણી વખત તેના ઘરે લઈ ગઈ અને ત્યાં મારી સાથે સેક્સ કર્યું. તે સમયે હું સગીર હતો અને તેના ઇરાદા સમજી શકતો ન હતો.” પીડિતનો આરોપ છે કે લગભગ એક વર્ષ સુધી સંબંધ રાખ્યા પછી, મહિલાએ તેના પર લગ્ન કરવા માટે દબાણ કરવાનું શરૂ કર્યું. જ્યારે તેણે ના પાડી તો ખોટા બળાત્કારના કેસમાં ફસાવવાની ધમકી આપવાનું શરૂ કર્યું હતુ. તે ઘણી વખત પોલીસ સ્ટેશન ગઈ અને ખોટા આરોપો લગાવ્યા અને એક વખત તેને જેલમાં પણ મોકલી દીધો.

‘મહિલા પહેલાથી જ બે વાર લગ્ન કરી ચૂકી હતી’

એવો આરોપ છે કે એક દિવસ બેબીએ ઝીશાનને કોર્ટમાં લઈ જઈ તેની પાસેથી નોટરી દસ્તાવેજ પર સહી કરાવવા માટે કહ્યું, જેમાં તેણે પોતાને તેની પત્ની ગણાવી. તેના પહેલા બે વાર લગ્ન થયા હતા અને તેના ત્રણ બાળકો હતા, જે બધા ઝીશાનને મોટા કર્યા હતા. ઝીશાને કહ્યું, “લગ્ન પછી, તે મને મારી માતા અને ભાઈને મળવા દેતી નહોતી. જો હું ઘરે જતો તો તે મને દુર્વ્યવહાર કરતી હતી.” ઘણા વર્ષો સુધી આ ત્રાસ સહન કર્યા પછી, ઝીશાન આખરે બેબીથી અલગ રહેવા લાગ્યો. પરંતુ અલગ થયા પછી પણ, મહિલા અને તેનો પરિવાર તેને એકલો છોડી રહ્યા નથી.

બેબીના દીકરા અને જમાઈએ ઝીશાનને માર માર્યો

6 ઓક્ટેબરે ઓક્ટોબરની સાંજે ઝીશાન અંબરગંજમાં અહેસાન સભાસદની ઓફિસ પાસેથી પસાર થઈ રહ્યો હતો ત્યારે બેબીના દીકરા ફૈઝલ અને જમાઈ સદ્દામ તેની બાઇકની ચાવીઓ છીનવીને તેના પર હુમલો કર્યો હતો. જેથી પીડિત યુવાનને ગંભીર ઇજાઓ થઈ હતી. ઝીશાનની ફરિયાદના આધારે 7મી ઓક્ટોબરના રોજ સાદતગંજ પોલીસ સ્ટેશનમાં કેસ નોંધવામાં આવ્યો. તેણે કહ્યું, “હવે હું આ મહિલાથી કાયમ માટે છૂટકારો મેળવવા માંગુ છું.”

પોલીસે કેસ નોંધ્યો: ઇન્સ્પેક્ટર સાદતગંજ

આ કેસમાં સાદતગંજના ઇન્સ્પેક્ટર સંતોષ આર્યએ જણાવ્યું હતું કે તપાસમાં જાણવા મળ્યું છે કે બેબીના દીકરાના લગ્ન થવાના હતા, અને બેબી અને ઝીશાનના સંબંધોને લઈને પરિવારમાં વિવાદ હતો. આ વિવાદને લઈને સોમવારે ઝઘડો થયો હતો. પોલીસે કેસ નોંધીને કાર્યવાહી શરૂ કરી છે.

આ પણ વાંચો:

UP: ‘મારી વેવાણનું મારા પુત્ર સાથે અફેર હતુ’, સાસુના પ્રેમમાં ડૂબેલા જમાઈએ પત્નીને પતાવી દીધી, હચમચાવી નાખતી ઘટના

UP: પ્રેમીને વળગી સૂઈ રહી હતી પત્ની, પતિ પહોંચતા જ કરી નાખ્યા આવા હાલ!

Adani Airport શરૂઆતથી જ વિવાદોમાં ફસાયેલું, સખત વિરોધ બાદ નદીનો માર્ગ બદલવાની યોજના પડતી મૂકી હતી