UP Crime: ઉત્તર પ્રદેશના મુઝફ્ફરનગર જિલ્લામાં 11 વર્ષની બાળકી પર બળાત્કાર ગુજારવાનો પ્રયાસ થયો છે. જેથી એક 45 વર્ષિય શખ્સને લોકોએ દબોચી લઈ ખરાબ રીતે માર માર્યો છે. આ ઘટના બાદ આસપાસના વિસ્તારમાં ભારે ચકચાર મચી ગઈ છે. પોલીસે આ મામલે આરોપી શખ્સ વિરુધ્ધ કડક કાર્યવાહી હાથ ધરી છે.
મિડિયા અહેવાલો અનુસાર સોમવારે સાંજે નઈ મંડી પોલીસ સ્ટેશન વિસ્તારના સુભાષ નગર વિસ્તારમાં એક 45 વર્ષિય શખ્સે 11 વર્ષની બાળકી પર દુષ્કર્મ ગુજાર્યું. ચીસો પાડતાં શખ્સને લોકોએ રંગે હાથ પકડી લીધો હતો. ત્યારબાદ ટોળાએ આરોપીને ખૂબ માર માર્યો હતો. કોઈએ આખી ઘટના પોતાના મોબાઈલ ફોનમાં કેદ કરી લીધી અને તેને સોશિયલ મીડિયા પર વાયરલ કરી દીધી.
એવું કહેવામાં આવી રહ્યું છે કે આરોપી રિતેશ ઉર્ફે અબ્દુલ્લાએ 10 વર્ષ પહેલાં હિન્દુ ધર્મ છોડીને ઇસ્લામ ધર્મ અપનાવ્યો હતો અને ત્યારથી તે સુભાષ નગરમાં રહે છે. ગઈકાલે સાંજે આરોપીએ પડોશમાં રહેતી 11 વર્ષની બાળકીને લલચાવીને તેના ઘરે લઈ ગયો હતો. તેણે તેના પર બળાત્કાર કરવાનો પ્રયાસ કર્યો, પરંતુ તેની ચીસો સાંભળીને ઘરની બહાર ભીડ એકઠી થઈ ગઈ અને આરોપીને રંગે હાથ પકડી લીધો. ત્યારબાદ ટોળાએ તેને ખૂબ માર માર્યો અને પછી પોલીસને સોંપી દીધો.
પોલીસે ગુનો દાખલ કર્યો
પોલીસે આરોપી વિરુદ્ધ ગંભીર કલમો હેઠળ કેસ દાખલ કરીને તેને જેલમાં મોકલી દીધો છે. ન્યૂ મંડીના સીઓ રાજુ કુમાર સાવએ જણાવ્યું કે આ ઘટના ગઈકાલે રાત્રે બની હતી. સુભાષ નગર વિસ્તારના રહેવાસીએ જણાવ્યું હતું કે એક વ્યક્તિએ એક સગીર છોકરીને તેના ઘરે બોલાવી હતી અને તેની સાથે છેડતી કરી હતી, અને ત્યાં હાજર સ્થાનિક લોકોએ તેને પકડી લીધો હતો. આ માહિતીના આધારે પોલીસ ઘટનાસ્થળે પહોંચી દુષ્કર્મનો પ્રયાસ કરનાર શખ્સને પીડિતાનું નિવેદન સાંભળ્યા પછી અને તેનું લેખિત નિવેદન મેળવ્યા પછી, સંબંધિત કલમો હેઠળ કેસ નોંધવામાં આવ્યો છે. આરોપીની ધરપકડ કરી છે તેને જેલમાં મોકલવાની કાર્યવાહી ચાલુ છે.
આ પણ વાંચો:
UP: 2 બાળકોની માતા 16 વર્ષિય ભાણિયા સાથે ફરાર, ગોરખપુરનો આ કિસ્સો તમને ચોંકાવી દેશે.
UP: મૌલવીના પરિવાર સાથે થયેલી ક્રૂરતા મામલે 60 લોકો સામે FIR, કારણ જાણી ચોકી જશો!
Bihar Election: ભાજપે 71 ઉમેદવારોની જાહેરાત કરી, મૈથિલી ઠાકુર અને પવન સિંહના નામ ગાયબ
