• અમેરિકાના પૈસે ભારતમાં મતદાનનો મુદ્દો વકર્યો; PM મોદીના સલાહકારે કહ્યું, સૌથી મોટું કૌભાંડ

અમેરિકા ભારત સાથે સંબંધ રાખવા માંગતુ નહોય તેવા કામ કરી રહ્યું છે. પીએમ મોદીની મુલાકાતથી લઈને અત્યાર સુધીમાં અમેરિકન રાષ્ટ્રપતિએ ભારત ઉપર તેમના ફાયદાના વ્યાપારને લઈને ખુબ જ પ્રેશર બનાવીને પોતાની વાત માનવાવાનું કામ કરી રહ્યાં છે. ભારતીયોને ડિપોર્ટ કર્યા પછી ભારતમાં મતદાનને લઈને પણ અન્ય ચોંકાવનારા ખુલાસાઓ તેમની સરકાર તરફથી કરવામાં આવી રહ્યાં છે. આ મુદ્દે હવે ભારતમાં હડકંપ મચવાની સાથે-સાથે વિવાદ આગળ વધી રહ્યો છે.

 અમેરિકાના રાષ્ટ્રપ્રમુખ ડોનાલ્ડ ટ્રમ્પની સરકારમાં DOGE વિભાગનું નેતૃત્વ કરી રહેલા એલોન મસ્ક ઉતાવળા નિર્ણયો લઈ રહ્યા છે. આ સંદર્ભમાં, DOGE એ ભારતમાં મતદાન વધારવા માટે નિર્ધારિત ભંડોળ રદ કરી રહ્યું હોવાની જાહેરાત કરતા બંને દેશો વચ્ચે વિવાદ વધ્યો છે. સરકાર, ઈલેક્શન કમિશ્નર, અને શાસક પક્ષ DOGEના આ દાવાઓને ખોટા ઠેરવી રહ્યું છે.

વડાપ્રધાન નરેન્દ્ર મોદીના આર્થિક સલાહકાર સંજીવ સાન્યાલે આ મુદ્દે સામો પ્રશ્ન પૂછ્યો છે કે, ભારતમાં મતદાન વધારવા માટે DOGE દ્વારા ખર્ચ કરવામાં આવેલા 2.1 કરોડ યુએસ ડોલર કોને મળ્યા?

સાન્યાલે આ મુદ્દા પર શંકા વ્યક્ત કરતા USAIDને “માનવ ઇતિહાસનું સૌથી મોટું કૌભાંડ” ગણાવ્યું છે. તેમણે X પર પોસ્ટ કરી છે કે, હું એ જાણવા માટે ખૂબ જ ઉત્સુક છું કે ભારતમાં મતદાન વધારવા માટે ફાળવવામાં આવેલા 2.1 કરોડ ડૉલર કોને આપવામાં આવ્યા? તદુપરાંત બાંગ્લાદેશના રાજકીય લેન્ડસ્કેપને મજબૂત બનાવવા 2.9 કરોડ ડૉલર અને નેપાળમાં ‘ફિસ્કલ ફેડરલિઝમ’ સુધારવા માટે 2.9 કરોડ ડૉલરનું ફંડ કોના ખાતામાં ગયું? USAID એ માનવ ઇતિહાસનું સૌથી મોટું કૌભાંડ છે.

ભાજપ નેતા અમિત માલવિયાના દાવા પર કોંગ્રેસ નેતા પવન ખેરાએ શું કહ્યું?

DOGEએ રવિવારે તેની પોસ્ટમાં લખ્યું હતું કે કેટલીક એવી વસ્તુઓ કે જેના પર અમેરિકન કરદાતાઓના પૈસા ખર્ચ થઈ રહ્યા છે, તેને રદ કરવામાં આવી છે. જેમાં ભારતમાં મતદાન વધારવા હેતુ ફાળવવામાં આવતું 2.1 કરોડ ડૉલરનું ફંડ પણ સમાવિષ્ટ છે. તદુપરાંત ‘કન્સોર્ટિયમ ફોર ઈલેક્શન્સ એન્ડ પોલિટિકલ પ્રોસેસ સ્ટ્રેથનિંગ’ હેઠળ મોલ્ડોવાનો સમાવેશ અને પાર્ટનરશીપ હેઠળની રાજકીય પ્રક્રિયા માટે 2.2 કરોડ ડૉલરનો પણ ઉલ્લેખ કરવામાં આવ્યો હતો.

ભારતના ભૂતપૂર્વ મુખ્ય ચૂંટણી કમિશ્નર (CEC) એસવાય કુરેશીએ DOGEના ભારતને 2.1 કરોડ ડૉલરનું ફંડ આપ્યું હોવાનો દાવો નકાર્યો છે. તેમણે કહ્યું કે, હું જ્યારે ચૂંટણી પંચનો ચીફ હતો ત્યારે ECIએ 2012માં IFES ઈન્ટરનેશનલ ફાઉન્ડેશન ફોર ઈલેક્ટોરલ સિસ્ટમ્સ સાથે કરાર કર્યો હતો, પરંતુ આ કરાર માત્ર તાલીમ સંબંધિત હતો, જેમાં કોઈ ફંડની વાત ન હતી. તેમાં કોઈપણ પ્રકારની નાણાકીય સહાય અથવા નાણાકીય વચનનો સમાવેશ થયો હતો.

ભાજપે આપી આકરી પ્રતિક્રિયા

DOGEના આ પગલા પર ભાજપે પણ આકરી પ્રતિક્રિયા આપી છે. પાર્ટીના આઇટી સેલના વડા અમિત માલવિયે જણાવ્યું કે ભારતની ચૂંટણી પ્રક્રિયામાં બહારની દખલગીરી સહન કરવામાં આવશે નહીં. 2.1 કરોડ ડૉલરની આ રકમ કોને આપવામાં આવી? ચોક્કસપણે શાસક પક્ષને આનાથી કોઈ ફાયદો થયો નથી. ઉલ્લેખનીય છે, હાલમાં જ વડાપ્રધાન નરેન્દ્ર મોદીએ અમેરિકાના રાષ્ટ્રપ્રમુખ ડોનાલ્ડ ટ્રમ્પ સાથે દ્વિપક્ષીય બેઠક કરી હતી.

આ પમ વાંચો-કતારના અમીર શેખ તમિમ બિન હમાદને રિસિવ કરવા PM મોદી પહોંચ્યા એરપોર્ટ