● આ એજ ટ્રમ્પ છે કે જેઓ વેનેઝુએલાથી તેલ ખરીદવાનો એક સમયે વિરોધ કરતા હતા પણ હવે તેઓએ અહીંના તેલ ભંડાર ઉપર કબ્જો કર્યા બાદ વિશ્વના દેશો માટે દુકાન ખોલી દીધી છે!
Donald Trump: ભારત અને અમેરિકા વચ્ચે હજુ સુધી કોઈ ટ્રેડ ડીલ માટે હજુતો વાતો ચાલે છે અને કોઈ ડીલ પણ નથી થઈ ત્યાંજ ડોનાલ્ડ ટ્રમ્પે દુનિયામાં જાહેર કર્યું કે ભારત વેનેઝુએલથી તેલ ખરીદવા તૈયાર છે અને અમારી વચ્ચે સોદો પણ નક્કી થઈ ગયો છે.ટ્રમ્પે જાહેરાત કરી છે કે ભારત હવે રશિયા કે ઈરાનથી નહિ પણ વેનેઝુએલાથી તેલ આયાત કરશે,તેમણે કહ્યું,” અમારી વચ્ચે સોદો પણ થઈ ગયો છે.”આમ,ટ્રમ્પ ભારત માટે એક તરફી દાવા કરવાની પરંપરામાં વધુ એક દાવો ઝીંકી દીધો છે.
અહેવાલો અનુસાર, એક દિવસ પહેલા જ અમેરિકાએ ભારતને વેનેઝુએલા પાસેથી તેલ ખરીદવાનો પ્રસ્તાવ મૂક્યો છે અને કહ્યું કે અમેરિકા ઇચ્છે છે કે ભારત રશિયા અને ઈરાન પાસેથી તેલ ખરીદવાનું બંધ કરે.જોકે,આ પ્રસ્તાવ પર ભારતનો પ્રતિભાવ હજુ સ્પષ્ટ નથી.મહત્વનું છે કે આજ એજ ટ્રમ્પ છે કે જેઓ વેનેઝુએલામાંથી તેલ ખરીદવાનો વિરોધ કરતા હતા પણ હવે વેનેઝુએલાનાં ભૂતપૂર્વ રાષ્ટ્રપતિને બંધક બનાવી લઈ ત્યાંના તેલ ભંડાર ઉપર આડકતરો કબ્જો કરી લઈ તેલ વેચવાની દુકાન ચાલુ કરી દીધી છે.ડોનાલ્ડ ટ્રમ્પે ચીનને પણ વેનેઝુએલા પાસેથી તેલ ખરીદવા માટે આગ્રહ કર્યો છે.
● વેપાર કરારની વાટાઘાટો ક્યાં અટકી ગઈ છે?
ભારત અને યુનાઇટેડ સ્ટેટ્સ વચ્ચે પ્રસ્તાવિત દ્વિપક્ષીય વેપાર કરાર માટેની વાટાઘાટો સકારાત્મક રીતે આગળ વધી રહી છે અને બંને દેશો તેને ટૂંક સમયમાં પૂર્ણ કરવા માટે કામ કરી રહ્યા છે.કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે શનિવારે આ જાહેરાત કરી હતી, અને વિશ્વાસ વ્યક્ત કર્યો હતો કે નજીકના ભવિષ્યમાં આ મોરચે સારા સમાચાર મળશે.
ગોયલે કહ્યું, “દરેક મુક્ત વેપાર કરાર (FTA) તેની પોતાની શરતો અને યોગ્યતાઓ પર આધાર રાખે છે.અમારી વાટાઘાટો ખૂબ સારી રીતે ચાલી રહી છે, યુએસમાં મારા સમકક્ષ અને મારા વચ્ચે ઉત્તમ કાર્યકારી સંબંધ અને વ્યક્તિગત મિત્રતા છે. અમે આ કરારને શક્ય તેટલી વહેલી તકે પૂર્ણ કરવા માટે કામ કરી રહ્યા છીએ.”
“મધર ઓફ ઓલ ડીલ્સ” (ભારત-EU કરાર) પછી ભારત અને અમેરિકા વચ્ચે “ફાધર ઓફ ઓલ ડીલ્સ” ક્યારે વાસ્તવિકતા બનશે તે અંગે પૂછવામાં આવતા, ગોયલે કહ્યું કે વેપાર કરારો માટે ક્યારેય કોઈ સમયમર્યાદા હોતી નથી. બંને દેશોના હિતોને ધ્યાનમાં રાખીને તેમને યોગ્ય સમયે અંતિમ સ્વરૂપ આપવામાં આવશે.
આવતા અઠવાડિયે વોશિંગ્ટનની તેમની નિર્ધારિત મુલાકાત પહેલા, વિદેશ મંત્રી એસ. જયશંકરે ગુરુવારે યુએસ એમ્બેસેડર સેર્ગીયો ગોર સાથે વેપાર, મહત્વપૂર્ણ ખનિજો અને સંરક્ષણ સહિત દ્વિપક્ષીય સંબંધોના મુખ્ય પાસાઓ પર ચર્ચા કરી. તેઓ યુએસ સેક્રેટરી ઓફ સ્ટેટ માર્કો રુબિયો સાથે દ્વિપક્ષીય બેઠક પણ કરે તેવી અપેક્ષા છે.જ્યારે પૂછવામાં આવ્યું કે શું રશિયન તેલની ખરીદી બંને દેશો વચ્ચેના સંબંધોમાં કડવાશનું કારણ છે, ત્યારે ગોયલે કહ્યું, “મને નથી લાગતું કે તે કોઈ અવરોધ છે. કેટલીક ગેરસમજો હોઈ શકે છે, જે મોટાભાગે ઉકેલાઈ ગઈ છે.”
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
