Kash Patel FBI Director: આણંદ જીલ્લાના બોરસદમાં આવેલા મૂળ ભાદરણ ગામના કાશ પટેલે અમેરિકામાં મોટી જવાબદારી સંભાળતા ગામમાં રહેતા પટેલ પરિવારોમાં ખુશીનો માહોલ છે. કાશ પટેલ સમગ્ર ભારત, ગુજરાત સહિત ચરોતર પંથકનું નામ રોશન કર્યું છે. મૂળ ભારતીય કાશ પટેલ સત્તાવાર રીતે ફેડરલ બ્યુરો ઓફ ઇન્વેસ્ટિગેશન (FBI) ના નવમા ડિરેક્ટર બન્યા છે.  ફેડરલ બ્યૂરો ઓફ ઇન્વેસ્ટિગેશન(FBI) અમેરિકાની તપાસ એજન્સી છે.

શુક્રવારે, વોશિંગ્ટન ડીસીમાં, તેમણે ભગવદ ગીતા પર હાથ રાખીને શપથ લીધા. તેમને યુએસ એટર્ની જનરલ પામ બોન્ડીએ શપથ લેવડાવ્યા હતા. વોશિંગ્ટન ડીસીમાં વ્હાઇટ હાઉસના ઇન્ડિયન ટ્રીટી રૂમમાં આયોજિત સમારોહમાં શપથ લીધા બાદ કા પટેલે અમેરિકાની પ્રશંસા કરી અને કહ્યું કે તેમનું સ્વપ્ન અન્ય કોઈ દેશમાં ક્યારેય સાકાર થઈ શક્યું ન હોત. ગુજરાતના આણંદ જિલ્લાના લોકો પણ કાશ પટેલની પ્રશંસા કરી છે.

કાશ પટેલે શું કહ્યું?

અમેરિકાની ટોચની ફેડરલ તપાસ એજન્સી, FBI ના વડા તરીકે કાર્યભાર સંભાળ્યા પછી કાશ પટેલે કહ્યું કે “હું અમેરિકન સ્વપ્ન જીવી રહ્યો છું,”. જે કોઈને લાગે છે કે અમેરિકન સ્વપ્ન મરી ગયું છે, તે મારી તરફ જુઓ. તમે પહેલી પેઢીના ભારતીય સાથે વાત કરી રહ્યા છો જે વિશ્વના સૌથી મહાન રાષ્ટ્રની કાયદા અમલીકરણ એજન્સીનું નેતૃત્વ કરવા જઈ રહ્યા છે. આવું બીજે ક્યાંય ન થઈ શકે. હું વચન આપું છું કે મારી FBI ની અંદર અને બહાર જવાબદારી રહેશે.

ટ્રમ્પે પટેલની પ્રશંસા કરી

અમેરિકાના રાષ્ટ્રપતિ ડોનાલ્ડ ટ્રમ્પે કાશપટેલની પ્રશંસા કરી અને કહ્યું કે તેઓ FBIના શ્રેષ્ઠ ડિરેક્ટર સાબિત થશે. ટ્રમ્પે કહ્યું, ‘કાશ પટેલને આ પદ પર નિયુક્ત કરવાનું એક કારણ એ છે કે FBI એજન્ટો તેમનો આદર કરે છે.’ તે આ પદ પર શ્રેષ્ઠ સાબિત થશે. તે એક ખડતલ અને ખૂબ જ મજબૂત વ્યક્તિ છે.

ગુરુવારે યુએસ સેનેટ દ્વારા FBI ડિરેક્ટર તરીકે કાશ પટેલની નિમણૂકને મંજૂરી આપવામાં આવી હતી. જોકે, તેમના નામાંકનનો ડેમોક્રેટ્સ તેમજ બે રિપબ્લિકન સેનેટર, લિસા મુર્કોવસ્કી અને સુસાન કોલિન્સ દ્વારા વિરોધ કરવામાં આવ્યો હતો. આમ છતાં, કાશ પટેલની નિમણૂકને 51 વિરુદ્ધ 49 મતોથી મંજૂરી આપવામાં આવી હતી.

કાશ પટેલના પરિવારના મૂળ ગુજરાતમાં

કાશ પટેલ ન્યૂયોર્કમાં રહે છે અને તેમને ડોનાલ્ડ ટ્રમ્પના નજીકના સહયોગીઓમાંના એક માનવામાં આવે છે. કાશ પટેલના માતા-પિતા ગુજરાતના છે. કાશ પટેલના મૂળ ગુજરાતના આણંદ જિલ્લાના ભાદરણ ગામમાં છે. ભાદરણ ગામના પટેલ સમુદાયએ કહ્યું કે પટેલ પરિવાર ભાદરણ ગામના મોતી ખડકી વિસ્તારમાં રહેતો હતો અને લગભગ 70 વર્ષ પહેલાં યુગાન્ડા ગયો હતો. તેમણે ભાદરણમાં પોતાનું પૈતૃક ઘર વેચી દીધું હતું. પટેલ પરિવારના બધા સભ્યો હવે વિદેશમાં છે.

એક સ્થાનિકે જણાવ્યું હતું કે 1970માં આફ્રિકન દેશ યુગાન્ડામાંથી હાંકી કાઢવામાં આવ્યા બાદ કાશ પટેલનો પરિવાર થોડા સમય માટે ભારત પાછો ફર્યો હતો. આ સમય દરમિયાન તેમણે બ્રિટન, અમેરિકા અને કેનેડામાં આશ્રય માટે અરજી કરી હતી. અરજી સ્વીકારાયા પછી કાશ પટેલનો પરિવાર પણ કેનેડા ગયો હતો. કેનેડાથી તે અમેરિકા ગયા હતા. જ્યાં કાશ પટેલનો જન્મ 1980માં થયો હતો.

આ પણ વાંચોઃ   chhatrapati shivaji: મરાઠા સામ્રાજ્ય કે હિન્દવી સામ્રાજ્ય?

આ પણ વાંચોઃ રાજ્યમાં વહીવટી વિભાગે GAS કેડરના 11 અધિકારીઓને આપી બઢતી

આ પણ વંચોઃ શિંદેની સરકાર બદલવાની ચિમકી; મને હળવાશ ન લો, મેં 2022માં ખેલ બદલી નાંખ્યો