• IND vs PAK: પાક હારશે તો થઈ જશે ટૂર્નામેન્ટમાંથી OUT? પાકિસ્તાની ફેન્સે કહ્યું- ભારત જ જીતશે

ચેમ્પિયન્સ ટ્રોફી 2025 ના ગ્રુપ સ્ટેજમાં આજે સુપર સન્ડે છે. ટુર્નામેન્ટની સૌથી મોટી મેચ આજે ભારત અને પાકિસ્તાન વચ્ચે દુબઈના આંતરરાષ્ટ્રીય ક્રિકેટ સ્ટેડિયમમાં રમાશે. ટુર્નામેન્ટમાં બંને ટીમોની આ બીજી મેચ છે. ભારતે પહેલી મેચમાં બાંગ્લાદેશને હરાવ્યું હતું. જ્યારે પાકિસ્તાન પહેલી મેચમાં ન્યુઝીલેન્ડ સામે હારી ગયું હતું. જો પાકિસ્તાન આજે હારી જશે તો તે નોકઆઉટ સ્ટેજમાંથી લગભગ બહાર થઈ જશે.

2017 માં છેલ્લી ચેમ્પિયન્સ ટ્રોફીમાં ભારત અને પાકિસ્તાનની ટીમો બે વાર ટકરાઈ હતી. ભારતે ગ્રુપ સ્ટેજમાં જીત મેળવી હતી, જ્યારે ફાઇનલમાં પાકિસ્તાને ભારતને 180 રનથી હરાવીને સ્કોરની બરાબરી કરી હતી.

ખેર, હવે આ મેચ દુબઈમાં રમાઈ રહી છે, પરંતુ પાકિસ્તાન-ભારતના લોકો આ મેચની આતુરતાથી રાહ જોઈ રહ્યા છે. ટીમ ઈન્ડિયાના પાકિસ્તાનમાં પણ ચાહકો છે. તે ઈચ્છે છે કે ટીમ ઈન્ડિયા આ મેચ જીતે.

ટીમ ઈન્ડિયા અને પાકિસ્તાન વચ્ચે અત્યાર સુધીમાં 135 વનડે મેચ રમાઈ છે. જેમાંથી પાકિસ્તાને 73 મેચ તો ટીમ ઈન્ડિયાએ 57 મેચ જીતી છે. 5 મેચમાં કોઈ પરિણામ આવ્યું નથી.

ચેમ્પિયન્સ ટ્રોફીમાં બંને ટીમો 5 વખત એકબીજા સામે ટકરાઈ હતી.  પાકિસ્તાનની ટીમ 3 વખત અને ભારત 2 વખત જીત્યું છે. આમાં પાછલી ફાઇનલનો પણ સમાવેશ થાય છે. જેમાં પાકિસ્તાનનો વિજય થયો હતો.

ગિલે છેલ્લી મેચમાં ફટકારી હતી સદી

ભારતના ઉપ-કપ્તાન શુભમન ગિલે છેલ્લી મેચમાં સદી ફટકારી હતી. તેણે 129 બોલમાં 101 રન બનાવ્યા. ગિલ આ વર્ષે વનડેમાં ટીમનો સૌથી વધુ સ્કોરર કરનારો બેટ્સમેન પણ છે.

તેણે 4 મેચમાં 360 રન બનાવ્યા. શ્રેયસ ઐયર બીજા નંબરે છે. તેણે 4 મેચમાં 196 રન બનાવ્યા છે. બોલિંગમાં ફાસ્ટ બોલર હર્ષિત રાણા ટોચ પર છે.

આ વર્ષે તેણે 4 મેચમાં 9 વિકેટ લીધી છે. તેણે છેલ્લી મેચમાં 3 વિકેટ લીધી હતી.

ટીમ માટે સલમાન આગાએ સૌથી વધુ રન બનાવ્યા

પાકિસ્તાનની ટીમ ખરાબ ફોર્મનો સામનો કરી રહી છે. ટુર્નામેન્ટની પહેલી મેચમાં તેને ન્યુઝીલેન્ડ સામે હારનો સામનો કરવો પડ્યો હતો.

બાબર આઝમ અને ખુશદિલ શાહે ટીમ માટે અડધી સદી ફટકારી હતી, પરંતુ ટીમને જીત અપાવવામાં મદદ કરી શક્યા ન હતા. બાબરે ખૂબ જ ધીમી ઇનિંગ રમી, જે તેની ટીમની હારનું મુખ્ય કારણ બની ગઈ હતી. અગાઉ પણ બાબર આઝમ ધીમી બેટિંગ પાકિસ્તાન ટીમ માટે મુશ્કેલી બની ચૂકી છે.

આ વર્ષે ટીમનો ટોપ સ્કોરર સલમાન અલી આગા છે. તેણે આ વર્ષે 4 મેચમાં 261 રન બનાવ્યા છે. સલમાને છેલ્લી મેચમાં 42 રનની ઇનિંગ રમી હતી.

આ સમયગાળા દરમિયાન ઝડપી બોલર શાહીન શાહ આફ્રિદી સૌથી વધુ વિકેટ લેનાર બોલર છે. શાહીને 4 મેચમાં 6 વિકેટ લીધી છે. તેને ન્યૂઝીલેન્ડ સામે એક પણ વિકેટ મળી ન હતી.

પાકિસ્તાનના ચાહકોએ કહ્યું- ટીમમાં ભારતને હરાવવાનો દમ 

ભારત-પાકિસ્તાન મેચ પહેલા પાકિસ્તાની ચાહકો ગુલરેઝ અને નાબિદે કહ્યું, ઇન્શાઅલ્લાહ અમે પાકિસ્તાની છીએ તેથી અમે પાકિસ્તાનને સમર્થન આપીએ છીએ અને પાકિસ્તાન જીતશે.

નાબિદે કહ્યું કે, 2017ની ફાઇનલમાં પાકિસ્તાને ભારતને હરાવીને ચેમ્પિયન્સ ટ્રોફીનો ખિતાબ જીત્યો હતો.

ઇન્શાઅલ્લાહ પાકિસ્તાન ટીમ એ જ પુનરાવર્તન કરશે અને ફાઇનલ પણ જીતશે. અમારી આખી ટીમમાં ભારતને હરાવવાનો દમ છે.

એક પાકિસ્તાની ફેન્સ અબ્દુલ્લા ફઝલ કહે છે, ઇન્શાઅલ્લાહ ભારત આ મેચ જીતશે. હું ભારતીય ટીમનો મોટો ચાહક છું. ભારતીય ટીમની બેટિંગ, બોલિંગ અને ફિલ્ડિંગ બધું જ ખૂબ સારું છે. હું વિરાટ કોહલીનો મોટો ફેન છું. ભારતે ચેમ્પિયન્સ ટ્રોફી માટે પાકિસ્તાન આવવું જોઈતું હતું, ટીમના ત્યાં ઘણા ચાહકો છે. જો ભારત અહીં આવ્યું હોત તો મેદાનની અંદર કરતાં મેદાનની બહાર વધુ ચાહકો હોત.

હું ખુદ વિરાટને જોવા અહીં આવ્યો હોત, હું ત્રણ દિવસ પહેલા જ અહીં આવી ગયો હોત.

પિચ અને ટોસ રિપોર્ટ પ્રમાણે જીતનો રેશિયો

દુબઈમાં બીજી ઇનિંગમાં બેટિંગ કરનારી ટીમનો જીતનો રેકોર્ડ વધુ સારો છે, તેથી ટોસ જીતનાર ટીમ પહેલા ફિલ્ડિંગ કરવાનો નિર્ણય લઈ શકે છે.

જોકે, બાંગ્લાદેશ અને ભારત વચ્ચેની પહેલી મેચમાં પિચ સ્પિન માટે અનુકૂળ જોવા મળી હતી. ભારત દુબઈમાં અજેય છે, તેણે 7 માંથી 6 મેચ જીતી છે જ્યારે એક મેચ ટાઇ રહી હતી. ટીમે અહીં બંને મેચમાં પાકિસ્તાનને હરાવ્યું છે.

અત્યાર સુધીમાં અહીં 59 વનડે રમાઈ ચૂકી છે. પ્રથમ બેટિંગ કરનારી ટીમે 22 મેચ જીતી અને બીજી ઇનિંગમાં બેટિંગ કરનારી ટીમે 35 મેચ જીતી.

એક-એક મેચ અનિર્ણિત રહી અને એક ટાઇ રહી. અહીંનો સૌથી વધુ સ્કોર 355/5 છે, જે ઈંગ્લેન્ડે 2015માં પાકિસ્તાન સામે બનાવ્યો હતો.

દુબઈ હવામાન અહેવાલ

ભારત-પાકિસ્તાન મેચના દિવસે દુબઈમાં મોટે ભાગે તડકો અને ખૂબ ગરમી રહેશે. તાપમાન 22 થી 32 ડિગ્રી સેલ્સિયસની આસપાસ રહેવાની ધારણા છે. પવન 15 કિલોમીટર પ્રતિ કલાકની ઝડપે ફૂંકાશે.

બંને ટીમોની સંભવિત પ્લેઇંગ-11

ભારત: રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (વિકેટકીપર), હાર્દિક પંડ્યા, અક્ષર પટેલ, રવિન્દ્ર જાડેજા, કુલદીપ યાદવ, મોહમ્મદ શમી અને હર્ષિત રાણા.

પાકિસ્તાન: મોહમ્મદ રિઝવાન (કેપ્ટન અને વિકેટકીપર), ઇમામ ઉલ હક, સઈદ શકીલ, બાબર આઝમ, સલમાન આગા, કામરાન ગુલામ/તૈયબ તાહિર, ખુશદિલ શાહ, નસીમ શાહ, શાહીન શાહ આફ્રિદી, હરિસ રૌફ અને અબરાર અહમદ.

આ પણ વાંચો- IND Vs PAK: 259 દિવસ પછી બે કટ્ટર હરિફ વચ્ચે ટક્કર; ચેમ્પિયન્સ ટ્રોફીમાં પાકનો તો વર્લ્ડ કપમાં ભારતનો દબદબો