- ગુજરાતમાં વેચાઈ રહી છે 500 અને 100 રૂપિયાની નકલી ચલણી નોટો? વીડિયો સોશિયલ મીડિયામાં વાયરલ
ગુજરાતમાં નકલી નોટો વેચાઈ રહી હોય તેવો એક વીડિયો સોશિયલ મીડિયા ઉપર વાયરલ થઈ રહ્યો છે. @Anahat નામના એક એક્સ એકાઉન્ટ ઉપરથી વીડિયો શેર કરવામાં આવ્યો છે. વીડિયો સાથે કેપ્શન લખવામાં આવ્યું છે કે, ગુજરાતમાં નકલી નોટ છાપવામાં આવી રહ્યા છે અને બીજેપી સરકારને કંઈ જ ખબર જ નથી.
તે ઉપરાંત કેપ્શનમાં એક પ્રશ્ન ઉઠાવતા લખ્યું છે કે, શું ગુજરાતમાં છાપવામાં આવતી નકલી નોટો આખા દેશમાં મોકલવામાં આવી રહી છે? બીજેપી સરકાર આવું કેવી રીતે થવા દઈ શકે છે? શું સરકારના લોકોની મીલીભગત છે? આ પ્રશ્નોના જવાબો શોધી રહી છે જનતા..
વીડિયોમાં દેખી શકાય છે કે, એક વ્યક્તિ 500 રૂપિયાની નકલી ચલણી નોટો બતાવી રહ્યો છે અને સાથે-સાથે ગુજરાતીમાં વાત કરી રહ્યો છે. તે ઉપરાંત વીડિયો કોલ થકી બધુ બતાવવાની અસ્પષ્ટ વાત કરતાં સંભળાઈ રહ્યો છે. વ્યક્તિ દ્વારા બતાવવામાં આવી રહેલી નકલી ચલણી નોટો એકદમ સાચી હોય તેવું દેખાઈ રહ્યું હતું. પ્રથમ નજરે નકલી હોવાનું પકડી શકાય તેવી દેખાઈ રહી નથી. આ દરમિયાન વીડિયોમા એક સંદેશ છાપાની કોપી પણ દેખી શકાય છે. જે 26 જાન્યુઆરીનું હોવાનું જાણવા મળ્યું છે.
સૌથી મહત્વપૂર્ણ બાબત તે છે કે, વીડિયોમાં બે બેરલ ભરીને 500 રૂપિયાની નોટ દેખાઈ રહી છે. કેટલા મોટા પ્રમાણમાં ચલણી નકલી નોટો છાપવામાં આવતી હશે તેનો અંદાજો મોટા બેરલ ભરેલી નોટો જોઈને લગાવી શકાય છે. આ વીડિયો ગુજરાતના ક્યા વિસ્તારનો છે તેની માહિતી નથી. પરંતુ તે વાત ચોક્કસ છે કે, આ વીડિયો ગુજરાતનો છે. કેમ કે તેમાં ગુજરાતીમાં વાત આવી રહી છે, તે સાથે ગુજરાતનો એક પ્રમુખ છાપું પણ તેમાં દેખી શકાય છે.
100 રૂપિયાની નોટ બતાવવાના ચક્કરમાં વ્યક્તિએ સંદેશ છાપું પણ બતાવી નાંખ્યું હતું. અસલમાં જે નકલી 100 રૂપિયાની ચલણી નોટ હતી, તે સંદેશ છાપા ઉપર મૂકવામાં આવી હતી. જે નોટને બતાવવા જતાં સંદેશ છાપાની કોપી પણ દેખાઈ હતી. ઘરમાં બે બેરલો 500 રૂપિયાની નોટોનો બંડલોથી ભરેલા હતા. સામાન્ય રીતે ગુજરાતમાં આવા બેરલોમાં ઘઉ ભરવામાં આવે છે.
गुजरात में नक़ली नोट छापे जा रहे हैं और बीजेपी सरकार को कुछ पता ही नहीं है।
क्या गुजरात में छापे गए नक़ली नोट पूरे देश में भेजे जाते हैं? आख़िर बीजेपी सरकार ऐसा कैसे होने दे सकती है? क्या सरकार के लोगों की मिलीभगत है?
इन सब सवालों का जवाब ढूँढ रही है जनता। pic.twitter.com/qUAceFHIWG
— Anahat🇮🇳 (@AnahatSagar) February 28, 2025
ઉલ્લેખનિય છે કે, પાછલા કેટલાક સમયથી સોશિયલ મીડિયામાં પોલીસ કે તંત્રના ડર વગર એવી જાહેરાતો પણ જોવા મળી હતી કે, 50 હજારના બદલામાં આટલા લાખ રૂપિયા લઈ જાઓ.. પરંતુ તેમાં પૈસા લઈને કંઈ જ આપવામાં આવતું નહતું અને લોકો સાથે છેતરપિંડી કરવામાં આવતી હોવાના સમાચારો પણ મીડિયામાં ચમકતા જોવા મળ્યા હતા.
પરંતુ અહીં તે વાતને લઈને પ્રશ્ન ઉભો થઈ રહ્યો છે કે, શું આ લોકો અસલી પૈસા લઈને મોટા પ્રમાણમાં નકલી નોટોનું વેચાણ કરી રહ્યા છે? જો વેચાણ કરી રહ્યા છે તો આપણી પોલીસ અને સરકાર શું કરી રહી છે? આ નકલી નોટોને લઈને ભારતીય અર્થવ્યવસ્થાનું શું થશે?
બીજેપી સરકારે નોટબંધી કરવા પાછળ નકલી કરન્સીને પણ કારણભૂત ગણાવી હતી. પરંતુ હવે તો ગુજરાતમાં જ મોટા પાયે નકલી ચલણી નોટો છાપીને તેનું વેચાણ કરવામાં આવી રહ્યું હોવાનો વીડિયો ખુબ જ ગંભીર છે. તેથી સરકારે આ બાબતે ધ્યાન આપીને તેની માહિતી મેળવવી જરૂરી છે.
આ વીડિયો હાલમાં સોશિયલ મીડિયા ઉપર વાયરલ થઈ રહ્યો છે. તેથી સરકારે તે અંગે વધુ માહિતી લઈને નકલી કરન્સી છાપતા ગુજરાતના માફિયાઓ સુધી પહોંચીને પોતાની શાખને બચાવવાની સાથે-સાથે દેશની ઈકોનોમીને બચાવવી જોઈએ. આમ પણ વર્તમાન સમયમાં દેશની ઈકોનોમી ખરાબ સ્થિતિમાં ચાલી રહી છે. એક તરફ વર્તમાન સમયમાં શેરમાર્કેટમા ઐતિહાસિક ઘટાડો જોવા મળી રહ્યો છે.
આ બધા વચ્ચે નકલી કરન્સી નોટો રાજ્ય અને દેશને કંગાળ બનાવીને છોડી દેશે. એમ પણ રૂપિયાની અવમૂલ્ય થઈ રહ્યું છે, તેમાં નકલી ચલણી નોટો આગમાં તેલ નાંખવા જેવી સ્થિતિનું નિર્માણ કરી શકે છે. રાજ્યની ભૂપેન્દ્ર સરકારે નકલી ચલણી નોટોને લઈને ગુજરાત ઉપર લાગી રહેલા આરોપોની તપાસ કરાવવી રહી અને તેનો યોગ્ય જવાબ આપવો રહ્યો. આ એક વાયરલ વીડિયો હોવાના કારણે તેની પુષ્ટિ ધ ગુજરાત રિપોર્ટ કરતું નથી.
આ પણ વાંચો-RBIના ભૂતપૂર્વ ગવર્નર શક્તિકાંત દાસની PMOમાં નિમણૂક ઘણી રીતે અસામાન્ય કેમ છે?
