UP love mother-in-law and son-in-law: ઉત્તર પ્રદેશના અલીગઢ જિલ્લામાં એક મહિલા અને તેના થનારા જમાઈની લવ સ્ટોરીનો કિસ્સો ખૂબ ચર્ચામાં છે. અલગીઢમાં સાસુ પોતાના થનારા જમાઈના પ્રેમમા પડી જતાં બંને ભાગી ગયા હતા. પુત્રીના લગ્નની કંકોત્રી પણ છપાઈ ગઈ હતી. આજે 16 એપ્રિલે લગ્ન થવાના હતા. જો કે પુત્રીના લગ્ન થયા તે પહેલા સાસુ-જમાઈ 6 એપ્રિલે ભાગી ગયા હતા. ત્યારે હવે તેઓ અચાનક જ દાદોન પોલીસ સ્ટેશનમાં હાજર થયા છે.
હકીકતમાં જમાઈ તેની થનાર સાસુ સાથે મદ્રક પોલીસ સ્ટેશન વિસ્તારના એક ગામમાંથી ભાગી ગયો હતો. 6 એપ્રિલથી ફરાર રહેલા જમાઈ અને સાસુ આજે 16 એપ્રિલે બપોરે 2 વાગ્યે દાદોન પોલીસ સ્ટેશન હાજર થયા છે. હવે દાદોન પોલીસ મદ્રક પોલીસ સ્ટેશનનો સંપર્ક કરશે અને બંનેને તેમના હવાલે કરશે.
પતિ દારુને સપનાને મારતો?
અહેવાલો અનુસાર, 6 એપ્રિલના રોજ મદ્રક પોલીસ સ્ટેશન વિસ્તારના માચરિયા નાગલા ગામનો રહેવાસી રાહુલ અને તેની થનાર સાસુ, સપના સાથે ભાગી ગયો હતો. આજે
પૂછપરછ દરમિયાન સપના નામની મહિલા(સાસુ)એ જણાવ્યું કે તેનો પતિ દારૂ પીધા પછી દરરોજ તેને માર મારતો હતો. સાસુએ કહ્યું તે હવે થનારા જમાઈ રાહુલ સાથે પોતાનું જીવન વિતાવવા માંગે છે. મહિલાએ જણાવ્યું કે રાહુલ સાથે તેની પુત્રીના લગ્ન નક્કી થયા પછી, જ્યારે પણ રાહુલનો ફોન આવતો, ત્યારે તે રાહુલ સાથે વાત કરતી, આના પર પુત્રી વિવિધ આરોપો પણ લગાવતી, ત્યારબાદ પતિ તેની સાથે દુર્વ્યવહાર પણ કરતો અને રાહુલ સાથે ભાગી જવાની ધમકી પણ આપતો હતો.
સપનાએ એમ પણ કહ્યું કે તે મદ્રક પોલીસ સ્ટેશન નહીં જાય. દાદોન પોલીસ સ્ટેશનની મદદની જરૂર છે. પ્રેમી રાહુલે કહ્યું કે સપના એપ્રિલમાં અલીગઢથી કાસગંજ આવી હતી. જે પછી અમે બસમાં બેસીને બરેલી પહોંચ્યા અને પછી બિહાર રાજ્યના મુઝફ્ફરપુર જિલ્લામાં પહોંચ્યા. બે દિવસ પહેલા, જ્યારે મેં મારો મોબાઈલ ખોલ્યો, ત્યારે મેં જોયું કે સોશિયલ મીડિયા પર અમારી ચર્ચા થઈ રહી હતી. આ વાતને ધ્યાનમાં રાખીને, અમે બસમાં બેસીને મુઝફ્ફરપુરથી દિલ્હી પહોંચ્યા. અહીંથી અમે બસ દ્વારા આવ્યા અને રાયા કટ પર ઉતર્યા અને ત્યાંથી અમે કાર ભાડે કરી અને પોલીસ સ્ટેશન પહોંચ્યા છીએ.
સાસુ અને થનારા જમાઈ બિહાર થઈને નેપાળ પહોંચ્યા હતા અને પોલીસ ઉત્તરાખંડમાં તેમની શોધ કરતી રહી હતી. રાહુલના લગ્ન સપનાની પુત્રી સાથે 16 એપ્રિલે એટલે કે આજે થવાના હતા. પરંતુ લગ્ન પહેલા, મહિલા તેના જમાઈ સાથે ઘરમાંથી ભાગી ગઈ હતી. મહિલા ઘરમાંથી નાણા અને દાગીના પણ લઈ ગઈ હતી. હાલ તો થનાર જમાઈ અને સાસુ એક સાથે રહેવા માગ કરી રહ્યા છે. જ્યારે પતિ પોતાની પત્ની રાખવા માગે છે.
આ પણ વાંચો:
Surat reconstruction: કાપોદ્રામાં કિશોરની હત્યા કરનાર નશાખોર પ્રભુનું રિકન્સ્ટ્રક્શન
Junagadh: અકસ્માતમાં ત્રણ યુવકના મોત, એક સાથે 3 જનાજા નીકળ્યા
Rajkot: દશા માતાના નામે ધતિંગ કરતી વધુ એક ભૂવી ઝડપાઈ, વિજ્ઞાન જાથા દ્વારા પર્દાફાશ, ભક્તોમાં રોષ
Surat AAP protest: સુરતને અસામાજિક તત્વોનો અડ્ડો બનતાં રોકવા AAPની માંગ, કમિશ્નરને આવેદન
