• અમરેલીના એક મૌલાનાનું પાકિસ્તાન કનેક્શન!
• મદ્રેસાની તપાસ હાથ ધરાઈ

Amreli: અમરેલી જિલ્લાના ધારીના હિમખીમડીપરા વિસ્તારમાં આવેલ મદ્રાસાના મૌલાનાનું પાકિસ્તાન અને અફઘાનિસ્તાન સાથેનું જોડાણ સામે આવ્યું છે.

મૌલાના મોહંમદફઝલ અબ્દુલઅઝીઝ શેખ મૂળ અમદાવાદના જુહાપુરાનો રહેવાસી હોવાનું ખૂલ્યું છે, અને તેના મોબાઈલના વોટ્સએપમાંથી પાકિસ્તાન અને અફઘાનિસ્તાનના 7 જેટલા ગૃપ મળી આવ્યા છે. સ્પેશ્યલ ઓપરેશન બ્રાન્ચ (SOG) ની ટીમ દ્વારા મોબાઈલ કબ્જે લઈ તપાસ શરૂ કરી છે.

જમ્મુ કાશ્મીરમાં પહેલગામમાં થયેલા આતંકી હુમલા બાદ ગુજરાત પોલીસ એલર્ટ મોડ પર છે. અમદાવાદ, જૂનાગઢ સહિત ગુજરાતના અનેક વિસ્તારોમાં ગેરકાયદેસર રહેતાં લોકો સામે કાર્યવાહી હાથ ધરાઈ છે. જે અંતર્ગત અમરેલી પોલીસે ગેરકાયદે વસવાટ કરતા લોકોની તપાસમાં ધારીના હિમખીમડીપરાના મદ્રેસામાં ભણાવતા મૌલાના મોહંમદફઝલ અબ્દુલઅઝીઝ શેખ પર SOGને શંકા ગઇ હતી, જેથી તેના આધાર પુરાવા માગ્યા હતા, જોકે મૌલાનાએ કોઇ આધાર પુરાવા રજૂ ન કરતાં SOGએ ધારી પોલીસ મથકે લાવીને તેની પૂછપરછ કરતાં તે મૂળ અમદાવાદના જુહાપુરાનો રહેવાસી હોવાનો ઘટસ્ફોટ થયો છે.

હાલ ધારી પોલીસ મથકે લાવી આ મૌલાનાની પૂછપરછ આદરી પોલીસે વધુ કાર્યવાહી હાથ ધરી છે.

મદ્રેસા કાયદેસર કે ગેરકાયદે તે માટે તપાસ

ધારી પ્રાંત અધિકારી હર્ષવર્ધનસિંહ જાડેજા રેવન્યુ સ્ટાફ સાથે મદ્રેસાએ પહોંચી બાંધકામ અંગે તપાસ શરૂ છે. હિમખીમડીનું મદ્રેસા કાયદેસર જગ્યામાં છે કે નહીં તે દિશામાં તંત્ર દ્વારા તપાસ કરાઈ રહી છે.

બીજી તરફ સરકાર વિદેશી નાગરિક સતત કોરડો વિઝી રહીં છે. ગેરકાયદે રહેતાં વિદેશીઓને શોધી રહી છે. કાયરકાદે રહેતાં હોય તો તેમની વસાહત  તોડી તમના દિશમાં પાછા મોકલવામાં આવી રહ્યા છે.

આ પણ વાંચો

Ahmedabad: ચંડોળામાં ગેરકાયદે વસાહત ઉભી કરનાર લલ્લા બિહારી રાજસ્થાનથી ઝડપાયો

Gujarat: ખેતમજૂરો ખેતમાલિકો થયા, 75 વર્ષે ફરી જમીન વિહોણા

Vadodara: CM ભૂપેન્દ્ર પટેલે કાર્યક્રમમાંથી બે મહિલાઓને બળજબરીથી બહાર કાઢી, શું છે મામલો?

Surat: બાળક સાથે ભાગેલી 23 વર્ષિય શિક્ષિકા ગર્ભવતી, મેડિકલ રિપોર્ટમાં ઘટસ્ફોટ

Ajmer Hotel Fire: અજમેર હોટલમાં લાગેલી આગમાં 3 ગુજરાતી સહિત 4 ના મોત, બચાવકર્મીઓની હાલત બત્તર

ગોંડલમાં વટ અને વેર પરિબળ કામ કરી રહ્યું છે?, શું છે ઈતિહાસ? | Gondal