Helicopter Crash: ઉત્તરકાશીમાં હેલિકોપ્ટર ક્રેશ, 4ના મોત, ખરાબ હવામાન છતાં ઉડાન કેમ ભરી?

Uttarkashi Helicopter Crash Today: ઉત્તરાખંડના ઉત્તરકાશીમાં હેલિકોપ્ટર ક્રેશ થઈ જતાં લોકો હચમચી ગયા છે. આ હેલિકોપ્ટર ઉત્તરકાશીમાં ગંગનાઈ આગળ ક્રેશ થયું હતું. હેલિકોપ્ટરમાં 5 થી 6 મુસાફરો હતા. ચાર મુસાફરોના મોત થયાના અહેવાલ છે, જ્યારે બે ઘાયલ હોવાનું કહેવાય છે. ઉત્તરકાશીના ડીએમ ઘટનાસ્થળે જવા રવાના થઈ ગયા છે. જાણવા મળી રહ્યુ્ં છે કે હેલિકોપ્ટર ગંગોત્રી જીઈ રહ્યું હતુ.

ગઢવાલ ડિવિઝનલ કમિશનર વિનય શંકર પાંડેએ અકસ્માતની પુષ્ટિ કરી છે. તેમણે માહિતી આપી કે પોલીસ, સેનાના જવાનો, આપત્તિ વ્યવસ્થાપન ટીમ, એમ્બ્યુલન્સ, તહસીલદાર ભટવાડી અને બીડીઓ ભટવાડી પણ રાહત અને બચાવ માટે ઘટના સ્થળે રવાના થઈ ગયા છે. આ ઘટના સવારે 9 વાગ્યે બની હોવાનું કહેવાય છે. આ હેલિકોપ્ટર એક ખાનગી કંપનીનું હોવાનું કહેવાય છે.

ખાનગી કંપનીનું હેલિકોપ્ટર ક્રેશ

આ હેલિકોપ્ટર એક ખાનગી એરલાઇનનું હતું. દુર્ઘટના માટે ખરાબ હવામાનને જવાબદાર ઠેરવવામાં આવી રહ્યું છે. જોકે, હજુ સુધી ચોક્કસ કારણ જાણી શકાયું નથી. આ સાથે, એક પ્રશ્ન એ પણ છે કે જો હવામાન ખરાબ હતું તો હેલિકોપ્ટર કઈ પરિસ્થિતિમાં ઉડાન ભરી? ઘટના બાદ સમગ્ર વિસ્તારમાં ભયનો માહોલ છવાઈ ગયો છે. વહીવટી ટીમ દ્વારા રાહત અને બચાવ કાર્ય કરવામાં આવ્યું છે.

સીએમ પુષ્કર સિંહ ધામીએ દુઃખ વ્યક્ત કર્યું

મુખ્યમંત્રી પુષ્કર સિંહ ધામીએ હેલિકોપ્ટર દુર્ઘટનામાં જીવ ગુમાવનારા લોકો પ્રત્યે શોક વ્યક્ત કર્યો છે. તેમણે કહ્યું, “ઉત્તરકાશીના ગંગણી નજીક હેલિકોપ્ટર દુર્ઘટનામાં કેટલાક લોકોના મોત થયાના ખૂબ જ દુઃખદ સમાચાર મળ્યા છે. SDRF અને જિલ્લા વહીવટીતંત્રની ટીમો તાત્કાલિક રાહત અને બચાવ કાર્ય માટે ઘટનાસ્થળે પહોંચી ગઈ છે.”

તેમણે કહ્યું, “ભગવાન અકસ્માતમાં મૃત્યુ પામેલા લોકોના આત્માને શાંતિ આપે અને શોકગ્રસ્ત પરિવારોને આ અપાર નુકસાન સહન કરવાની શક્તિ આપે. મેં વહીવટીતંત્રને ઘાયલોને શક્ય તેટલી મદદ પૂરી પાડવા અને અકસ્માતની તપાસ કરવા સૂચના આપી છે. હું આ સંદર્ભમાં અધિકારીઓ સાથે સતત સંપર્કમાં છું અને દરેક પરિસ્થિતિ પર નજર રાખવામાં આવી રહી છે.”