દક્ષિણ કોરિયાના મુઆન ઈન્ટરનેશનલ એરપોર્ટ પર રવિવારે લેન્ડિંગ વખતે એક પ્લેન દુર્ઘટનાગ્રસ્ત થયું હતું. આ પ્લેનમાં 181 લોકો સવાર હતા, જેમાં 175 મુસાફરો અને 6 ક્રૂ મેમ્બર હતા.
દક્ષિણ કોરિયાના ફાયર વિભાગના જણાવ્યા અનુસાર આ દુર્ઘટનામાં ઓછામાં ઓછા 85 લોકોના મોત થયા છે. જેજુ એરનું આ વિમાન બેંગકોકથી દક્ષિણ કોરિયા પરત ફરી રહ્યું હતું. કહેવામાં આવી રહ્યું છે કે પ્લેન લેન્ડિંગ કરતી વખતે આ દુર્ઘટના થઈ હતી.
આ રીતે સર્જાઈ દુર્ઘટના
લેન્ડિંગ બાદ પ્લેન રનવે પર લપસી ગયું અને એરપોર્ટની દીવાલ સાથે અથડાયું અને ક્રેશ થયું. એજન્સી અનુસાર પ્લેનમાં 6 ક્રૂ મેમ્બર અને 175 પેસેન્જર સવાર હતા. સાઉથ-વેસ્ટ કોસ્ટલ એરપોર્ટ પર ભારતીય સમય મુજબ સવારે 5:37 વાગ્યે (સ્થાનિક સમય મુજબ 9:07 વાગ્યે) પ્લેન ક્રેશ થયું હતું, જે દક્ષિણ કોરિયાના સાઉથ જેઓલામાં છે. અહેવાલો અનુસાર, એરપોર્ટ પર તમામ સ્થાનિક અને આંતરરાષ્ટ્રીય ફ્લાઇટ્સ રદ કરવામાં આવી છે.
