Pakistan drone attack in Punjab  woman death: ભારત-પાકિસ્તાન સંઘર્ષ દરમિયાન, 9 મેની રાત્રે ફિરોઝપુરના ખાઈ ફેમ ગામમાં ડ્રોન હુમલામાં એક પરિવારના  ત્રણ સભ્યો ઘાયલ થયા હતા. આમાંથી એક મહિલાનું મૃત્યુ થયું છે. મહિલાની ઓળખ સુખવિંદર કૌર તરીકે થઈ હતી, જે 50 વર્ષની હતી. આ ઘટનામાં મૃકક સુખવિંદર કૌરના પતિ લખવિંદર સિંહ (55), અને પુત્ર પણ ખરાબ રીતે દાઝી ગયા હતા. બંનેની સારવાર ચાલુ છે.

ડોક્ટરોના જણાવ્યા મુજબ સુખવિંદર કૌર  100 ટકા બળી ગઈ હતી અને તેમના પતિ લખવિંદર સિંહને 72 ટકા બળી ગયા છે. જેના કારણે બંનેને બીજા દિવસે ફિરોઝપુર હોસ્પિટલમાંથી લુધિયાણાની ડીએમસી હોસ્પિટલમાં રિફર કરવામાં આવ્યા હતા. તેમના નાના પુત્ર જસવંત સિંહ (24) હજુ પણ ફિરોઝપુરની એક હોસ્પિટલમાં સારવાર હેઠળ છે.

હુમલા દરમિયાન એક તીક્ષ્ણ લોખંડની વસ્તુ જસવંત સિંહના પગમાં વાગી હતી, જેના કારણે તેમને ગંભીર ઈજાઓ થઈ હતી, જોકે હવે જસવંત સિંહની હાલત સારી છે.

મળતી માહિતી મુજબ સુખવિંદર કૌરનું મોડી રાત્રે ડીએમસી હોસ્પિટલમાં અવસાન થયું. આજે તેમનો મૃતદેહ ખાઈ ફેમ ગામમાં લાવવામાં આવશે. પરિવારના સભ્યો ઘરે ભેગા થવા લાગ્યા છે. મહિલાના મૃત્યુ પછી આખું ગામ આઘાતમાં છે.

ડ્રોન હુમલામાં એક જ પરિવારના ત્રણ સભ્યો ઘાયલ થયા હતા

પંજાબમાં નાગરિકો ઘાયલ થયાની આ પહેલી ઘટના હતી. આ હુમલાઓમાં ઉત્તર ભારતમાં 26 સ્થળોને નિશાન બનાવવામાં આવ્યા હતા. ફિરોઝપુર અને ફાઝિલ્કા જિલ્લામાં પણ અનેક પ્રયાસો નિષ્ફળ બનાવવામાં આવ્યા હતા. સુરક્ષા એજન્સીઓ ઘટનાની તપાસ કરી રહી છે. વરિષ્ઠ અધિકારીઓએ જણાવ્યું હતું કે મોટાભાગના ડ્રોનને કોઈ નુકસાન થાય તે પહેલાં જ ગોળી મારી દેવામાં આવ્યા હતા. ફિરોઝપુરના ડેપ્યુટી કમિશનર દીપશિખા શર્માએ જણાવ્યું કે સુખવિંદર 100 ટકા દાઝી ગયા હતા. પાકિસ્તાની ડ્રોનનો કાટમાળ તેમની કાર પર પડ્યો હતો. સુખવિંદર કૌરનો મૃતદેહ આજે મંગળવારે તેના ગામમાં લાવવામાં આવશે. આ ઘટનાને કારણે સમગ્ર વિસ્તારમાં શોકનું મોજું ફરી વળ્યું છે. પાકિસ્તાનના આ હુમલાથી રોષ છે.

પહેલગામ હુમલાનો બદલો ન લેવાઈ તો સન્માન નહીં, શું પાટીલ હવે સન્માન સ્વીકારશે? | Pahalgam terrorist attack