Edi Rama and Giorgia Meloni: જ્યોર્જિયા મેલોનીના સન્માન માટે ઘૂંટણિયે બેઠાં આલ્બેનિયાના PM,કર્યું હૃદયસ્પર્શી સ્વાગત

Edi Rama and Giorgia Meloni: આલ્બેનિયાની રાજધાની તિરાનામાં યોજાયેલા યુરોપિયન પોલિટિકલ કોમ્યુનિટી (EPC) સમિટ દરમિયાન એડી રામાના નમસ્તે અને ઘૂંટણિયે સ્વાગતનો વાયરલ વીડિયો હાલ સોશિયલ મીડિયામાં ખુબ વાયરલ થઈ રહ્યો છે. જેમાં જોઈ શકાયછે કે, આલ્બેનિયાના વડાપ્રધાન એડી રામા ઇટાલીના વડાપ્રધાન જ્યોર્જિયા મેલોનીનું સ્વાગત કરવા માટે ઘૂંટણિયે પડ્યા અને હાથ જોડીને સ્વાગત કર્યું. ત્યારે આ વીડિયો સોશિયલ મીડિયા પર વાયરલ થયો છે, ઘણા લોકો તેને એક ખાસ સાંસ્કૃતિક સન્માન માની રહ્યા છે જ્યારે કેટલાક લોકો તેને અતિશયોક્તિ માની રહ્યા છે. જોકે, આ દ્રશ્ય બંને દેશો વચ્ચેના ગાઢ સંબંધો અને પરસ્પર આદરનું પ્રતીક હતું, જે શિખર સંમેલનની ઔપચારિકતાઓ ઉપરાંત હૃદયને જોડતી ક્ષણ બની ગયું છે.

તિરાનામાં આયોજિત આ EPC પરિષદમાં 47 યુરોપિયન દેશોના નેતાઓએ હાજરી આપી હતી, જ્યાં યુક્રેન યુદ્ધ, ઉર્જા સંકટ, આબોહવા અને સ્થળાંતર જેવા મહત્વપૂર્ણ મુદ્દાઓ પર પણ ચર્ચા કરવામાં આવી હતી. આ EPC પરિષદની સૌથી મોટી ખાસિયત એ છે કે તે યુનિયનની બહારના દેશોને પણ એકસાથે લાવીને પ્રાદેશિક સહયોગને મજબૂત બનાવવાનું કામ કરી રહ્યું છે. આ વખતે કોન્ફરન્સમાં યુક્રેન અને બાલ્કન દેશોની યુરોપિયન એકતાને સમર્થન આપવા પર ખાસ ભાર મૂકવામાં આવ્યો હતો.

ઇપીસી સમિટ દરમિયાન ઇટાલીના વડા પ્રધાન મેલોની રેડ કાર્પેટ પર પહોંચ્યા, ત્યારે આલ્બેનિયાના વડાપ્રધાને તેમને જોયા અને ઘૂંટણિયે પડીને તેમનું સ્વાગત કર્યું. દરમિયાન, મેલોનીએ હસીને પ્રતિક્રિયા આપી હતી આ દ્રશ્ય મિત્રતા અને સાંસ્કૃતિક આદરની ભાવના વ્યક્ત કરે છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે અને વિશ્વભરમાં ચર્ચાનો વિષય બની ગયો છે.

તાજેતરના વર્ષોમાં ઇટાલી અને આલ્બેનિયા વચ્ચેની ઊંડી મિત્રતામાં બંને દેશો વચ્ચેના સંબંધો પ્રતિબિંબિત થયા છે . ખાસ કરીને સ્થળાંતર નીતિ હેઠળ, બંને દેશોએ ઘણા કરાર કર્યા છે જેમાં શરણાર્થીઓ અંગેની સહિયારી જવાબદારીઓ નક્કી કરવામાં આવી છે. આ ભાવનાત્મક સ્વાગતએ મજબૂત સંબંધોનું જાહેર પ્રતિબિંબ હતું જે હવે કાગળ સુધી મર્યાદિત નથી.