Dahod Mgnrega Scam:મંત્રી બચુ ખાબડ વિરુદ્ધ ભ્રષ્ટાચારની ફરિયાદમાં કેવી રીતે થતું હતુ સમાધાન?

Dahod Mgnrega Scam:દાહોદના મનરેગા કૌભાંડમાં પંચાયત રાજ્યમંત્રી બચુ ખાબડના બંને પુત્રો બળવંત ખાબડ અને કિરણ ખાબડની ધરપકડ કરવામાં આવી છે. તેમના બંન્ને પુત્રો હાલ રિમાન્ડ પર છે. ત્યારે આ કૌભાંડ જેવું દેખાય છે તેટલું સ્પષ્ટ નથી 2016 થી ચાલી આવતા કૌભાંડનું અત્યારે ખુલવું અને તેમાં પણ આ મુદ્દે ભાજપાનું મૌન અનેક સવાલો ઉભા કરે છે. તેમજ બીજી તરફ આ કૌભાંડમાં કોંગ્રેસ સામે પણ સવાલો થઈ રહ્યા છે. તેવામાં આ કૌભાંડને લઈને નવા ખુલાસાઓ થયા છે. આ કૌભાંડને અત્યાર સુધી છુપાવી રાખવામાં ભાજપ, કોંગ્રેસ અને કેટલાક સરકારી અધિકારીઓની મિલીભગત હોવાનું સામે આવી છે.

મનરેગા કૌભાંડમાં નવો ખુલાસો

દાહોદના કર્મશીલ કેતન બાંભણીયાએ ભાજપા મંત્રી બચુ ખાબડ અને તેમના પુત્રોની સંડોવણી ધરાવતાં મનરેગા કૌભાંડ અંગે ચોંકાવનારી વિગતો જણાવી હતી. તેમજ ભાજપાના રાજમાં ભ્રષ્ટાચારને કેવી રીતે શિષ્ટાચાર બનાવી દેવાયો છે. મંત્રી સામે ભ્રષ્ટાચારની ફરિયાદ કરનારાઓને ન્યાય અપાવવાના બદલે કલેક્ટર દ્વારા સમાધાન કરાવી દેવાતું હતું તે અંગે જણાવ્યું હતું.

કોંગ્રેસે સમાધાન કરીને કૌભાંડને દબાવ્યું

વર્ષોથી ચાલ્યા આવતા મંત્રી બચુ ખાબડના પુત્રોના મનરેગા કૌભાંડમાં નવા ખુલાસાઓ થયા છે. જેમાં જાણવા મળ્યું છે કે, આ કૌભાંડ મામલે અનેક ફરિયાદો કલેકટરને કરવામા આવી હતી પરંતુ કલેકટરો આ ફરિયાદમાં તપાસ કરવાને બદલે તેઓ તેમાં સમાધાન કરાવીને આ કૌભાંડને દબાવવાના પ્રયોસો કર્યા હતા. આ ફરિયાદો કરનારાઓમાં સામાજિક કાર્યકરો તેમજ ઘણા બધા કોંગ્રેસના નેતાઓ પણ છે. જેમને આ મામલે મંત્રી બચુ ખાબડ સાથે સમાધાન કરી લીધું હતું. જો મનરેગાનું કૌભાંડ તે વખતે કોંગ્રેસે ના દબાવ્યું હોત તો આટલું મોટુ કૈભાંડ ન થયું હોત. વિરોધ પક્ષે પોતાનો રોલ ન નિભાવ્યો અને આ કૌભાંડને થવા દીધું.

મનરેગા કૌભાંડમાં નેહા કુમારીની ભુમિકા

હવે આ સમગ્ર કૌભાંડમાં કલેક્ટર નેહા કુમારીનું પણ નામ સામે આવ્યું છે. આ સમગ્ર કૌભાંડને દબાવવામાં કલેકટર નેહા કુમારીએ પણ મહત્વની ભુમિકા ભજવી છે. દાહોદમા નેહા કુમારી વખતે ભ્રષ્ટાચારોનો રાફડો ફાટ્યો હતો. તેમની પાસે જ્યારે કોઈ મંત્રી બચુ ખાબડના પુત્રોના કૌભાંડની ફરિયાદ જતી હતી ત્યારે તેઓએ તેનો ન્યાય કરવાને બદલે સમાધાન કરાવ્યું હોવાના આક્ષેપ પણ તેમની સામે લાગ્યા છે. ત્યારે ભાજપાના રાજમાં ભ્રષ્ટાચારને કેવી રીતે શિષ્ટાચાર બનાવી દેવાયો તે જુઓ વીડિયોમાં…