ભારતના વડાપ્રધાન નરેન્દ્ર મોદીએ કેનેડાના નવા ચૂંટાયેલા વડા પ્રધાન માર્ક જે. કાર્ને સાથે ફોન પર વાત કરી અને તાજેતરની ચૂંટણીમાં મળેલી જીત બદલ અભિનંદન આપ્યા. વડાપ્રધાન મોદીએ આ મહિનાના અંતમાં કેનેડાના કનાનાસ્કિસમાં યોજાનારી G7 સમિટમાં આમંત્રણ આપવા બદલ આભાર પણ માન્યો.
PM મોદીએ આ વાતચીત પર ખુશી વ્યક્ત કરી છે. ટ્વિટર પર આ અંગે માહિતી આપતાં મોદીએ લખ્યું, ‘કેનેડાના પ્રધાનમંત્રી માર્ક જે કાર્ની સાથે ફોન પર વાત કરીને આનંદ થયો. તાજેતરની ચૂંટણીમાં તેમની જીત બદલ તેમને અભિનંદન આપ્યા અને આ મહિનાના અંતમાં કનાનાસ્કિસમાં યોજાનારી G7 સમિટમાં મને આમંત્રણ આપવા બદલ તેમનો આભાર માન્યો.’
PM મોદીએ વધુમાં કહ્યું કે ભારત અને કેનેડા, જે જીવંત લોકશાહી અને લોકો વચ્ચેના ઊંડા સંબંધો દ્વારા જોડાયેલા છે, તેઓ પરસ્પર આદર અને સહિયારા હિતોના આધારે નવી ઉર્જા સાથે મળીને કામ કરશે. તેમણે G7 સમિટમાં વડાપ્રધાન કાર્નેને મળવાની આશા પણ વ્યક્ત કરી અને કહ્યું કે તેઓ સમિટમાં અમારી મુલાકાતની આતુરતાથી રાહ જોઈ રહ્યા છે.
આ ભારત-કેનેડા સંવાદ બંને દેશો વચ્ચેના મજબૂત દ્વિપક્ષીય સંબંધોને વધુ ગાઢ બનાવવા તરફ એક મહત્વપૂર્ણ પગલું છે. ભારત અને કેનેડા વચ્ચે લાંબા સમયથી સાંસ્કૃતિક અને આર્થિક સંબંધો છે અને આવા ઉચ્ચ સ્તરીય સંવાદથી બંને દેશો વચ્ચેના સહયોગને વધુ મજબૂત બનાવવાની અપેક્ષા છે. G7 સમિટમાં બંને નેતાઓની મુલાકાત વૈશ્વિક અને પ્રાદેશિક મુદ્દાઓ પર ચર્ચા કરવા માટે એક મહત્વપૂર્ણ પ્લેટફોર્મ પૂરું પાડશે.
G7 એ વિશ્વના સાત વિકસિત અર્થતંત્રો – કેનેડા, ફ્રાન્સ, જર્મની, ઇટાલી, જાપાન, બ્રિટન અને અમેરિકાનું સંગઠન છે. તેમાં યુરોપિયન યુનિયન (EU), IMF, વિશ્વ બેંક અને સંયુક્ત રાષ્ટ્રનો પણ સમાવેશ થાય છે.
જો કે વડાપ્રધાન મોદી આ સમિટમાં જશે કે નહીં તે સ્પષ્ટ કર્યું નથી.
ભારત-કેનેડા સંબંધોમાં તણાવ
સપ્ટેમ્બર 2023 માં ભારત-કેનેડા સંબંધો બગડ્યા હતા જ્યારે તત્કાલીન કેનેડાના વડાપ્રધાન જસ્ટિન ટ્રુડોએ ખાલિસ્તાની આતંકવાદી નિજ્જરની હત્યામાં ભારતીય એજન્ટોની સંડોવણીનો આરોપ લગાવ્યો હતો. ત્યારબાદ ભારતે આ આરોપોને પાયાવિહોણા અને પ્રેરિત ગણાવીને ફગાવી દીધા હતા.
કેનેડાએ આ સંદર્ભમાં તપાસની માંગ કરી હતી અને અત્યાર સુધી આ તપાસમાંથી કંઈ બહાર આવ્યું નથી, પરંતુ બંને દેશો વચ્ચેના સંબંધો ચોક્કસપણે બગડ્યા છે. હવે કેનેડામાં સરકાર બદલાઈ ગઈ છે. દેશના નવા વડા પ્રધાન માર્ક કાર્નેએ ભારત સાથેના સંબંધો સુધારવાની પ્રતિબદ્ધતા વ્યક્ત કરી છે. જોકે, અત્યાર સુધી ભારત-કેનેડા સંબંધોમાં કોઈ ખાસ સુધારો જોવા મળ્યો નથી.
આ પણ વાંચો:
Surat: ઓપરેશન સિંદૂરની થીમ પર બનેલુ સર્કલ રાતોરાત લાપતા, મંજૂરી ન લેતા ઉઠ્યા હતા સવાલો
ગુજરાતમાં મેગા સાયબર કૌભાંડનો પર્દાફાશ: કરોડોના ટ્રાન્ઝેક્શન સાથે 89 RBL બેંક ખાતા પકડાયા
Stampede Chinnaswamy Stadium: કર્ણાટક CMના સચિવનું પત્તુ કપાયું, અધિકારીઓ-પોલીસકર્મીઓ નિશાને
India Census: ભારતમાં વસ્તીગણતરીની તારીખ જાહેર, આ તારીખથી થશે ગણતરી ચાલુ!
Accident: મલયાલમ હિરોને નડ્યો અકસ્માત, પિતાનું ઘટનાસ્થળે જ મોત, અભિનેતા ગંભીર
Idar: શાહી પરિવારે રાજકુંવરીને સોંપી રાજગાદી, પિતાનો વારસો આગળ ધપાવશે!
Bhavnagar: પ્રેમલગ્નનો કરુણ અંજામ, પતિએ પત્નીને છરીના 14 ઘા માર્યા
Rajsthan: આરોગ્ય મંત્રીની પત્ની રાત્રે ઊંઘ્યા પછી જગ્યા નહીં, જાણો શું થયું?
રાહુલે પોતાના જ નેતાઓને લંગડા ઘોડા કહ્યા!, હકીકતમાં Congress ને નબળી કોણ પાડી રહ્યું છે?
Sabarkantha: પ્રાંતિજમાં ડ્રાઇવરને ચાલુ બસે હાર્ટ એટેક આવ્યો, બસ ડિવાઈડર પર ચઢી
Dwarka: TATA ના સોલ્ડ, સિમેન્ટ, સોડા ખેડૂતો માટે પ્રાણઘાતક, અહીં ઉજવો પર્યાવરણ દિવસ! | Part-1
TATA અને ખેડૂતોની લડાઈમાં દ્વારકાના RFO કેમ ખીજવાયા? શું મિલીભગત છે?
TATA કંપનીએ દ્વારકાના ગામોને બરબાદ કર્યા, ખેડૂતો પાયમાલ, સરકાર શું કરે છે?
