વીર નર્મદ દક્ષિણ ગુજરાત યુનિવર્સિટી કેમ્પસમાં આવેલી સ્વામી વિવેકાનંદ હોસ્ટેલમાં 6થી વધુ વિદ્યાર્થીઓ દારૂની મહેફિલ માણતા ઝડપાયા છે. 2025ના નવા વર્ષને આવકારવા માટે વિદ્યાર્થીઓએ યુનિવર્સિટીની હોસ્ટેલમાં 31મીની રાત્રે દારૂ પાર્ટી કરી હતી. જેમાં મનોજ તિવારી, ઈન્દ્રજીત, નિરજ રાઠી, અભિન્ન કોમદ અને અન્ય બે યુવકો સામેલ હતા. આ યુનિવર્સિટી કેમ્પસમાંથી બે અઠવાડિયા પહેલા જ દારૂની ખાલી બોટલો મળવાની ઘટના ઘટી હતી. ત્યારે દારુ પાર્ટીની બીજી ઘટના બહાર આવતાં ખળભળાટ મચી ગયો છે.
દારૂ પાર્ટી કરનાર વિદ્યાર્થીઓ વિરૂદ્ધ FIR
યુનિવર્સિટીના કેમ્પસમાં આવેલી સ્વામી વિવેકાનંદ હોસ્ટેલના 106 નંબરના રૂમમાં આ વિદ્યાર્થીઓ પાર્ટી કરી રહ્યાં હતા. તે દરમિયાન પોલીસે રેડ કરી વિદ્યાર્થીઓને ઝડપી પાડયા હતા. ત્યારબાદ રજિસ્ટાર આર. સી. ગઢવીને સાથે રાખીને હોસ્ટેલના તમામ રૂમોમાં ચેકિંગ હાથ ધરાયું હતું. જેમાં કેમ્પસમાં આવેલી સમરસ હોસ્ટેલમાંથી પણ એક વિદ્યાર્થી દારૂ પીધેલી હાલતમાં મળી આવ્યો હતો. જેને પગલે યુનિવર્સિટીના કુલપતિ ડો. કિશોરસિંહ ચાવડા અને રજિસ્ટ્રાર ડો. આર.સી. ગઢવી દ્વારા તમામ વિદ્યાર્થીઓ સામે પોલીસ કેસ કરવાનો નિર્ણય લીધો હતો. જેને પગલે મોડી રાત્રે વેસુ પોલીસ દ્વારા દારૂડિયા વિદ્યાર્થીઓ સામે ફરિયાદ દાખલ કરી છે.
તમામ વિદ્યાર્થીઓના પ્રવેશ રદ્દ
દારૂની પાર્ટી પર કુલપતિ અને રજિસ્ટ્રારે રેડ કરી ભારે સુરક્ષાની વાત કરનાર યુનિવર્સિટીના દાવાઓ આ ઘટનાથી પોકળ સાબિત થયા છે. કુલપતિએ પોતાનો બચાવ કરતાં હાલ તમામ વિદ્યાર્થીઓના પ્રવેશ રદ્દ કરી દીધા છે. આ ઉપરાંત જે વિદ્યાર્થીઓના હોસ્ટેલમાં એડમિશન હતા તેવા વિદ્યાર્થીઓની ડિપોઝિટ પણ જપ્ત કરવાનો નિર્ણય લીધો છે.
આ સમાચાર તમને વાંચવા ગમશેઃ CCTVમાં ઘટના કેદ: શોરુમમાં શખ્સોએ બિન્દાસ કરી લૂંટ, અહીં બની ઘટના?
આ પણ વિડિયો જુઓ
