AAP Gujarat: વિસાવદર બેઠક પર AAP ના ગોપાલ ઈટાલિયાની પેટાચૂંટણીમાં જીતતા આપ ખુશી મનાવી રહ્યું છે. ત્યારે આ જીતની ખુશી વચ્ચે આપ પાર્ટીને મોટો આંચકો લાગ્યો છે. બોટાદના ધારાસભ્ય ઉમેશ મકવાણા પાર્ટીથી નારાજ ચાલી રહ્યા છે. ત્યારે તેઓ આપ પાર્ટીમાંથી રાજીનામુ ચાલે તેવી અટકળો ચાલી રહી હતી. ત્યારે આજે તેઓએ પ્રેસ કોન્ફરન્સ યોજીને આ મામલે સ્પષ્ટતા કરી હતી.
ઉમેશ મકવાણાએ દંડકપદેથી આપ્યું રાજીનામું
મળતી માહિતી મુજબ બોટાદના આપના ધારાસભ્ય ઉમેશ મકવાણાએ ગાંધીનગર ખાતે પત્રકાર પરિષદ યોજી આમ આદમી પાર્ટીના દંડક પદેથી રાજીનામું આપ્યું હતું. જો કે તેઓએ દંડકપદેથી રાજીનામું આપ્યું હતું અને જણાવ્યું હતુ કે, ધારાસભ્ય પદેથી રાજીનામું આપવાનો નિર્ણય જનતાને પૂછીને લઇશ. ટૂંક સમયમાં પછાત સમાજના આગેવાનો સાથે બેઠક કરીશ. વધુમાં તેમણે પાર્ટી સામે બળાપો ઠાલવતા એમ કહ્યું હતુ કે, ગોપાલ ઈટાલિયા માટે આખી પાર્ટી મેદાનમાં ઉતરી અને કડીના ઉમેદવાર દલિત સમાજના હતા એટલા માટે તેમને એકલો મૂકી દીધો છે. આમ તેમણે પોતાની નારાજગી વ્યક્ત કરી છે ત્યારે હવે આપના ધારાસભ્યએ જ પાર્ટી સામે મોરચો ખોલ્યો છે અને અંદરનો કકળાટ છતો કર્યો છે.
પાર્ટીમાં અસંતોષના ભણકારા
સૂત્રોના જણાવ્યા અનુસાર, ઉમેશ મકવાણા લાંબા સમયથી પાર્ટીના કાર્યક્રમોમાં ભાગ લેતા નથી અને AAPના અન્ય ધારાસભ્યોના ફોન પણ ઉપાડતા નથી. આ ઉપરાંત, ગારીયાધારના ધારાસભ્ય સુધીર વાઘાણી પણ પાર્ટીથી નારાજ હોવાની ચર્ચા છે, જે AAPની અંદરની અશાંતિનો સંકેત આપે છે.
આ પણ વાંચો:
Israel-Iran war: ઈરાને લીધો HORMUZ PASS બંધ કરવાનો નિર્ણય, જાણો દેશ અને દુનિયામાં શું થશે અસર?
Vadodara માં પાણી નહીં ભરાય એવું ‘પિન્કી પ્રોમિસ’ મેયર ન આપી શક્યા..
Iran Israel War: ઈઝરાયલ ઈરાન સામે ઝૂક્યું!, નેતન્યાહૂએ યુદ્ધવિરામની જાહેરાત કરી
Israel iran War: ઈરાન અને ઈઝરાયલ વચ્ચે સીઝફાયરના ટ્રમ્પે ફૂક્યાં બણગા, જાણો દાવામાં કેટલી હકીકત
Israel iran War: ઈરાન અને ઇઝરાયલ વચ્ચે યુદ્ધના 12 દિવસ, જાણો કોને કેટલું નુકસાન થયું?
Gujarat Rain Update: છેલ્લા 24 કલાકમાં રાજ્યના 170 તાલુકાઓમાં મેઘ મહેર, આજે કયા વિસ્તારોમાં આગાહી
