Israel-Iran war: ઈરાને લીધો HORMUZ PASS બંધ કરવાનો નિર્ણય, જાણો દેશ અને દુનિયામાં શું થશે અસર?

Israel-Iran war:અમેરિકા પણ ઇરાન-ઇઝરાયલ યુદ્ધમાં કૂદી પડ્યું છે. ઇઝરાયલને ટેકો આપતા અમેરિકાએ ઇરાનના પરમાણુ સ્થળો પર હુમલો કરીને ઇરાનને નષ્ટ કરવાનો પ્રયાસ કર્યો હતો. ઇરાન પર અમેરિકન હુમલા બાદ, ઇરાની સંસદે હવે એક મોટો નિર્ણય લીધો છે. સુપ્રીમ લીડર આયાતુલ્લાહ અલીના નેતૃત્વ હેઠળની સરકારે હોર્મુઝ સ્ટ્રેટ બંધ કરવાની જાહેરાત કરી છે. ઇરાની સંસદે રવિવારે આ માટે એક ઠરાવ પસાર કર્યો હતો.

ઈરાને HORMUZ PASS બંધ કરવાનો નિર્ણય લીધો

હોર્મુઝની સામુદ્રધુની એક દરિયાઈ માર્ગ છે. વિશ્વના દૈનિક તેલ વપરાશના લગભગ 20% (લગભગ 18 મિલિયન બેરલ) તેમાંથી પસાર થાય છે. ઈરાને ઘણી વખત આ સામુદ્રધુની બંધ કરવાની ધમકી આપી છે. તેણે પહેલાથી જ કહ્યું હતું કે જો અમેરિકા હુમલો કરશે તો તે આ માર્ગ બંધ કરી દેશે. હવે જ્યારે અમેરિકાએ હુમલો કર્યો છે, ત્યારે ઈરાની સંસદમાં વિશ્વના સૌથી મહત્વપૂર્ણ તેલ માર્ગને બંધ કરવાનો પ્રસ્તાવ પસાર કરવામાં આવ્યો છે.

દેશ અને દુનિયામાં ક્રૂડ ઓઇલની અછત સર્જાશે

મધ્ય પૂર્વમાં વધતા તણાવ વચ્ચે ઈરાને હોર્મુઝ સ્ટ્રેટ (Strait of Hormuz) બંધ કરવાનો પ્રસ્તાવ પસાર કર્યો છે, જેનાથી વૈશ્વિક તેલ પુરવઠા અને અર્થવ્યવસ્થા પર ગંભીર અસર પડી શકે છે. આ નિર્ણય અમેરિકા દ્વારા ઈરાનના પરમાણુ સ્થળો—નતાંઝ, ઈસ્ફહાન અને ફોર્ડો—પર તાજેતરના હવાઈ હુમલાઓના જવાબમાં આવ્યો છે.

હોર્મુઝ સ્ટ્રેટનું મહત્ત્વ

હોર્મુઝ સ્ટ્રેટ વિશ્વનો સૌથી મહત્ત્વપૂર્ણ તેલ માર્ગ છે, જેના દ્વારા વૈશ્વિક તેલ પુરવઠાનો લગભગ 20% અને પ્રવાહી કુદરતી ગેસ (LNG) નો 20-30% હિસ્સો પસાર થાય છે. આ જળમાર્ગ ફારસની ખાડીને ઓમાનની ખાડી અને અરબ સાગર સાથે જોડે છે. સાઉદી અરેબિયા, ઈરાક, કુવૈત, સંયુક્ત આરબ અમીરાત (UAE) અને ઈરાન જેવા મુખ્ય તેલ ઉત્પાદક દેશો તેમના મોટાભાગના તેલ નિકાસ માટે આ જ માર્ગ પર નિર્ભર છે. 2024માં દરરોજ સરેરાશ 20.3 મિલિયન બેરલ તેલ અને 290 મિલિયન ક્યુબિક મીટર LNG આ માર્ગમાંથી પસાર થયું હતું.

હોર્મુઝ સ્ટ્રેટ બંધ કરતા દેશ અને દુનિયામાં કેવી પરિસ્થિતિ સર્જાશે ? આ બધા મુદ્દાઓ પર વરિષ્ઠ પત્રકાર હિમાંશુ ભાયાણીએ શું કહ્યું જુઓ વીડિયો…