FIR against Yash Dayal: રોયલ ચેલેન્જર્સ બેંગ્લોર (RCB) ટીમના ફાસ્ટ બોલર યશ દયાલ વિરુદ્ધ ગાઝિયાબાદના ઇન્દિરાપુરમ પોલીસ સ્ટેશન વિસ્તારમાં એક યુવતીની ફરિયાદ પર FIR દાખલ કરવામાં આવી છે. યુવતીએ ક્રિકેટર પર લગ્નનું વચન આપીને આર્થિક, માનસિક અને શારીરિક શોષણ કરવાનો આરોપ લગાવ્યો છે.
સ્ટાર ક્રિકેટર યશ દયાલ વિરુદ્ધ FIR
મળતી માહિતી મુજબ ઉત્તર પ્રદેશ પોલીસે ગાઝિયાબાદ સ્થિત એક મહિલા દ્વારા કરવામાં આવેલા છેતરપિંડી, શારીરિક શોષણ અને માનસિક ઉત્પીડનના ગંભીર આરોપો બાદ ક્રિકેટર યશ દલાલ વિરુદ્ધ કેસ નોંધ્યો છે. રવિવારે મોડી રાત્રે ઇન્દિરાપુરમ પોલીસ સ્ટેશન (ગાઝિયાબાદ) માં દાખલ કરાયેલી આ FIR, ઉત્તર પ્રદેશના મુખ્યમંત્રીના ફરિયાદ પોર્ટલ દ્વારા પણ સબમિટ કરાયેલી ફરિયાદ પર અઠવાડિયાના જાહેર ધ્યાન પછી આવી છે. ભારતીય ન્યાય સંહિતાની કલમ 69 હેઠળ નોંધાયેલી FIR મુજબ, મહિલાએ આરોપ લગાવ્યો છે કે દયાલ, જેની સાથે તેણીએ “પાંચ વર્ષના સંબંધમાં” હોવાનો દાવો કર્યો હતો, તેણે “લગ્નના ખોટા વચન હેઠળ ભાવનાત્મક, માનસિક અને શારીરિક રીતે” તેનું શોષણ કર્યું હતું.
મહિલાએ લગાવ્યા ગંભીર આરોપ
ફરિયાદીએ પોતાની FIRમાં દાવો કર્યો છે કે તે “છેલ્લા પાંચ વર્ષથી ક્રિકેટર યશ દયાલ સાથે સંબંધમાં હતી . તેણીએ જણાવ્યું હતું કે દયાલે “વારંવાર લગ્નના ખોટા વચનો આપ્યા અને તે બહાના હેઠળ શારીરિક સંબંધો સ્થાપિત કર્યા. તેણીએ વધુમાં કહ્યું કે દયાલે તેણીને તેના પરિવાર સાથે પરિચય કરાવ્યો, જેમણે તેણીને પુત્રવધૂ તરીકે આવકાર આપ્યો, જેનાથી તેણીનો વિશ્વાસ વધુ ગાઢ બન્યો.
ફરિયાદીએ દાવો કર્યો હતો કે જ્યારે તેણીએ દયાલ સામે તેના કથિત છેતરપિંડી અને અન્ય મહિલાઓ સાથેના સંબંધો વિશે વાત કરી, ત્યારે તેણી પર શારીરિક હિંસા અને છેડછાડ કરવામાં આવી. એકલતા અને હતાશા અનુભવીને, તેણીએ મહિલા હેલ્પલાઇન 181 પર ફોન કર્યો હોવાના અહેવાલ છે, પરંતુ આરોપ લગાવ્યો હતો કે પોલીસ સ્ટેશન સ્તરે તેની ફરિયાદ પર કોઈ કાર્યવાહી થઈ નથી, જેના કારણે તેણીએ આ મામલો મુખ્યમંત્રી કાર્યાલય સુધી પહોંચાડ્યો.
પોલીસે શરુ કરી તપાસ
તેની પાસે પુરાવા તરીકે ફોટોગ્રાફ્સ, કૉલ્સ વગેરે છે. તેને ઝડપી કાનૂની કાર્યવાહીની માંગ કરી છે મહિલાની ફરિયાદના જવાબમાં, પોલીસે તપાસ શરૂ કરી અને સબંધિત પુરાવા અને મહિલાની જુબાનીને ટાંકીને ઔપચારિક રીતે કેસ નોંધ્યો છે. જોકે, યશ દયાલની હજુ સુધી ધરપકડ કરવામાં આવી નથી. કાનૂની કાર્યવાહી ચાલી રહી છે.
