Nimisha Priya death sentence stay: કેરળની નર્સ નિમિષા પ્રિયા અંગે યમનથી મહત્વપૂર્ણ સમાચાર આવ્યા છે. પીટીઆઈના અહેવાલ મુજબ નિમિષાની ફાંસી હાલ પૂરતી મુલતવી રાખવામાં આવી છે. તેને 16 જુલાઈએ ફાંસીના માચડે ચઢાવવાનો નિર્ણય આપ્યો હતો. ભારત સરકાર આ કેસ અંગે ખૂબ પ્રયાસ કરી રહી હતી, આખરે સજા મુલતવી રાખવામાં આવી. યમનની એક કોર્ટે નિમિષા પ્રિયાને હત્યાના કેસમાં મૃત્યુદંડની સજા ફટકારી હતી. તે 2017 થી યમનની જેલમાં બંધ છે.
હત્યાનો આરોપ
નિમિષા પ્રિયા પર યમનના નાગરિક તલાલ અબ્દો મહદીની હત્યાનો આરોપ હતો. આ કેસમાં તેણીને પણ દોષી ઠેરવવામાં આવી હતી. એવો આરોપ મૂકવામાં આવ્યો હતો કે તેને મહદીને પોતાનો પાસપોર્ટ જમા કરાવવા માટે એનેસ્થેસિયાનું ઇન્જેક્શન આપ્યું હતું અને દવાના ઓવરડોઝને કારણે તેનું મૃત્યુ થયું હતું.
નિમિષા પ્રિયાને કયા કાયદા હેઠળ સજા કરાઈ?
યમનમાં શરિયા કાયદો છે. તેથી નિમિષાને પણ આ કાયદા હેઠળ મૃત્યુદંડની સજા આપવામાં આવી હતી. આ કાયદામાં માફીની જોગવાઈ પણ છે. બ્લડ મની નામની એક પ્રથા છે, જેના હેઠળ હત્યાના દોષિત વ્યક્તિને માફ કરી શકાય છે, પરંતુ આ માટે તેણે મૃતકના પરિવારને વળતર તરીકે મોટી રકમ ચૂકવવી પડે છે. નિમિષાને પણ આ કાયદા હેઠળ મુક્ત કરી શકાય છે, પરંતુ આ અંગે કોઈ સત્તાવાર માહિતી મળી નથી.
પતિ અને પુત્રી ભારત પાછા ફર્યા પછી નિમિષા યમનમાં ફસાઈ ગઈ
ખરેખર કેરળના પલક્કડની રહેવાસી નિમિષા લગભગ બે દાયકા પહેલા તેના પતિ અને પુત્રી સાથે યમન ગઈ હતી. તે અહીં કામ કરતી હતી. યમનમાં ગૃહયુદ્ધને કારણે 2016 માં દેશની બહાર જવા પર પ્રતિબંધ લાદવામાં આવ્યો હતો, પરંતુ તે પહેલાં તેના પતિ અને પુત્રી 2014 માં ભારત પાછા ફર્યા હતા. નિમિષા પરત ફરી શકી ન હતી. આ પછી, 2017 માં તેના પર હત્યાનો આરોપ મૂકવામાં આવ્યો હતો.
આ પણ વાંચોઃ
Bihar Election: મોદી 4 મહિનામાં બિહારની ચોથીવાર મુલાકાત લેશે, 35 લાખથી વધુ મતદારો હટાવશે!
રમેશ ભગોરાનું 150 કરોડનું કૌભાંડ, નિવૃત્તિ સમયે ઝડપી બીલો ચૂકવ્યા | Ramesh Bhagora
Bihar: મહાત્મા ગાંધીના પ્રપૌત્રનું અપમાન, તુષાર ગાંધીને કાર્યક્રમમાંથી બહાર કાઢ્યા
