UP: ઉત્તર પ્રદેશમાં કાનપુર ગ્રામ્ય વિસ્તારમાં ભારે વરસાદને કારણે પૂરની પરિસ્થિતિ સર્જાઈ છે. પૂર પીડિતોને મળવા ગયેલા મંત્રી સંજય નિષાદની વાહિયાત સલાહનો વીડિયો વાયરલ થઈ રહ્યો છે. વીડિયોમાં મંત્રી પૂર પીડિતોને કહેતા જોવા મળે છે કે ‘ગંગા મૈયા પુત્રના પગ ધોવા આવે છે અને પુત્રો સીધો સ્વર્ગમાં જાય છે’. જો કે ખરેખર આ વિસ્તારમાં ગંગા નદી વહેતી જ નથી. અહીં તો યમુના નદી વહે છે. ત્યારે મંત્રીએ આપેલા નિવેદનને લઈ લોકો ભારે ઠેકડી ઉડાવી રહ્યા છે. ખુદ મંત્રીને જ ખબર નથી આ વિસ્તારમાં કઈ નદી વહે છે.
ઉલ્લેખનીય છે કે ઉત્તર પ્રદેશના ઘણા જિલ્લાઓમાં ગંગા, યમુના વગેરે નદીઓ પૂર આવ્યું છે. નદીમાં આવેલા પૂરને કારણે અનેક ગામડાંઓ મુશ્કેલીમાં મૂકાયા છે. તેમના ખેતરમાં પાક નાશ પામ્યા છે. ઘરો અને બજારો બધા ડૂબી ગયા છે. જેથી રાજ્યના કેબિનેટ મંત્રી સંજય નિષાદ કાનપુર દેહાતના ભોગનીપુર તહસીલ વિસ્તારમાં પૂરગ્રસ્ત લોકોને મળવા હોળીમાં પહોંચ્યા હતા.
જ્યારે અહીંના એક ગામના લોકોએ મંત્રી સંજય નિષાદ કહ્યું કે અમારો વિસ્તાર પૂરમાં ડૂબી ગયો છે, ઘરો તૂટી ગયા છે, હવે અમારે ક્યાં જવું?, ત્યારે સંજય નિષાદે કહ્યું- અરે ભાઈ, ગંગા મૈયા પુત્રના પગ ધોવા આવે છે, તેમના દર્શનથી જ ગંગાપુત્ર સીધો સ્વર્ગમાં જાય છે. વિરોધીઓ તમને વિરુદ્ધ શીખવે છે. મંત્રીના આ નિવેદનથી પૂરગ્રસ્તો ચોંકી ગયા. ઉપરાંત, લોકોએ શાંત અવાજમાં કહ્યું કે મંત્રીને ખબર હોવી જોઈએ કે ભોગનીપુર વિસ્તારમાં ગંગા નહીં પણ યમુના નદી વહે છે.
कानपुर में बाढ़ से हालत ख़राब है।ऐसे में मंत्री संजय निषाद पहुंचे हैं।कह रहे हैं – गंगा मैया गंगा पुत्रों के पैर धोने आती हैं तो व्यक्ति सीधा स्वर्ग जाता है!!!
सच में नेता लोग कितनी मेहनत करते हैं।धरती को तो स्वर्ग बना ही रखा है आपका हमारे लिए अब परलोक में भी स्वर्ग की गारंटी😀 pic.twitter.com/R5mZLZYboR
— Sukesh Ranjan (@RanjanSukesh) August 5, 2025
અહેવાલ મુજબઆ સમય દરમિયાન એક નેતાએ એક વૃદ્ધ મહિલાને કહ્યું કે મૈયા તમને દર્શન આપવા આવે છે તે સૌભાગ્યની વાત છે. આના પર મહિલાએ જવાબ આપ્યો કે તો તમે અહીં રહો અને રોજ દર્શન કરો!.
તમને જણાવી દઈએ કે ભારે વરસાદ અને નદીઓના વધતા પાણીને કારણે ભોગનીપુરના ઘણા ગામો ડૂબી ગયા છે. પાણી લોકોના ઘરોમાં ઘૂસી ગયા છે. પૂરના પાણીમાં ડઝનબંધ પશુઓ વહી ગયા છે, સેંકડો ખેડૂતોના ખેતરો નાશ પામ્યા છે. હાલમાં, આ પરિસ્થિતિઓમાં, યુપી સરકારે ‘ટીમ 11’ બનાવી છે અને અધિકારીઓને રાહત કાર્યની જવાબદારી સોંપી છે. ધારાસભ્યો અને મંત્રીઓને પણ જમીન પર ઉતરવાનો આદેશ આપવામાં આવ્યો છે.
આ પણ વાંચો:
Maharashtra: DJ ના તાલે નાચતાં યુવાનનું હાર્ટ એટેકથી મોત, વીડિયો વાયરલ
Gambhira Bridge Collapse: 27 દિવસ બાદ લટકતી ટ્રકને સુરક્ષિત બહાર કાઢવામાં સફળતા
Policemen Suspended: દિલ્હી પોલીસને નેતાઓની સુરક્ષા, સેલ્યૂટ મારવા સિવાય બીજું કંઈ આવડે છે?
Cloudburst: ઉત્તરકાશીમાં વાદળ ફાટતાં 4 લોકોના મોત, 50થી વધુ ગુમ, જુઓ ભારે વિનાશ વેર્યો
