UP News: ઉત્તર પ્રદેશમાં ડોક્ટરોના સ્ટાફે પોલીસ પર ગંભીર આરોપ લગાવ્યા હતા. ડોક્ટરે આરોપ હતો કે પોલીસ નકલી એકાઉન્ટર કરે છે, અને પછી પોસ્ટમોર્ટમ રિપોર્ટમાં ગોળીની સંખ્યા છૂપાવવા માટે તબીબી સ્ટાફ પર દબાણ કરે છે. પોલીસો વીસ ગોળી મારી છે અને નોંધાવી એક. આ આરોપો લગાવતો એક વીડિયો વાયરલ થયો હતો. જો કે આવા આક્ષેપો કર્યા બાદ ડોક્ટર ફરી ગયા છે. કહ્યું હું માનસિક તણાવમાં છું.
चौंकाने वाला खुलासा:
उत्तर प्रदेश के शामली ज़िले में सरकारी डॉक्टरों ने आरोप लगाया है कि यूपी पुलिस फर्ज़ी एनकाउंटर करती है और मेडिकल स्टाफ पर दबाव डालती है कि पोस्टमार्टम रिपोर्ट में असली गोली के ज़ख्मों की संख्या छिपाई जाए — यानी 20 गोलियों के बजाय सिर्फ़ 1 गोली का घाव दर्ज किए… pic.twitter.com/cnSenw2JkT— Akhilesh Yadav (Son Of PDA) (@SocialistLeadr) October 30, 2025
શામલી જીલ્લાના કોમ્યુનિટી હેલ્થ સેન્ટરના મેડિકલ સુપરિન્ટેન્ડેન્ટ ડૉ. દીપક કુમાર ચૌધરીએ પોલીસ સામે ગંભીર આરોપો ધરાવતા વાયરલ વીડિયોને પાછો ખેંચીને મોટો યુ-ટર્ન લીધો છે. તેમણે હવે આ વીડિયોને સંપૂર્ણપણે ખોટો ગણાવ્યો છે અને દાવો કર્યો છે કે તેમની માનસિક સારવાર ચાલી રહી છે. ડૉક્ટરે કહ્યું કે તેઓ લાંબા સમયથી તણાવ અને હૃદય રોગથી પીડાઈ રહ્યા છે, અને કોઈએ અજાણતામાં તેમને ખોટી વાતો કહેવા માટે મજબૂર કર્યા છે.
‘આ વીડિયો નકલી છે, મારો તેની સાથે કોઈ સંબંધ નથી‘
ડૉ. દીપક કુમારે પોતાનો અભિપ્રાય સ્પષ્ટ કરતા એક નવો વીડિયો જાહેર કર્યો. તેમણે કહ્યું, “હું ડૉ. દીપક કુમાર, મેડિકલ ઓફિસર, શામલીના કોમ્યુનિટી હેલ્થ સેન્ટરમાં પોસ્ટેડ છું. તાજેતરમાં મારા ધ્યાનમાં એક વીડિયો આવ્યો જે સંપૂર્ણપણે નકલી છે. કોઈએ અજાણતામાં આ વીડિયો બનાવી દીધો છે. તે વીડિયોમાં કહેવામાં આવેલી વાતો સાથે મારો કોઈ સંબંધ નથી. હું 2025 માં કોઈપણ એન્કાઉન્ટર પોસ્ટમોર્ટમમાં સામેલ નહોતો. હું માનસિક સારવાર લઈ રહ્યો છું અને માનસિક તણાવમાં છું. કોઈએ અજાણતામાં મને કંઈક કહેવા માટે મજબૂર કર્યું, જેનો હું સંપૂર્ણપણે ઇનકાર કરું છું.”
વીડિયોમાં તેમના પર વધુ આરોપ લગાવતા તેમણે કહ્યું કે, “તેઓ ખિસ્સાકાતરુને ગોળી મારી દે છે અને સાચા ખૂનીને છોડી દે છે. તેઓ છ 6 લાખ રૂપિયા ધરાવતા વ્યક્તિને બિરયાની ખવડાવે છે અને તેને છોડી દે છે. આ સૌથી મોટા ડાકુ છે.” આ નિવેદનથી શામલી જિલ્લા પોલીસ વિભાગમાં ખળભળાટ મચી ગયો અને આ મામલો ઝડપથી સોશિયલ મીડિયા પર વાયરલ થયો.
આ મામલો ત્યારે પ્રકાશમાં આવ્યો જ્યારે પહેલો વીડિયો વાયરલ થયો, જેમાં ડૉક્ટરે એન્કાઉન્ટર અને પોસ્ટમોર્ટમ પ્રક્રિયાઓ પર સવાલ ઉઠાવ્યા હતા. હવે, તેમનો યુ-ટર્ન એ સવાલ ઉભા કરી રહ્યો છે કે શું વીડિયો ખરેખર ખોટો હતો કે શું દબાણ હેઠળ નિવેદન બદલવામાં આવ્યું હતું.
પોલીસે આરોપને નકાર્યા
આ સંદર્ભમાં શામલીના એસપી એનપી સિંહે ડૉ. ચૌધરીના આરોપોને ‘પાયાવિહોણા’ ગણાવ્યા. તેમણે કહ્યું, “બધા એન્કાઉન્ટર કેસ સુપ્રીમ કોર્ટના માર્ગદર્શિકા અનુસાર કડક રીતે હાથ ધરવામાં આવે છે. પોસ્ટમોર્ટમ ફરજિયાત વીડિયોગ્રાફી સાથે ડોકટરોના પેનલ દ્વારા કરવામાં આવે છે.” તેમણે વધુમાં જણાવ્યું હતું કે રેકોર્ડ મુજબ, ચૌધરીને ક્યારેય જિલ્લા હોસ્પિટલના પોસ્ટમોર્ટમ પેનલમાં નિયુક્ત કરવામાં આવ્યા ન હતા કારણ કે તેઓ CHCમાં પોસ્ટેડ છે. બુધવારે કોતવાલી પોલીસ સ્ટેશનની બહાર આરોગ્ય કર્મચારીઓના વિરોધ પ્રદર્શન દરમિયાન ચૌધરીએ આ આરોપો લગાવ્યા હોવાનું કહેવાય છે.
આ પણ વાંચો:
Bihar NDA Manifesto: બિહારમાં NDAનો ચૂંટણી ઢંઢેરો, જુઓ શું આપ્યા વચનો!
BJP માં અસંતોષ, જૂથવાદ અવિશ્વાસ, ગેરવહીવટ, ભ્રષ્ટાચાર વકર્યો!, હવે ચલાલા ભાજપમાં થયો નવો ડખ્ખો
