Bihar NDA Manifesto: બિહારમાં ચૂંટણી નજીક આવી ચૂકી છે. ત્યારે બિહાર જીતવા NDA એ ચૂંટણી ઢંઢેરો બહાર પાડ્યો છે. જેમાં લોકોને લલચાનારી અનેક જાહેરાતો કરવામાં આવી છે. નોકરી સહિત 25 વધુ લોભામણા વચનોની જાહેરાતો કરી છે. કારણ કે આ વખતે બિહારમાં NDA એ ચૂંટણી જીતવી કપરા ચઢાણ સમાન છે.
બિહાર વિધાનસભા ચૂંટણી માટે NDA એ પોતાનો સંયુક્ત ચૂંટણી મેનિફેસ્ટો બહાર પાડ્યો છે. શાસક ગઠબંધને આજે શુક્રવારે પટનાના હોટેલ મૌર્ય ખાતે સંયુક્ત પત્રકાર પરિષદ યોજી હતી. નાયબ મુખ્યમંત્રી સમ્રાટ ચૌધરીએ પત્રકાર પરિષદને સંબોધી હતી. NDA ના અન્ય કોઈ ટોચના નેતાએ આ કાર્યક્રમને સંબોધિત કર્યો ન હતો. NDA ના મેનિફેસ્ટોમાં રોજગાર, વિકાસ, શિક્ષણ અને આરોગ્ય સંબંધિત 25 મુખ્ય વચનોનો સમાવેશ થાય છે.
કાર્યક્રમ દરમિયાન મુખ્યમંત્રી અને JDU પ્રમુખ નીતીશ કુમાર, ભાજપના રાષ્ટ્રીય અધ્યક્ષ જેપી નડ્ડા, LJP (રામ વિલાસ)ના વડા ચિરાગ પાસવાન, હિન્દુસ્તાન અવમ મોરચા (HAM)ના સુપ્રીમો જીતન રામ માંઝી અને રાષ્ટ્રીય લોક મોરચા (RLM)ના વડા ઉપેન્દ્ર કુશવાહા સહિત NDAના અન્ય નેતાઓ હાજર હતા.
બિહાર NDAના મેનિફેસ્ટોના મુખ્ય વચનો
- કૌશલ્ય આધારિત રોજગાર પૂરો પાડવા માટે કૌશલ્ય ગણતરી હાથ ધરવામાં આવશે
- 1 કરોડ સરકારી નોકરીઓ અને રોજગાર
- દરેક જિલ્લામાં મેગા સ્કિલ સેન્ટરો સ્થાપીને બિહારને વૈશ્વિક કૌશલ્ય કેન્દ્ર તરીકે સ્થાપિત કરાશે
- મુખ્યમંત્રી મહિલા રોજગાર યોજના હેઠળ મહિલાઓને 2 લાખ રૂપિયા સુધીની સહાય
- 1 કરોડ મહિલાઓને ‘લખપતિ દીદી’ બનાવવામાં આવશે
- ‘મહિલા મિશન કરોડપતિ’ દ્વારા, ઓળખાયેલી મહિલા ઉદ્યોગસાહસિકોને કરોડપતિ બનાવવાનું કામ
- અતિ પછાત વર્ગના વિવિધ વ્યાવસાયિક જૂથોને 10લાખ રૂપિયાની સહાય
- સુપ્રીમ કોર્ટના નિવૃત્ત ન્યાયાધીશની અધ્યક્ષતામાં એક ઉચ્ચ સ્તરીય સમિતિની રચના કરાશે
- દરેક ખેડૂત માટે આદર, દરેક પાક માટે વાજબી ભાવ
- કર્પૂરી ઠાકુર કિસાન સન્માન નિધિ શરૂ કરીને, ખેડૂતોને વાર્ષિક રૂ. 3000 નો લાભ આપવામાં આવશે, જે કુલ રૂ. 9,000 થશે
- કૃષિ-માળખાકીય સુવિધાઓમાં ₹1 લાખ કરોડનું રોકાણ કરવામાં આવશે
- પંચાયત સ્તરે તમામ મુખ્ય પાકો (ડાંગર, ઘઉં, કઠોળ, મકાઈ) MSP પર ખરીદવામાં આવશે
- ‘મત્સ્ય-દુગ્ધ મિશન’ યોજના હેઠળ દરેક મત્સ્યપાલકને કુલ 9,000 રૂપિયાનો લાભ આપવામાં આવશે
- ‘બિહાર મિલ્ક મિશન’ શરૂ કરીને દરેક બ્લોક સ્તરે ઠંડક અને પ્રક્રિયા કેન્દ્રો સ્થાપિત કરવામાં આવશે
- 5 મેગા ફૂડ પાર્ક સ્થાપિત કરવામાં આવશે અને કૃષિ નિકાસ બમણી કરવામાં આવશે
- 2030 સુધીમાં કઠોળ ઉત્પાદનમાં આત્મનિર્ભરતા પ્રાપ્ત થશે
- બિહાર ગતિ શક્તિ માસ્ટર પ્લાન રજૂ કરવામાં આવશે
7 એક્સપ્રેસવે બનાવવામાં આવશે - 3600 કિમી રેલ ટ્રેકનું આધુનિકીકરણ કરવામાં આવશે
- અમૃત ભારત એક્સપ્રેસ અને નમો રેપિડ રેલ સેવાઓનો વિસ્તાર કરાશે
- 4 નવા શહેરોમાં મેટ્રો સેવા શરૂ કરવામાં આવશે
- આધુનિક શહેરી વિકાસ અને જોડાણ
- ‘ન્યુ પટના’માં ગ્રીનફિલ્ડ શહેરો અને મુખ્ય શહેરોમાં સેટેલાઇટ ટાઉનશીપ વિકસાવવામાં આવશે
- માતા જાનકીના જન્મસ્થળ ‘સીતાપુરમ’ને વિશ્વ કક્ષાના આધ્યાત્મિક શહેર તરીકે વિકસાવવામાં આવશે
- પટના નજીક ગ્રીનફિલ્ડ આંતરરાષ્ટ્રીય વિમાનમથક વિકસાવવામાં આવશે અને દરભંગા, પૂર્ણિયા અને ભાગલપુરમાં આંતરરાષ્ટ્રીય વિમાનમથકો વિકસાવવામાં આવશે
- 10 નવા શહેરોમાંથી ઘરેલુ ફ્લાઇટ્સ શરૂ કરવામાં આવશે
- ગેરંટીકૃત ઔદ્યોગિક ક્રાંતિ અને નવા યુગની અર્થવ્યવસ્થા
- વિકસિત બિહાર ઔદ્યોગિક મિશન હેઠળ 1 લાખ કરોડ રૂપિયાના રોકાણથી ઔદ્યોગિક ક્રાંતિ લવાશે
- વિકસિત બિહાર ઔદ્યોગિક વિકાસ માસ્ટર પ્લાન તૈયાર કરવામાં આવશે
- દરેક જિલ્લામાં અત્યાધુનિક ઉત્પાદન એકમો અને 10 નવા ઔદ્યોગિક ઉદ્યાનો વિકસાવવામાં આવશે
- બિહારને ‘ગ્લોબલ બેક-એન્ડ હબ’ અને ‘ગ્લોબલ વર્કપ્લેસ’ તરીકે સ્થાપિત કરવામાં આવશે.
- નવા યુગના અર્થતંત્ર હેઠળ ₹50 લાખ કરોડનું રોકાણ આકર્ષિત કરવામાં આવશે
- મફત રાશન, 125 યુનિટ મફત વીજળી, 5 લાખ રૂપિયા સુધીની મફત સારવાર, 50 લાખ નવા પાકા મકાનો, સામાજિક સુરક્ષા પેન્શન
- ગરીબ પરિવારોના તમામ વિદ્યાર્થીઓને કેજીથી પીજી સુધી મફત ગુણવત્તાયુક્ત શિક્ષણ આપવામાં આવશે
- શાળાઓમાં મધ્યાહન ભોજનની સાથે પૌષ્ટિક નાસ્તો અને આધુનિક કૌશલ્ય પ્રયોગશાળાઓ પૂરી પાડવામાં આવશે
- વિશ્વસ્તરીય ‘શિક્ષણ શહેર’ સ્થાપિત કરવામાં આવશે
- ફિલ્મ સિટી અને શારદા સિંહા આર્ટ એન્ડ કલ્ચરલ યુનિવર્સિટીની સ્થાપના કરીને બિહાર સ્કૂલ ઓફ ડ્રામા અને ફિલ્મ એન્ડ ટેલિવિઝન ઇન્સ્ટિટ્યૂટ શરૂ કરાશે
- 1 લાખ ગ્રીન હોમસ્ટે સ્થાપવા માટે કોલેટરલ ફ્રી લોન આપવામાં આવશે
- બિહારને 5 વર્ષમાં પૂરમુક્ત બનાવવામાં આવશે
- ‘ફ્લડ ટુ ફોર્ચ્યુન’ મોડેલ હેઠળ પૂર વ્યવસ્થાપન બોર્ડની સ્થાપના કરીને અને નદી જોડાણ પ્રોજેક્ટ્સ, પાળા અને નહેરોનું ઝડપી બાંધકામ કરીને કૃષિ અને મત્સ્યઉદ્યોગને પ્રોત્સાહન આપવામાં આવશે
- 5000 કરોડ રૂપિયાથી મુખ્ય જિલ્લા શાળાઓનું નવીનીકરણ કરવામાં આવશે
- બિહારને દેશના AI હબ તરીકે સ્થાપિત કરવા માટે, દરેક નાગરિકને AI તાલીમ આપવા માટે ‘સેન્ટર્સ ઓફ એક્સલન્સ’ ની સ્થાપના કરવામાં આવશે
- બિહારને માખાના, માછલી અને અન્ય ઉત્પાદનો માટે વૈશ્વિક નિકાસ કેન્દ્ર તરીકે વિકસાવવામાં આવશે
- મિથિલા મેગા ટેક્સટાઇલ અને ડિઝાઇન પાર્ક અને આંગ મેગા સિલ્ક પાર્ક બિહારને દક્ષિણ એશિયાનું ટેક્સટાઇલ અને સિલ્ક હબ બનાવશે
- પૂર્વી ભારતના નવા ટેક હબ તરીકે ડિફેન્સ કોરિડોર, સેમિકન્ડક્ટર મેન્યુફેક્ચરિંગ પાર્ક, મેગા ટેક સિટી અને ફિનટેક સિટીની સ્થાપના કરવામાં આવશે
- 100 MSME પાર્ક અને 50,000+ કોટેજ સાહસો ‘વોકલ ફોર લોકલ’ ને પ્રોત્સાહન આપશે
- એક વિશ્વસ્તરીય મેડિકલ સિટી બનાવવામાં આવશે
- દરેક જિલ્લામાં માન્ય મેડિકલ કોલેજોનું બાંધકામ સમયસર પૂર્ણ કરવામાં આવશે
- બાળરોગ અને ઓટીઝમ માટે સમર્પિત અત્યાધુનિક સુપર-સ્પેશિયાલિટી હોસ્પિટલો અને ખાસ શાળાઓની સ્થાપના કરવામાં આવશે
- બિહાર સ્પોર્ટ્સ સિટીનું નિર્માણ થશે
- ઓળખાયેલી પ્રાથમિકતા ધરાવતી રમતો માટે દરેક વિભાગમાં સમર્પિત ‘ઉત્કૃષ્ટતા કેન્દ્રો’ સ્થાપિત કરવામાં આવશે
- ઉચ્ચ શૈક્ષણિક સંસ્થાઓમાં અભ્યાસ કરતા તમામ SC વિદ્યાર્થીઓને દર મહિને 2000 રૂપિયા આપવામાં આવશે
- દરેક પેટાવિભાગમાં ઉદ્યોગસાહસિકો માટે રહેણાંક શાળાઓ અને ખાસ સાહસ ભંડોળની સ્થાપના કરવામાં આવશે
- ઓટો-ટેક્સી-ઈ-રિક્ષા ચાલકોને 4 લાખ રૂપિયાનો જીવન વીમો આપવામાં આવશે
- આ ડ્રાઇવરોને લઘુત્તમ વ્યાજ દરે કોલેટરલ ફ્રી વાહન લોન આપવામાં આવશે
- અસંગઠિત ક્ષેત્રના કામદારોને નાણાકીય સહાય અને કૌશલ્ય તાલીમ આપવામાં આવશે.
- મા જાનકી મંદિર અને વિષ્ણુપદ, મહાબોધિ કોરિડોર બનાવવામાં આવશે
- રામાયણ/જૈન/બૌદ્ધ/ગંગા સર્કિટ વિકસાવવામાં આવશે
આ પણ વાંચો:
BJP માં અસંતોષ, જૂથવાદ અવિશ્વાસ, ગેરવહીવટ, ભ્રષ્ટાચાર વકર્યો!, હવે ચલાલા ભાજપમાં થયો નવો ડખ્ખો!
Rajkot: ચકડોળના ફિટનેસ સર્ટિફિકેટ માટે 50 હજારની લાંચ લેતા RNBના અધિકારીઓ રંગેહાથ ઝડપાયા
Rajkot: કાળી ચૌદશે રાજકોટમાં ખેલાયો ખૂની ખેલ, બે સગા ભાઈ સહિત 3 લોકો ગુમાવ્યા જીવ
Gujarat: વરસાદી માહોલ વચ્ચે ડિપ્રેશન ગુજરાત તરફ ફંટાતા ફરી ભારે વરસાદની આગાહી
