Iran War: ઈરાન ઉપર હુમલો કરીને ભેખડે ભરાયેલા ટ્રમ્પ હવે હોર્મુઝનો રસ્તો ખોલવા નિષ્ફળ ગયા છે અને દુનિયાને મંદીની લહેરમાં નાખી હાથ ઊંચા કરી દેતા આ પ્રકારની લાપરવાહી અને બેજવાબદાર વર્તનને લઈ ટ્રમ્પની ટીકા થઈ રહી છે ત્યારે ઇરાનના નવા લીડર અયાતુલ્લા મુજતબા ખામેની કે જેઓ ગંભીર રીતે ઘાયલ થયા હતા તેઓ કોમાં માં સરી પડયાના અહેવાલોએ સનસનાટી મચાવી છે જો ખરેખર એવું થયું તો અમેરિકા-ઈઝરાયેલ છેલ્લી ઘડીએ બાજી પલટી શકે તેવું માનવામાં આવી રહ્યું છે.પરંતુ એ પણ સવાલ ઉઠ્યા છે કે જો મુજતબા 28મીએ ઘાયલ થયા બાદ કોમા માં હોય તો ઇરાને જે રીતે ટક્કર આપી અને દરિયામાં મુખ્ય જળ માર્ગ બંધ કરી જે રીતે આખી સટીક રણનીતિ અપનાવી અમેરિકા અને ઈઝરાયેલને ઘૂંટણીએ પાડ્યા તે કોણ હેન્ડલ કરી રહ્યું છે? તે વાતે પણ અનેક સવાલો ઉભા કર્યા છે.
બ્રિટિશ મીડિયા ‘ધ સન’ના અહેવાલો મુજબ ઈરાનના નવા લીડર મુજતબાને એટલી ગંભીર ઈજાઓ થઈ હતી કે તેમનો એક પગ કાપવો પડ્યો હતો અને પેટ-લિવરને પણ નુકસાન પહોંચતા તેઓ હજુપણ તહેરાનની એક હોસ્પિટલમાં આઇસીયુમાં છે જ્યાં તેઓ હજુપણ કોમામાં છે.અગાઉ કહેવાતું હતું કે મુજતબાએ પોતાના પિતા અને ઈરાનના પૂર્વ સુપ્રીમ લીડર અલી ખામેનીના અવસાન બાદ 9 માર્ચે સુપ્રીમ લીડરનું પદ સંભાળ્યું હતું.
તેમની સ્થિતિ અંગે હજુ સુધી ઈરાન સરકાર તરફથી કોઈ સત્તાવાર માહિતી સામે આવી નથી, મહત્વનું છે કે મુજતબા 28 ફેબ્રુઆરીએ ઈઝરાયલ-અમેરિકાની એર સ્ટ્રાઈકમાં ગંભીર રીતે ઘાયલ થયા હોવાનું કહેવામાં આવ્યું હતું હવે તેઓ કોમામાં હોવાની વાત કહેવામાં આવી રહી છે.
આમ,એક તરફ જોરદાર ટક્કર આપી રહ્યું છે ત્યારે જો મુજતબા કોમામાં હોય તો ઇરાનની પડદા પાછળ બાજી કોણ સંભાળી રહ્યું છે? તે સવાલો ઉઠી રહયા છે.બીજી તરફ અમેરિકાને નુકશાન ઉપર નુકશાન થઈ રહ્યું છે ત્યારે વધુ એક વિમાન ક્રેશ થવા સાથે સૌથી મોટા વોર શિપમાં આગ લાગવાની ઘટના બની છે.
■અમેરિકી એરફોર્સનું વધુ એક રિફ્યુલિંગ વિમાન ક્રેશ
ઈરાન સાથે ચાલી રહેલા યુદ્ધ દરમિયાન ઇરાકમાં અમેરિકાનું KC-135 રિફ્યુલિંગ વિમાન ક્રેશ થઈ ગયું.અમેરિકન સેનાના સૂત્રોએ જણાવ્યું કે આ ઘટનામાં બે વિમાન સામેલ હતા,જેમાં એક વિમાન પશ્ચિમ ઇરાકમાં તૂટી પડ્યું હતું જ્યારે બીજું વિમાન સુરક્ષિત રીતે ઉતરી ગયું હોવાનું જણાવવામાં આવી રહ્યું છે.
જ્યારે બીજી ઘટનામાં ઈરાન વોરમાં સામેલ વિશ્વના સૌથી મોટા અમેરિકન યુદ્ધજહાજ ‘USS ગેરાલ્ડ આર. ફોર્ડ’ (CVN-78)માં ભેદી રીતે આગ લાગતા બે અમેરિકન સૈનિકો દાઝી ગયા હતા.રાતા સમુદ્રમાં તૈનાત આ વિશાળ એરક્રાફ્ટ કેરિયરમાં આગ લાગતા અફરા તફરી મચી ગઇ હતી, જોકે, અમેરિકન નેવીએ સ્પષ્ટ કર્યું કે જહાજના મુખ્ય એન્જિન ગણાતા પ્રોપલ્શન પ્લાન્ટને કોઈ નુકસાન થયું નથી,આગ કાબુમાં લઈ લેવાઈ હતી આ આગ લાગવાનું કારણ જાણી શકાયું ન હતું.ઈરાન યુદ્ધ છેડી ભેખડે ભરાયેલા અમેરિકાને પહેલા જ સપ્તાહમાં લગભગ 1 લાખ કરોડ રૂપિયા ($11.3 બિલિયન) જેટલો ખર્ચ થયો હતો ત્યારબાદ રોજના અબજોનું નુકશાન થઈ રહ્યું છે.
બીજી તરફ ઈરાને અમેરિકાને ચેતવણી આપતા કહ્યું કે તે મિડલ ઈસ્ટમાં હાજર અમેરિકી સૈન્ય અડ્ડાઓને બંધ કરી દે, નહીં તો તેમના પર હુમલા ચાલુ રહેશે અને ઈરાને વધુ એકવાર સ્પષ્ટ કર્યું કે શિપ માટેહોર્મુઝનો રસ્તો ખોલવામાં નહિ આવે તે વાત ફાઇનલ છે.જ્યારે ટ્રમ્પ ઢીલા પડી ગયા છે અને તેમનો આ રસ્તો ખોલવાનો ફાંકો ઉતરી ગયો છે પણ તેઓની બાલિશતાને કારણે હવે વિશ્વ મહા મંદી તરફ ધકેલાઈ રહ્યું છે અને તેનો કોઈ પાસે જવાબ નથી.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
