Iran War: ઈરાન ઉપર ઈઝરાયેલ અને અમેરિકાએ હુમલા શરૂ કર્યા બાદ દુનિયાભરમાં ગેસ અને ક્રૂડ ઓઇલની અછત ઉભી થતા હવે તેની અસરો ભારતીય નાગરિકોના રસોડા સુધી પહોંચી ગઈ છે અને 2 દિવસ પહેલા સરકારે ઘરેલું ગેસ સિલિન્ડરના ભાવમાં ₹60નો વધારો કર્યા બાદ હવે કેન્દ્ર સરકારે ઘરેલું LPG સિલિન્ડરના રિફિલ બુકિંગના નિયમોમાં પણ ફેરફાર કર્યો છે જેમાં ગ્રાહકો એક સિલિન્ડર બુક કર્યા બાદ બીજો સિલિન્ડર 21 દિવસને બદલે 25 દિવસ પછી જ બુક કરી શકશે.આમ,હવે તેની સીધી અસર નાગરિકો સુધી દેખાઈ રહી છે.સરકારી સૂત્રોએ ન્યૂઝ એજન્સી પીટીઆઈ (PTI) ને આ માહિતી આપી છે.સરકારનું માનવું છે કે વેઇટિંગ પિરિયડને 25 દિવસ કરવાથી બિનજરૂરી બુકિંગ પર અંકુશ આવશે.
અત્રે ઉલ્લેખનીય છે કે હજુ તો બે દિવસ અગાઉ સરકારે ઘરેલું ગેસ સિલિન્ડર 60 રૂપિયા વધારો કર્યો છે. દિલ્હીમાં 14.2 કિલોગ્રામનું LPG ગેસ સિલિન્ડર હવે 913 રૂપિયામાં લેવા લોકો મજબૂર બન્યા છે, અગાઉ આ ભાવ 853 રૂપિયા હતો. બીજી તરફ, 19 કિલોવાળા કોમર્શિયલ સિલિન્ડરમાં 115 રૂપિયાનો વધારો કરવામાં આવ્યો. તે હવે 1883 રૂપિયામાં મળી રહ્યું છે.
આ પહેલા પણ સરકારે 8 એપ્રિલ 2025ના રોજ ઘરેલું સિલિન્ડરના ભાવમાં 50 રૂપિયાનો વધારો કર્યો હતો.અમેરિકા-ઈઝરાયલ અને ઈરાન વચ્ચેના યુદ્ધને કારણે દેશમાં ગેસની અછત સર્જાવાની આશંકા વ્યક્ત થઈ રહી છે જેની ઉદ્યોગો ઉપર પણ મોટી અસર પડી છે અને મોટી સંખ્યામાં રોજગારીની સમસ્યા ઉભી થઈ છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
