Delhi Pollution: દિલ્હી સહિત દેશમાં ગંભીર બનેલા વાયુ પ્રદૂષણને તાત્કાલિક રોકવા માટે કાર્યવાહી કરવાની માંગ કરતી એક જાહેર હિતની અરજી સુપ્રીમ કોર્ટમાં દાખલ કરવામાં આવી છે.
પીએમ નરેન્દ્ર મોદીના ફિટ ઈન્ડિયા મૂવમેન્ટના વેલનેસ ચેમ્પિયન લ્યુક ક્રિસ્ટોફર કુટિન્હો દ્વારા દાખલ થયેલી આ અરજીમાં ક્રિસ્ટોફરે જણાવ્યું છે કે દેશમાં વાયુ પ્રદૂષણનું સ્તર જાહેર આરોગ્ય કટોકટીના સ્તરે પહોંચી ગયું છે. જે માટે તાત્કાલિક પગલાં લેવાવા જોઈએ.
દિલ્હીમાં પ્રદૂષણ એટલુ ગંભીર બની ગયું છે કે અહીં લગભગ 22 લાખ જેટલા બાળકોને ફેફસાં ક્ષતિગ્રસ્ત થયા છે જેની રિકવરી કરવી હવે મુશ્કેલ છે, આ હકીકત સરકાર અને તબીબી અભ્યાસો દ્વારા પુષ્ટિ મળી છે. નીતિઓ હોવા છતાં, ગ્રામીણ અને શહેરી ભારતના મોટા ભાગોમાં હવાની ગુણવત્તા કથળી ગઈ છે
દિલ્હી, મુંબઈ, કોલકાતા, ચેન્નાઈ અને બેંગલુરુમાં PM 2.5 અને PM10 જેવા પ્રદૂષકો મર્યાદા કરતાં વધી ગયા છે. PM 2.5 માટે વાર્ષિક સરેરાશ 40 માઇક્રોગ્રામ પ્રતિ ઘનમીટર અને PM10 માટે 60 માઇક્રોગ્રામ પ્રતિ ઘનમીટર છે.
તેનાથી વિપરીત, દિલ્હીમાં PM 2.5નું સ્તર પ્રતિ ઘન મીટર લગભગ 105 માઈક્રોગ્રામ, કોલકાતામાં લગભગ 33 અને લખનૌમાં લગભગ 90 માઈક્રોગ્રામ નોંધાયું હતું, જે ભારતીય ધોરણોનું ઉલ્લંઘન થઈ રહ્યું છે.
1981ના વાયુ અધિનિયમ અને સંબંધિત કાયદાઓ હેઠળ નિયમનકારી અમલીકરણ કરવામાં આવતું નથી પરિણામે સ્થિતિ ખરાબ થઈ ગઈ છે. વિશ્વના સૌથી પ્રદૂષિત શહેરોમાંનું એક હોવા છતાં દિલ્હીમાં વાયુ અધિનિયમ હેઠળ એક પણ ફોજદારી કેસ દાખલ થયો ન હતો.
હવાની ગુણવત્તા ગંભીર બને ત્યારે કટોકટી રાહત પૂરી પાડવા માટે GRAP ડિઝાઇન કરવામાં આવી હતી, પરંતુ તેનું યોગ્ય અમલીકરણ કરવામાં નહિ આવતું હોવાનું જણાઈ રહ્યું છે ત્યારે આ મામલે સુપ્રીમ કોર્ટમાં જાહેર હિતની અરજી થઈ છે.
આ પણ વાંચો:
‘સોગંદનામું દાખલ કરો’, દિલ્હીમાં પ્રદૂષણ મામલે CAQM ને સુપ્રીમની ફટકાર
Vote chori: મોદી ચૂંટણીમાં ચોરી કરીને PM બન્યા’, વોટ ચોરી ખુલ્લી પાડવાનું કામ હજુ ચાલુ: રાહુલ ગાંધી
Vote scam: વોટ ચોરી જ નહીં, ચોરીની સરકાર?, જુઓ વીડિયો
