Russian ukraine war:રશિયાએ યુક્રેનના ટેર્નોપિલમાં મોટો મિસાઇલ અને ડ્રોન હુમલો કર્યો હતો જેમાં 6 બાળકો સહિત 25 લોકોના મોત થઈ ગયા છે.
આ હુમલા પશ્ચિમ યુક્રેન અને ખાર્કિવમાં થયા હતા,યુક્રેને પણ વળતા પ્રહરમાં રશિયા પર ATACMS મિસાઇલો પણ છોડી હતી જેને રશિયાએ હવામાંજ તોડી પાડી હતી.
રશિયાએ યુક્રેનિયન શહેર ટેર્નોપિલ પર મિસાઇલ અને ડ્રોન હુમલા કર્યા હતા.આ હુમલો રાત્રિના સમયે થયો, જેમાં ટર્નોપિલના બે નવ માળના એપાર્ટમેન્ટ બિલ્ડિંગ્સને નિશાન બનાવવામાં આવી હતી.આ હુમલાઓમાં અત્યાર સુધીમાં 6 બાળકો સહિત 25 લોકોના મોત થયા છે જયારે 15 બાળકો સહિત 125 લોકો ઘાયલ થયા છે.યુક્રેનના ગૃહ મંત્રાલયે આ અહેવાલ આપ્યો હતો.
આંતરિક મંત્રી ઇગોર ક્લિમેંકોએ કહ્યું કે, ઇમરજન્સી ટીમ કાટમાળમાં ફસાયેલા લોકોને બચાવવાનું કામ કરી રહી છે.ફેબ્રુઆરી 2022 માં રશિયા-યુક્રેન યુદ્ધ શરૂ થયા પછી પશ્ચિમ યુક્રેનમાં આ સૌથી ઘાતક હુમલાઓમાંનો એક માનવામાં આવે છે.
યુક્રેનિયન વાયુસેના અનુસાર, રશિયાએ યુક્રેનિયન લક્ષ્યો પર 476 સ્ટ્રાઈક અને ડિકોય ડ્રોન અને વિવિધ પ્રકારની 48 મિસાઈલ છોડી હતી.રાષ્ટ્રપતિ વોલોડીમીર ઝેલેન્સકીએ કહ્યું કે નાગરિકો પરના દરેક હુમલા દર્શાવે છે કે રશિયા પર યુદ્ધ રોકવા માટે કોઈ દબાણ કામ આવી રહ્યું નથી.
ઝેલેન્સકીએ કહ્યું કે તેઓ રશિયન રાષ્ટ્રપતિ વ્લાદિમીર પુતિન પર આંતરરાષ્ટ્રીય દબાણ વધારવા અને શાંતિ સ્થાપિત કરવાના ઉદ્દેશ્ય સાથે તુર્કીના રાષ્ટ્રપતિ રેસેપ તૈયપ એર્દોગન સાથે મુલાકાત કરશે.તેઓ તુર્કીમાં શાંતિ સુનિશ્ચિત કરવાના માર્ગો પર ચર્ચા કરશે.
યુક્રેનના અન્ય પ્રદેશોમાં રશિયન હુમલાઓમાં પણ આશરે 50 લોકો ઘાયલ થયા હતા. રોમાનિયા અને પોલેન્ડે તેમના હવાઈ ક્ષેત્રને સુરક્ષિત રાખવા માટે ફાઇટર જેટ તૈનાત કર્યા હતા. બે યુરોફાઇટર ટાયફૂન અને બે F-16 વિમાનોએ રોમાનિયામાં ઉડાન ભરી હતી. પોલેન્ડના એરપોર્ટ રાતોરાત બંધ રાખવામાં આવ્યા હતા.
ખાર્કિવમાં રશિયન ડ્રોન હુમલામાં બે યુવતીઓ સહિત 46 લોકો ઘાયલ થયા હતા.ડ્રોનથી અનેક રહેણાંક ઇમારતો, એક એમ્બ્યુલન્સ સ્ટેશન, એક શાળા અને અન્ય નાગરિક માળખાને નુકસાન થયું હતું.રશિયન સંરક્ષણ મંત્રાલયના જણાવ્યા અનુસાર, યુક્રેને વોરોનેઝ શહેર પર ચાર યુએસ ATACMS મિસાઇલો છોડી હતી.
બધી મિસાઇલોને તોડી પડાઈ હતી પણ તેનો કાટમાળ એક અનાથાશ્રમ અને એક જીરોન્ટોલોજી સેન્ટર પર પડ્યો હતો, યુક્રેનના આ મિસાઈલ હુમલામાં કોઈ રશિયન નાગરિક ઘાયલ થયો નથી.
આ પણ વાંચો:
Surat: માતાજીના પંડાલમાં હુક્કાબાર સોંગ્સ પર યુવતીઓનો અશ્લિલ ડાન્સ, વીડિયો વાયરલ થતા વિવાદ
Maharashtra: ઉદ્ધવ ઠાકરેએ સોનમ વાંગચુકની ધરપકડ મામલે કેન્દ્ર સરકારની કાઢી ઝાટકણી
Rajasthan: BJP કાર્યકર્તાઓએ કેન્સરના દર્દીઓને બિસ્કિટ આપ્યા, ફોટા પડાવ્યા અને બિસ્કીટ પાછા લઈ લીધા
