Sayaji Shinde: નાસિકમાં કુંભ મેળાની તૈયારીઓ વચ્ચે તપોવનના સાધુગ્રામ સ્થળે આશરે 1,800 વૃક્ષો કાપવાના સરકારના નિર્ણય સામે ભારે હોબાળો મચી ગયો છે.
રહેવાસીઓ, સામાજિક કાર્યકરો અને વિવિધ સંગઠનો વિરોધમાં ઉતર્યા છે.આ દરમિયાન, ફિલ્મ અભિનેતા અને સહ્યાદ્રી દેવરાઈ સંગઠનના વડા, સયાજી શિંદે પણ નાસિક પહોંચ્યા અને વૃક્ષોની કાપણી સામે અવાજ ઉઠાવ્યો છે.
તેઓ નાસિકના લોકોને ટેકો આપવા અને વૃક્ષોનું રક્ષણ કરવા માટે આગળ આવ્યા છે. તેમણે 220 કરોડ રૂપિયાના ટેન્ડર પર સવાલ ઉઠાવ્યા અને સરકારની ટીકા કરી.તેમણે કહ્યું કે જો વૃક્ષો બચી જશે, તો આપણે પણ બચીશું,આમાં ઊંડા ઉતરવાની કે કોઈ ટેકનિકલ બાબતો સમજવાની જરૂર નથી.
શિંદેએ સમજાવ્યું કે હાલમાં ફોર્મ ભરવાનો, સહીઓ કરવાનો સમય નથી, પરંતુ જેઓ કાયદેસર રીતે વૃક્ષો બચાવવાનો પ્રયાસ કરી રહ્યા છે તેમને તેઓ સંપૂર્ણ સમર્થન આપે છે. તેમણે એમ પણ કહ્યું કે જો સાધુગ્રામ બનાવવો હોય, તો તે ખાલી જમીન પર બનાવવો જોઈએ, વૃક્ષો કાપીને નહીં.
A fresh controversy has erupted in Maharashtra over the proposed tree cutting in Nashik’s Tapovan area for the construction of ‘Sadhugram’. Actor and environmental activist Sayaji Shinde reached Tapovan and strongly opposed the move, declaring that trees are like “our parents”… pic.twitter.com/V9u4yXN0iI
— Pune Mirror (@ThePuneMirror) November 29, 2025
આનાથી લોકો અને પ્રકૃતિ બંનેને ફાયદો થશે,સયાજી શિંદેએ સ્પષ્ટપણે જણાવ્યું હતું કે તેઓ પર્યાવરણવાદીઓને ટેકો આપવા માટે અહીં આવ્યા છે. તેમણે કહ્યું કે લોકો વૃક્ષો બચાવવા માટે જે કાર્ય કરી રહ્યા છે તે યોગ્ય કાર્ય છે. તેમણે કહ્યું કે તુકારામ મહારાજ અને શિવાજી મહારાજ જેવા સંતો અને મહાન લોકોએ હંમેશા પ્રકૃતિના રક્ષણની હિમાયત કરી છે, અને તેઓ પણ તેમાં માને છે. તેમના મતે, વૃક્ષો આપણા માતાપિતા જેવા છે. જો કોઈ આપણા માતાપિતાને નુકસાન પહોંચાડે છે, તો આપણે કેવી રીતે ચૂપ રહી શકીએ?
શિંદેએ સરકારની ટીકા કરતા કહ્યું કે તપોવન માટે બહાર પાડવામાં આવેલા ટેન્ડર ખોટા છે અને મુખ્યમંત્રીએ નાસિકના રહેવાસીઓની જાહેર લાગણી સમજવી જોઈએ.હાલમાં ચાલી રહેલા આંદોલનને સંપૂર્ણ સમર્થન આપતા તેમણે કહ્યું કે “જો કોઈ અમારા વૃક્ષો પર હુમલો કરશે, તો અમે ચૂપ રહીશું નહીં.”
સ્થાનિકો અને કાર્યકરો તપોવનના લીલાછમ વિસ્તારને બચાવવા માટે એક થયા હોવાથી વિરોધ ચાલુ છે.
આ પણ વાંચો:
