Carbocell Well Illegal Mining: સુરેન્દ્રનગરના થાન પંથકમાં ચાલી રહેલા ગેરકાયદેસર કાર્બોસેલની 100 જેટલી ખાણો પર દરોડા પાડવામાં આવતા ભારે ખળભળાટ મચી ગયો છે,મોટાભાગની ગેરકાયદેસર ખાણો સરકારી ખરાબાની જમીનો પર બિન્દાસ ચાલી રહી હોવાની ચોંકાવનારી વાત સામે આવી છે.
નાયબ કલેકટર મકવાણા સહિત મુળી અને ચોટીલા મામલતદારો તેમજ તલાટીઓ પણ વહેલી સવારે પડેલા દરોડા વખતે હાજર રહ્યા હતા.થાન તાલુકામાં મોટા પ્રમાણમાં કુદરતી રીતે કાર્બોસેલ ખનીજ સંપતિ છુપાયેલ છે પરંતુ તેનો સરકારને લાભ મળતો નથી અહીં ભૂમાફિયાઓ અને સ્થાનિક તંત્રની મીલીભગતથી કરોડોની ગેરકાયદેસર ખનીજ ચોરી થઈ રહી છે જેની અનેક વખત ફરિયાદ ઉઠી છે.
થાન તાલુકામાં વર્ષોથી ભૂમાફિયાઓ દ્વારા મોટાપાયે ગેરકાયદેસર કાર્બોસેલનું ખનન થઈ રહ્યુ હોવા છતાં પોલીસ કાર્યવાહી થતી નહિ હોવાથી હપ્તારાજના દાવા પણ અનેક વખત થઈ ચૂક્યા છે અને માત્ર દેખાડા પૂરતી કાર્યવાહી થતી હોવાનું ચર્ચાઇ રહ્યું છે.
દરોડા દરમિયાન ટ્રેક્ટર,ચરખીઓ સહિત કરોડો રૂપિયાનો ગેરકાયદેસર કાર્બોસેલનો મુદામાલ જપ્ત કરવામાં આવ્યો હતો દરોડામાં 50 મજૂરોને 25 ખાણોમાંથી બહાર કાઢવામાં આવ્યા હતા.
વિગતો મુજબ જામવાડી વિસ્તારમાં દરોડા પાડવામાં આવ્યા હતા અને અહીથી શ્રેષ્ઠ કક્ષાનો કોલસો સિમેન્ટ ફેક્ટરીમાં રાજસ્થાન અને એમપીમાં મોકલાવમાં આવતો હોવાનું ખુલ્યું છે,સારો કોલસો હોવાથી ગુજરાત બહાર ભાવ વધારે મળે છે,એક અંદાજ મુજબ એક ખાણમાંથી 35 ટન કોલસો ભરીને 700 ટ્રક નિકળે છે અને 25 હજાર ટન એક કુવામાંથી કિંમતી કોલસો નિકળે છે.
100 કુવાનો 2 કરોડ ટનનો માલ હોઈ શકે છે,એક ટનનો ભાવ 3200થી 4100 ગણવામાં આવેતો તે હિસાબે 100 ખાણમાં 5થી 6 કરોડનો કોલસો નીકળે છે જે બરોબાર વહીવટ થઈ જતો હોવાની ચોંકાવનારી વાતોએ હડકંપ મચાવ્યો છે ત્યારે આ મામલે સ્થાનિક જાગૃત નાગરિકો સાથે વરિષ્ઠ પત્રકાર દિલીપ ભાઈ પટેલે કરેલી વિસ્તૃત છણાવટ અહીં પ્રસ્તુત છે જુઓ વિડીયો
The Gujarat Report | સાંપ્રત લોક હિતના વિષયોના સમાચાર અને સચોટ વિશ્લેષણ જુઓ માત્ર ધ ગુજરાત રિપોર્ટ પર
આ પણ વાંચો:
Rajkumar Jat Case: ગણેશ ગોંડલનો તા.13 ડિસેમ્બર સુધી ચાલશે નાર્કોટેસ્ટ! શુ હોય છે આ નાર્કોટેસ્ટ? જાણો
