ST Corporation: નવા વર્ષના પ્રારંભે જ સરકારે મધ્યમ અને ગરીબ જનતાને મોંઘવારીની ભેટ આપી છે જે લોકો પાસે કાર કે પોતાનું વાહન નથી અને પરિવાર સાથે એસટી બસમાં મુસાફરી કરે છે તેવા વર્ગને હવે મુસાફરી કરવા વધુ પૈસા ચૂકવવા પડશે,આ ભાવ વધારો આજે મધરાતથી જ અમલ કરવામાં આવશે.
નવા વર્ષથી ગુજરાત એસ.ટી.ના ભાડામાં સરકાર દ્વારા 3 ટકાનો વધારો ઝીંકવામાં આવ્યો છે. જેની સીધી અસર 27 લાખ મુસાફરો પર પડવાની છે.આ પહેલા 28 માર્ચ, 2025ના રોજ પણ ભાડામાં 10 ટકાનો વધારો કરવામાં આવ્યા બાદ માત્ર નવ મહિનામાં જ બીજી વખત એસટી ભાડા વધારો કરવામાં આવ્યો છે.
જણાવા મળતી વિગતો અનુસાર ગુજરાત રાજ્ય માર્ગ વાહન વ્યવહાર નિગમ (GSRTC) દ્વારા 31 ડિસેમ્બર 2025ની મધ્યરાત્રીથી એટલે કે 1 જાન્યુઆરી 2026થી 3% ભાડા વધારો કરવામાં આવ્યો છે.આમ,નવા વર્ષના પ્રારંભે મુસાફરોને મોંઘવારીની ભેટ આપવામાં આવી છે.
■એસટી બસમાં દૈનિક 27.18 લાખ મુસાફરો મુસાફરી કરે છે.
એક અંદાજ મુજબ રાજ્યમાં દૈનિક 18.21 લાખ ગ્રામીણ મુસાફરો, 46 હજાર શહેરી મુસાફરો અને 8.30 લાખ વિદ્યાર્થીઓ એમ કુલ મળીને કુલ 27.18 લાખ મુસાફરો એસ.ટી. બસમાં મુસાફરી કરતા હોવાનું નોંધાયું છે.જ્યારે ગુજરાત સ્ટેટ રોડ ટ્રાન્સપોર્ટ કોર્પોરેશન દ્વારા (GSRTC)ની કુલ 8,320 બસ દૈનિક 42,083 ટ્રીપ કરવામાં આવે છે આ તમામ એસટી બસો દરરોજ 34.52 લાખ કિલોમીટર જેટલું અંતર કાપે છે.
ગુજરાતના 18,367 ગ્રામ્ય રૂટ એટલે કે 99.34 ટકા ગામડાઓમાં એસ.ટી. નિગમની બસ કાર્યરત છે જ્યારે દૈનિક સરેરાશ 68,000 જેટલી ઓનલાઈન ટિકિટ બુક થઈ રહી છે આમ,ભાડામાં વધારો થતાં 27 લાખ જેટલા મધ્યમ વર્ગીય લોકો પ્રભાવિત થશે.
આ પણ વાંચો:
Pentagon: ચીનની ભેદી હિલચાલ; અરૂણાચલ પ્રદેશ કબ્જે કરવા કરી રહ્યું છે, તૈયારીઓ! પેન્ટગોને આપી ચેતવણી!
Donald Trump: ટ્રમ્પનો ‘ટેરિફ દાવ’ ઊંધો પડ્યો! 700થી વધુ યુએસ કંપનીઓને લાગ્યા તાળા!
Aravali Case: અરવલ્લી કેસમાં સુપ્રીમ કોર્ટેનો પોતાનાજ આદેશ પર સ્ટે; આગામી સુનાવણી 21મી એ થશે
