■તાયફા કરવામાં વ્યસ્ત ભાજપ સરકાર પાસે પ્રજાના રક્ષકો માટે પૈસા ખૂટી પડ્યા!
Gujarat Police: રાજ્યમાં કાયદો અને વ્યવસ્થા જેવા મહત્વના વિભાગમાં રાત દિવસ જોયા વગર કામ કરતા પોલીસ કર્મચારીઓને નવા વર્ષ ઉપર જ પગાર મળવાનો નથી,સરકારી ડિપાર્ટમેન્ટના મહત્વના વિભાગ એવા પોલીસ ખાતાના મહેનતાણા માટે તંત્ર પાસે ગ્રાન્ટ નથી એ શરમજનક વાત કહી શકાય.
જે રીતે વિગતો સામે આવી રહી છે તેમાં જાણવા મળી રહ્યું છે કે “પૂરતી ગ્રાન્ટ ન હોવાને કારણે ડિસેમ્બર-2025ના પગાર બિલો નિયત સમય મર્યાદા (23 ડિસેમ્બર) સુધીમાં તિજોરી કચેરીમાં રજૂ કરી શકાયા નહી હોવાથી પગારમાં વિલંબ થશે” આ માટે વહીવટી બેદરકારી જવાબદાર હોવાનું સામે આવી રહ્યું છે.
સરકાર આ મામલે કેટલી ઝડપથી ગ્રાન્ટ રિલીઝ કરીને કર્મચારીઓને રાહત આપે છે તેતો આવનારો સમય કહેશે પણ પોલીસ પરિવારોની ‘હેપ્પી ન્યુ ઈયર’ની મજા બગડી છે તે નકારી શકાય નહીં.
જોકે,હાલમાં વિલંબથી પગાર બિલો સ્વીકારવા માટે મંજૂરી માંગવામાં આવી છે,પણ જો ગ્રાન્ટ ફાળવવામાં હજુપણ જો વધુ સમય લાગશે તો પોલીસ કર્મીઓનું નવું વર્ષ ઉપર આર્થિક સંકટ સર્જાવાની શક્યતાઓ ઉભી થઈ છે.
વિગતો મુજબ ગ્રાન્ટની અછત ઉભી થતાં રાજ્યના તમામ પોલીસ કમિશનર અને રેન્જ કચેરીઓ તથા સી.આઈ.ડી. ક્રાઈમ, ઈન્ટેલીજન્સ અને રેલ્વે વિભાગ તેમજ હથિયારી એકમો અને એસ.સી.આર.બી. ગાંધીનગર જેવા વિભાગોમાં કામ કરતા હજ્જારો પોલીસ કર્મચારીઓને પગાર મળવામાં વિલંબ થશે અને નવા વર્ષ ઉપર જ પગાર અટવાઈ ગયો છે.
સરકાર ખોટા તાયફા કરવામાંથી ઊંચી આવતી નથી પરિણામે કરોડોનો વેડફાટ થઈ રહ્યો છે ત્યારે નવા વર્ષ ઉપર જ પોલીસને પગાર કરવા હવે પૈસા ખૂટી જતા ભારે હાસ્યાસ્પદ સ્થિતિ ઉભી થઇ છે.
આ પણ વાંચો:
Pentagon: ચીનની ભેદી હિલચાલ; અરૂણાચલ પ્રદેશ કબ્જે કરવા કરી રહ્યું છે, તૈયારીઓ! પેન્ટગોને આપી ચેતવણી!
Donald Trump: ટ્રમ્પનો ‘ટેરિફ દાવ’ ઊંધો પડ્યો! 700થી વધુ યુએસ કંપનીઓને લાગ્યા તાળા!
Aravali Case: અરવલ્લી કેસમાં સુપ્રીમ કોર્ટેનો પોતાનાજ આદેશ પર સ્ટે; આગામી સુનાવણી 21મી એ થશે
