Unseasonal rain: ગુજરાતમાં ભર શિયાળે માવઠું થવાની કરાયેલી આગાહી વચ્ચે આજે રાજ્યના સૌરાષ્ટ્રના કેટલાક વિસ્તારોમાં વરસાદ થયાના અહેવાલ છે.આજે 31 ડિસેમ્બરના રોજ એક વાગ્યા સુધીમાં રાજ્યના કચ્છ અને પોરબંદર સહિત ગ્રામ્ય વિસ્તારોમાં હળવો વરસાદ પડયાના અહેવાલ છે.
આજે રાજ્યમાં આગાહી મુજબ વહેલી સવારથી જ આકાશમાં વાદળછાયું વાતાવરણ જોવા મળ્યું હતુંસૌરાષ્ટ્રમાં પોરબંદર સહિત દ્વારકા, કલ્યાણપુરમાં પણ વરસાદ પડયાના અહેવાલ છે. આ કમોસમી વરસાદના કારણે ખેડૂતોમાં ફરી ચિંતા પ્રવર્તી રહી છે હાલ ચણા-જીરું સહિતના ખેતરમાં ઉભા પાકોને માવઠાને કારણે નુકસાનની ભીતિ સેવાઈ રહી છે.
પૂર્વ કચ્છના ચોબારી, રામવાવ, મનફરા, કણખોઇ સહિતના ગામોમાં પણ ધોધમાર વરસાદ થતાં ખેતરોમાં પાણી ભરાયા હતા.
અહીં ભરશિયાળામાં માવઠું થતા જીરુ, રાયડો, ઈસબગુલ સહિતના શિયાળુ પાકમાં ભારે નુકસાની થવાની ભીતિ સર્જાઈ છે.
રાજ્યના કચ્છ અને પોરબંદર સિવાય ઉત્તર ગુજરાતના બનાસકાંઠા, પાટણ જેવા જિલ્લાઓમાં છૂટાછવાયાં સ્થળોએ, સૌરાષ્ટ્ર-કચ્છના જામનગર, મોરબી, દ્વારકા અને કચ્છ જેવા જિલ્લાઓમાં છૂટાછવાયાં સ્થળોએ હળવો વરસાદ પડવાની આગાહી વ્યક્ત કરવામાં આવી છે.
મહત્વનું છે કે વેસ્ટર્ન ડિસ્ટર્બન્સની અસર હેઠળ રાજ્યમાં વર્ષ 2025ની વિદાય અને 2026ના પ્રારંભે વરસાદ પડવાની આગાહી વ્યક્ત કરવામાં આવી છે.
હવામાન વિભગના જણાવ્યા અનુસાર ઉત્તર ભારત પરથી પસાર થઈ રહેલા વેસ્ટર્ન ડિસ્ટર્બન્સ (WD)ની અસર હેઠળ ગુજરાતમાં 31 ડિસેમ્બર 2025 અને 1 જાન્યુઆરી 2026 આ બે દિવસ દરમિયાન રાજ્યમાં છૂટાછવાયાં વરસાદી ઝાંપટાં પડવાની આગાહી થઈ છે.
જેને લઈ સમગ્ર ગુજરાતમાં વાદળછાયું વાતાવરણ જોવા મળી રહ્યું છે અને કેટલાક વિસ્તારોમાં ઝરમર વરસાદ પડયાના અહેવાલ છે.
આ પણ વાંચો:
Pentagon: ચીનની ભેદી હિલચાલ; અરૂણાચલ પ્રદેશ કબ્જે કરવા કરી રહ્યું છે, તૈયારીઓ! પેન્ટગોને આપી ચેતવણી!
Donald Trump: ટ્રમ્પનો ‘ટેરિફ દાવ’ ઊંધો પડ્યો! 700થી વધુ યુએસ કંપનીઓને લાગ્યા તાળા!
Aravali Case: અરવલ્લી કેસમાં સુપ્રીમ કોર્ટેનો પોતાનાજ આદેશ પર સ્ટે; આગામી સુનાવણી 21મી એ થશે
